² Nage bungro ayero hitiro baungro agera beraung ra atu bowi iwaing emo ge ewe pape eno sinasani nauwa. Awiya ago zawagari bamuwa. Na saing yero emo yazo re aung na zo aungne ge unge yewang.Ayero yana ago gaese yewang, awiya na oko awang yero tara yewang, ayero kotumowese aeno yewang. ³ Anewang Taitas naung ne dema nenu taungno nu emo Grik ware taung agewara tata kapaise sewa. ⁴ Emo ge hiwi nasani nowa awiya saingyero opene ayao nanage Yesu Kristo ra naora nonage awiya humonowa nono yero yangyang bunao dongwange aungna atu nupe nanegese kotungno newa. ⁵ Arata nage tutata diro geme bowi iwaing ra nige aung ne mitaise tauyeng wang ge awiya iwaing ninage eno yengwang ge. ⁶ Ora emo yazo re na eno ge ena ena oko sao yewa, ago emo nono ya nana ungna awiya aung,Tuwa Tutu ra hina awiya deka ayero mitiya. Tuwa Tutu ra hina emo apakana yazo aung. ⁷ Ago zawagao puro gigiwa awiya na bowi iwaing emo ge ewe pape, aungna buro maung aposolo,deka ayero Pita awiya Yuda emo ra buro emo aposolo. ⁸ Tuwa Tutu zo pita aposlo buro emo taung tata kapi nowa aungna yaise pugaina, deka ayero na emo ewe pape ra aposolo pugaina. ⁹ Jems, sipas aungne Jon ami buro baina zayewa bainayena, zawa gaiwa awiya buro nana. Anasani Banabas aungne naka na aungne yengti emo ewe papera gaiti nasani, aka agozo emo taung tata kapinowa aeno bowi iwaing sina sani narineya. ¹⁰ Ago emo kotumao zo e gege nage eno gipewa,emo bauno nuna eno asoko nowa awiya kotupu nasani nanegese sewa,kotumao awiya nana ungna mitiya, awia seteya na soremia. ¹¹ Arata be Sipas bungno Antiok yero Yuda emo awang yero nao pore yenu, na nu berau ra atu giro sewang. ¹² Sipas emo Yuda oko aungne nona mini nenu, emo ena Jems zo yengtinu bumuwa nu ago gosi nasani mena ago emo ge ewe awiya doro ba akeyena. Sipas emo Yuda taung tata kapaora nowa awiya awang yena. ¹³ Yuda emo nu aungne dema mitiwa, awiya Sipas ra gehiwao awiya ago yewa. Banabas dema agera giro ayero yena. ¹⁴ Nao agera ayero yewa awiya geme bowi iwaing ra atu mitiya awiya gera yewa. Na sipas ago apakana aungna beraura tu giro sewang. Ni Yuda emo wata ni emo ge ewera nao nasani, Yuda oko nasani giro ni ago emo ge ewe oko ato sasa Yuda ra nao oko yaneya. ¹⁵ Name apakana awiya emo ara no eno aya mani mamono naname yuda ami name pumuwa. Name emo ge ewe pasena re oko. ¹⁶ sao tauyao zo emo soremai iwaing yao zo oko mitiya. Yesu Kristo tumo diyanesa ami nona me ara. Nage deka Yesu Kristo tumo diro ba nuna hina yero iwaing yengwang ge, oko sao tauyao zo yena.Sao tauyao zo emo soremai iwaing oko yarineya. ¹⁷ Kristo name sore maise kaunewang me,be awiya name pasena ra atu mitaung wangme,ora Kristo pasena mitaise sinoita? Aung nibaung yore ara. ¹⁸ Sao tauyao gera yewa aung yena awiya nupe yana kasa yaise yarinena awiya nakanane sao tauyao seka awiya bezetena niya ara. ¹⁹ Na sao tauyao ago naungwa, awiya na magayao tamuwang. Arare na Tuwa Tutu ra hina awiya na seka mitena. ²⁰ Na ipasaora atu Kristo aungne dema maga yengwa. Heme mite na ewiya oko wata Kristo zo nana mokora mitiya. Tuwa Tutu ra mani tumodidi nasani ang yao nana, aungne mitao nana awiya emo na aratapu nasani nukanu na eno pugaina aungna nona. ²¹ NaTuwa Tutu ra hoamao, mono aungne eyare ge awiya oko batagari nena, no eno oko nao ingwangwaing sao tauyao zo soremai patena awiya kristo ra maga yao awiya me aung yatiya.