¹ Badina ita mai dibada bema ita eda noho gabuna tanobada ai - ta noholaiamu kalaga na - vada e rohoa, Dirava ena amo, mia hanaihanai rumana ta Basileia ai, dia taunimanima imadia amo e karaia. ² Ina kalaga lalonai ta ganaganamu, ede tama kara toma Basileia dabua na tama karaia, eda ruma ta Dirava ese ehenida kalagana ai, badina aina bae davarimai, mai dabuamai ida. ³ Badina be momokani bema ita ese ta hedokilaia, ita na basie davarida gagaeda mo. ⁴ Badina momokani ita na do unu una kalaga lalonai, ta ganaganamu, eha maduna damu, badina ita na asi ta uramu basie hadabuada, to bae hadabuada, mauri ese e dikamu tauanina baine hadonoa. ⁵ Hari ita ehahegaegaeda tauna na Dirava, ia ese ia Laumana ai davada taina vada eheni. ⁶ Una dainai ita na nega iboudiai gogoada bona ta dibamu ita na tauanida lalonai ta nohomu, ita na Lohiabada ena amo ta raka oho - ⁷ Badina ita na abidadama ai ta rakamu, dia roharoha ai - ⁸ Ai na asi adaradara mu, auramu tauanina ena amo baia raka oho, bona Lohiabada ida baia noho. ⁹ Una dainai ai emai, lalohadai badana bina, ini seniai eiava unu seniai ia ihamoalena dainai. ¹⁰ Ita iboudai na Keriso ena hahemaoro terona na vairanai baita hedinarai, tata tauanida ai ta kara gaudia baita abidia lou, namo eiava dika. ¹¹ Lohiabada imatauraina na badibaia una dainai taunimanima baita hadibadia ita danu idia lalodia badibadia goevagoeva, na helaoreamu umui lalomui ai ia badibaia goevagoeva. ¹² Ai na dia sibomai ahegwaurai loumu, to ina nega na ahenimu ai daimai ai bae heagi, una na umui mai emui haere murimuri kahanai eheagimu taundia ediai, bona dia kudou ai. ¹³ Badina bema ai lalomai na dahuai, una na Dirava mo dainai; bema ai lalomai na mamaoro una na umui daimui. ¹⁴ Badina Keriso ena lalokau ese ehaganimai mu, Oreana bina: ita daidai tau tamona e mase! una dainai iboudiai vada ta mase. ¹⁵ Bona ia na ita iboudiai daidai e mase, una dainai e maurimu taudia na dia sibodia ediai e maurimu, to damui, ai e mase bona ma etoreisi lou tauna dainai. . ¹⁶ Una dainai, ina hari amo ela ita ese ta basita haeroa tauani kahanai. Ena be Keriso na tauanai ena dala ai, ta haeroava, a harihari unu dalai na asita haeroamu. ¹⁷ Una dainai, bema taunimanima ta na Keriso lalonai ia na tau matamatana. Gau iboudiai vada e boio vaitani, aitaia gau iboudiai eme matamata. ¹⁸ Ina gau iboudiai Dirava ena amo, Ia bona ita Keriso lalonai e haheroheda maino, herohemaino gaukarana vada eme ehenida. ¹⁹ Una na, Keriso Dirava lalonai - tanobada na Ia ida eherohemaino, edia kara dika na se duhai diamu bona ita na ehaganida mu herohemaini sivaraina. ²⁰ Ai na Keriso ena hesiai taumai: una dainai a noimuimu, e kara Dirava na ai emai amo egwau lasi mu. Ai na Keriso dainai umui a noimuimu, "Dirava ida bae herohemaino! ²¹ Kara dika asi dibana tauna, ita daidai dika ai ehalaoa, unu amo ita na Dirava enai maoromaoro baita abia helaoreana Ia lalonai.