¹ Una dainai, ina hesiai lasi gaukarana, bona ina hebogahisi ame abia, kudoumai na asi hamanokadia mu. ² To, hehuni karadia mai hemaraidia, ame dadaraidia, dibaka karadia ai na asia raka vareaimu bona Dirava ena hereva na asia idauamu; To hereva momokani mo ahahedinaraia mu, sibomai ese hahenamolaiamu taunimanima edia lalohadai Dirava vairanai. ³ Bema ai emai sivarai namona na hehuni, e masemu taudia ediai danu hehuni, ⁴ ina nega diravana ese asi ehamomokania mu taudia lalodia na vada ehadiburadia, bena Keriso, hairaina daika be Dirava heida-idana, ena sivarai namo diarina na idia ediai na basine hedinarai. ⁵ Badina be aina sibomai asi agwau hedinaraimu; to Keriso Iesu na Lohiabada, bona ai na ia ena hesiai taumai mo Iesu dainai. ⁶ Badina be Dirava na eto, "Diari na dibura amo baine diari," unu amo ai kudou mai e diarimu, bona ina diari amo Dirava idibana hairaina Keriso ena amo ehedinaraimu. ⁷ Ina kohu namona na hodu lalona amo abimu, ina siahu hereadaena na dia ai emai amo to Dirava ena amo. ⁸ Emai hisihisi na dala idauidau amo e maimu, to asi adareremu. Ai na adaradaramu to daramai na asie dokomu. ⁹ Ai na ehahisihisi maiva to asi a manokava. Ai na ehamoru maiva to asi a darereva. ¹⁰ Ai na nega iboudiai Iesu ena mase tauani mai ai ahuaia mu, unu amo Iesu ena mauri na ai ese tauani mai amo ahahedinaraiamu. ¹¹ Badina be ai mauri taumai nega iboudiai mase ai eatomaimu Iesu dainai, ina dainai Iesu ena mauri ina tauanimai be mase mu gauna amo hahedinaraia. ¹² Una dainai ai lalomai ai mase e gaukaramu, to mauri na umui lalomui ai. ¹³ To abidadama laumana vada ta abia hebou, vada e torea hegeregerena: na ahamomokania una dainai vada na herevalaia. "Ai ese danu ahamomokania mu, una dainai ai ese danu a herevalaiamu, ¹⁴ ta dibamu danu Iesu eha torea isi tauna ese oi bona lau baine hatoreda isi bona umui bona ai Iesu varanai baita ginimu. ¹⁵ Ini gau iboudiai na umui daimu ai, una amo Dirava ena harihari badana e habadaiamu hutuma edia ai unu amo ihanamona baine bada Dirava hairaina danu baine bada herea. ¹⁶ Una dainai basita manoka. Ena be, bema ita tauanida na e dika elaomu to ita laumada na dina iboudiai e matamata loulou mu. ¹⁷ Ina nega sisina mo, hisihisi taidia ese e butuda taomu una mia hanaihanai hairaina maduna na ese baine govadia ahu. ¹⁸ Ai na dia asi ai itamu gaudia aitamu, to seheitamu gaudia ai itamu. Badina aitamu gaudia na dia mia hanaihanai gaudia, to asi ta itamu gaudia be mia hanaihanai gaudia.