¹ Galesia emo bauno nono yero dau nei. Awe nige gera yetiye? Yesu Kristo ninage diti ra atu ipasao ra dewa awiya hungao oko ara. ² Nika ninege nona ka dekaka ewiya zawagairo sepu na nigane. Oweno pumuwa awiya saotauyao ra buro ra ta, bowi ingwaing nigiro tumodiro pumuwi? ³ Nige dau neita nowa, Nige buro oweno ra,ingwang yewa awiya nono yeti nige heme buro tangi ra nao ra atu besugari nei? ⁴ Nige mou mawere tebe Tamuwita nowa,ayai giro, aung nita nowa? ⁵ Nige oweno zo putoung pugaiti noi Tuwa Tutu ra tani butani ninage somara atu nowita nowa. Arita sao tauyaora putoungra atu nigiro tumo didi nowa aungna putoung ra nowi ? ⁶ Abara Tuwa Tutu hingiro taka sena aeno nu eno emo nao ingwang waing nao sena. ⁷ Arare emo bowi ingwaing tumodidi nowa aeno Abara ra mani awiso sinowa. ⁸ Tuwa Tutura ge emo ewe pape bowi ingwaing tumodiyari neya awiya gosi nasani giro Abara eno bowi ingwang mena'' Yazo nina ungna atu emo dubu sero o ge sero miteya awiya zamena simena tapu nowa. ⁹ Arare emo bowi ingwaing tumodidi nowa awiya Abara aune dema zamena simena tapu nowa, no eno, Abara awiya tumodiyao ra maung. ¹⁰ Sao tauyao ago nowa awiya mou tamari neya, Noeno oko, ge eyero gayao mitiya, ''Emo awe sao tauyao ge atu gaewa mitiya awiya teng oko ago nari niya awiya nu tamari niya. ¹¹ Sao tauyao zo oko emo soremai Tuwa Tutu ra hina bamari neya aung ara,noeno oko tumodiyao re nasani nowa ami nona me ara. ¹² Sao tauyao awiya Tumodiyao oko ara, ''Emo sao tauyao ago nasani giro saotauyao apakana teng ago yaesa. ¹³ Kristo nuka nune name sao tauyao ra bunao ra atu pungna. Meko naname nune diungna, arare ge eyero gayao mitiya, emo ipasao ra atu maganowa awiya mou dipunowa. ¹⁴ Yesu Kristo ayero yena, Abara ra gao baung emo ewe pape ra hina yena, Arare tumodidi nasani oweno ra sao wosewa awiya pari nename ara. ¹⁵ Otao mani, emo ra nao ra atu pugairo sari nena, emo ge no didinowa awiya tau noiya,dadawa oko nowa. Ge no didinowa awiya ayero mitoiya. ¹⁶ Ge wowosewa Abara aungne awe sai nuna niye aeno sena. Saisibuna dubure eno oko siniya, aung ara, dekaka eno sena, aungne Kristo sai ninage aungne aeno sena. ¹⁷ Na noeno sineni awiya era: Sao tauyao dawang 430 aung yenu aungna bautara pugaina ami oko Tuwa Tutu ra sao no sero Dina awiya oko gera yena. ¹⁸ Sao tauyao ra atu nao paese satiya awiya ge wowosewa ra putoung aung yatiya. Arata Tuwa Tutu mena Abara eno ge wowosewa awiya pugaina. ¹⁹ Sao tauyao awiya susuwa noeno kasa yene? Sususwa era, nao meko mako mitaungna aeno pugai ago nasani naya, Abara ra sai kasa yaise sena, sao tauyao awiya emo ge diyayao ami angelo eno pugainu, emo eno pugaiwa. ²⁰ Emo ge diya yao awiya tuwa Tutu nukanu ara. ²¹ Tuwa Tutu ra ge wowosewa awiya sao tauyao zo gera yarinita ? Aung nibaung ara . sao tauyao zo nao pugaiti niya awiya nao ingwangwaing kakawaing awiya saotauyao zo yai kasa yatiya. ²² Arata Tuwa tutu ra ge zo nona apakana pasena re tairo dowena. Ayenu aungne bowi, ingwaing tumodiyao kasaye daung gaina. ²³ Tumodiyao oko kasayaore name mena sao tauyao ra bunao ra mitaung wang me, Tumo diyao ame kasa yena. ²⁴ Arare sao tauyao zo name humo nasani mitaungnu aungne Kristo bungna. Ayenu ami tumodiyao naname soreungna . ²⁵ Heme name bowi ingwaing Tumodidi nasani sao tauyao ra hese oko mitename. ²⁶ Nige Yesu Kristo tumodidi nowa aeno gege nige heme awiya Tuwa Tutu ra mani awiso ara. ²⁷ Arare nige dubu baina mena ge ou suwero Yesu pungno nu aungne dema miteya ara. ²⁸ Ora Juda emo ta, Grik emo ta, mani sosou ta, emo bunaore ta, bunao aung ta, emo ewe bauno ewe, awiya aung ara, Yesu Kristo ra hina awiya nige apakana dubu dekaka gege ara. ²⁹ Arare nige apakana Kristo ra, nige Abara ra saisibuna ara, sao wowosewa aungna me pari neya.