¹ Otao mani. Mani zo nu pasena ena yai tauno giro, Ni awe Oweno ni aungne mitoia ni ami nu kora yero pungno Oweno iwaing ra pugai. Nika ni nata giro baingtiti nasani neung. Nete ni etegaora toyose. ² Otao mani ra mou hina dipu nasani Kristo ra sao tauya sena awiya yepu me yae. ³ Mani zo nuka nu nata po hititi noiya arata nu awiya moko aung ara, mani awiya nuka nu nata gera noiya. ⁴ Nuka nu nata nao nuna gai kasayari niya. Anasani oungne taung po hitaora nao awiya nuka nuna mokora atu gege mitari niya, mani enara hina oko. ⁵ Emo bauno apakana awiya mou mawere aka agera dimari neya. ⁶ Emo awe Tuwara ge ni eno pugai giro, zamena simena nina nu soreung. ⁷ Emora ge aungne, kotumao ge hiwao aungne, awiya tumo diro ago yaneya, Tuwa awiya nu ge hiwao oko, emo zo nu nona no urari niya nu nona aungna me gege pari niya. ⁸ Emo awe nao nuna aungna atu pasena samo dedu nari niya, awiya nu agore mou meko dimari niya. Emo zo nu oweno re mitiya, nu ami nao mitao gege mitao awiya gari niya. ⁹ Name nao wowosewa oko bereyare yaneme, katagao be zo ingwaing mitia, name aungna dopari nename, aeno name.bereyare oko naneme. Name heme mitename eune, emo bauno apakana eno nao ingwaing yari nename, tumodiyao emo bauno apakana aeno nao ingwaing yari nename, tumodiyao bauno garo dekaka ra mitename aeno dema yari nename. ¹¹ Imagi babuze nago nana yero nige eno gainena ewiya gipu. ¹² Emo dubu taung tata simari aeno gege, taung ninage aungna tata kapari sineya. Aka ago hung gero Kristora yazora mou oko dimari neya ayero niya. ¹³ Emo dubu taung tata agera oko kapao wata, ago Tuwa Tutura sao tauyao ago yero baingtiti nowa, ora nige taung tata ninage kapaese sineya awiya taung ninage gege bowi yari sineya. ¹⁴ Nakana oko pungno hititi nona ta yesu kristo baina aeno gege sinona, no eno oko emo baungno apakana ipasao eungna maga newa na deka ayero maga yewang. ¹⁵ Na taung tata kapaota oko kapao ami nona zo oko niya, arata nona me awiya na emo seka pewayao. ¹⁶ Nu awe gabu eungna atu mitiya awiya mono dubo ingwaing nige aungne Tuwa Tutu ra emo dubu Isirae aungne mitaise. ¹⁷ Heme etu emo zozo na oko gerayari niya,no eno oko, yesura enza iso awiya taung nana aungna tame atu mitiya. ¹⁸ Yesu kristo ra dubo bayao ami oweno ninage aungne mitaise. Iyo geme.