¹ Kristo mena name bunaora atu bese daung gaina. Arare tau yero dopepu. Nika nige nata nupe oko pu bunao mokora gaipu. ² Na Pol zo nige eno sinena awiya era, Nika ninege arataung ro taung tata kapaya giro Kristo nai ena taungro, Nige soremao awiya aung niya ara. ³ Na nupe sinena, Emo awe ara taungno taung tata kapero giro sao tauyao apakana ago yaise. ⁴ Ni awiya nika nine nata gausero kristo bata gairo ni ewe dopi nesa, sao tauyao zo ni eno ge me sariniya, nupe ni deka awiyaTuwa ra Hoamao mokora oko mitesa. ⁵ Tumodiyao re oweno ra soremao ra yaya tapu nasani etetero nao ra kotumao ingwaing awiya diya mitaneme. ⁶ Yesu Kristo ra hina, awiya nige nami taung tata kapeteita oko kapeteya ami me oko niya, arata tumodiyao aungne hina aratamao ami tairo ingwaing kasa yariniya. ⁷ Nige ingwaing supuneya ara. Ora awe nige geme ago yao gaziniye? ⁸ Emo nige yau siniya ami oko nige Tuni niya. ⁹ Yist ka maiko kaka ami ame igiyao awiya noi titi sero baina noiya. ¹⁰ Tuwa ra hina na dubo eto oko nena, arare nige kotung katung oko yepu. Nu emo awe nige sisigaiti niya awiya, nao niya aungna me nuna pari niya. ¹¹ Otao mani, na taung tata kapao ra ge saogege sinana giro, susuwa no eno na iwo yao gege nei? Ayai giro ipasao ra mou awiya aung yaise. ¹² Ora ago dubu nige sisigaiti neya ami zo aka ago kora yero ingwaing yaese. ¹³ Nige awiya yause teya, besao kakame atu miteya ara otao mani. Arata otao mani besao toto ninage ewiya pasena nao eno oko pugaipu, nige zoma hina soreung nasani, nupe hina aratapu nasani neungpu. ¹⁴ Sao tauya apakana awiya ge dekaka zo horiniya. Nige apakana nika nige nata aratapu nowa, deka ayero otao mani ninage aratungpu. ¹⁵ Arata nige be apakana otao mani gera gaira nasani, hina kasu nasani oko neungpu. Nige giro baingtiti nasani neungpu, nige nete otao mani apakana gera yaneya. ¹⁶ Arata na eyero sinena, angyao ninage awiya ititi ra ang yepu, anari neya ami zo nige aratamao pasena taung eungna awiya oko diungno nari neya. Pasena taung eungna aratamao awiya oweno aungne iwo noi, Oewo deka ayero pasena taung eungna aratamao aungne iwo noiya, agoto awiya hina iwo nowato ara, arare nige aratamao nika ninage ago yao teng oko. ¹⁸ Arata nige Oweno zo gitau nai narineya awiya nige sao tauyao ra hese oko miteya ara. ¹⁹ Pasena taung eungna buro nuna noiya aungna susuwa nuna eyero ganame kasa yariniya: kuma hungai nowa, etetero oko nowa, nao ena mega magare nowa, ²⁰ nona ena naore oko tebe ititi gege ge aung, awiya Tuwa Tutu ine yero bowi nowa, do-o nowa, otao mani oko aratapu nowa, mitao sisigaiti nowa, Tonzi sina sani nowa, hinase nasani nowa, depo nowa, otao mani moko mini nowa hinase nowa, hina kasu yero nowa, ²¹ dubo ra pasena nowa, ou miniro dau nowa, dau nasani ge-e beraung giti sinowa, egege oko nao memeko ena miteya. Na nige eno eyero sinena, na gitau nige eno mena sengwang nigiwa, mani awe nao eyao nasani noiya nu awiya nao masi Tuwa Tutu ra oko pariniya. ²² Arata Oweno ra nao aungna me awiya era. Aratamao, yawa yawa, mono, etetero nao, baya yao, nao ingwangwaing, tumodiyao, ²³ eyare ge, nika ni nata diya nasani etetero nao, Oweno ra nao ewiya sao tauyao zozo gazao teng oko. ²⁴ Mani dubu nami Yesu Kristo aungne dema nowa awiya, pasena ra nao aungne, aratamao agera aungne, yawayawa agera aungne, awiya mena ipasaora atu dewa maga yewa. ²⁵ Arare name oweno aungne dema mitename ayai giro, name deka Oweno ra nai ra atu etetero ang yaneme. ²⁶ Name nete taung puro hititi nasani, Naka name etegaiti nasani nanename, name otao mani moura oko puganeme, Anasani hina tonzi oko saneme.