¹ Uhuvaka veite! Unuhuna ia maba gahi gevenu? Iesu Keriso ramu koita iau vagotoni iauki mi idi sumanu. ² Iaga kobuga ora daki ai eraganu: Ana ahata makia aena augena a Horu manu, se otauado a ihine a riaga gahanu? ³ Ana uhuvaka veitenu? Akamu Horu Aenave ge aki me manu, gerege aka ahata maka makava ki kosaisa? ⁴ Akamu iaga dadaga iau dainehe aki huhu nagima, riaga iaga be veite. ⁵ Auna Horu a moimi renu meva kima si vagotoni ena ahata maka aena, se au ihihive ihare? ⁶ Eige Aberahamo raki " Rohi Bauge riaga gahi renu iauki mage moimanu," ⁷ guma kobuga ei, anaisa, gerege, ogoreana ihihite iabara Aberahamo gamuhe iabara. ⁸ Eige buka ramu urigoi eragi Rohi Bauge ramu koita iau ihihive mage gahi, harimage urigoi Aberahamo gasina onaki rosa, "Aigera mata o inuhati iabera mage misa." ⁹ Gerege, iai ihihive ramu Aberahamo ihihi koita au nagate gasina. ¹⁰ Ogoreana ahata maka aenava uhura me miare, iabara ahata maka iera; eige onakime auki maemanu , " Koita inuhati gera daure uhure iau buka uhura aena maemane kiogeige veite." ¹¹ Negubutu gera bera Rohi Bauge vagotoni beta gagaeve ra, edube "mage gahe iabara au ihihive ge auna me miare ramu maguri visa." ¹² Eduge aena vara beta ihihva gera, eduge, "Koita be aena uhura me miare ramu maguri uhura guramisa." ¹³ Keriso ramu ra dainehe aenava raki manu, eige iauki maemanu, "Koita be idi debodde viare eramu daurte ra." ¹⁴ Eige Aberahamo mageve ramu itahe gurahare iau gasina otitoara, gerege ai ihihive nona Horu ominue gahare misa. ¹⁵ Di ogo nanuhea , da so ahata maka seni ga vima. Ahata maka meva , bera beta geahu maemare se adahe maemisa, eduge era iau aena kinera. ¹⁶ Eige ominue ro gevene iaukamu Aberahamo boriti gahanu mati iaukamu au koitatuhea. Auka roro veitte, "ora au koitatuhea iau," eramu Keriso ra. ¹⁷ Da onaki roiare makava ramu onu - Aena ora, tau tinahu ababu hakira utu-abigaga itahe, auki ominue Rohi Bauge urigoi kine mi geahu meamisa. ¹⁸ Eige au seni orogane aenava ramu, beta au ominue vane eige auki orogonu, eduge Rohi Bauge raki Aberahamo ominue gahi moimanu. ¹⁹ Gerege, negu aena e meva makavana otavado anu? Badiva iau adahe maemanu ra aena hosagane dainehe, eige Aberahamo koitatuhe ramu orogare iauni ge iauki ominue kine era. Aena oramu iauki mi aneru iau maemanu. ²⁰ Negubutu me gahiga vara beta koita kobabera , eduge Rohi Bauge ra kobabera. ²¹ Eige aena ona Rohi Bauge ominue au besibe gahima? Veitera! Eduge negu aena ona di maguri gumagenu, gerege mage ramu riaga aena seni ge auki orogonu. ²² Eduge buka aenava raki daure inuhati gogohu gahi gevenu. Rohi Bauge raki guma o kinu gerege au ominue rone ramu no magurib gahigeisa ni ihihive Iesu Keriso uhura noma mi riaga gahare mohigeisa. ²³ Nokamu ihihi so ororo veite, nokamu aena derikahe noki uiege, atege ihihva raki yeriri goinu. ²⁴ Eige aena raki no urigatugei atege Keriso raki oraganu, gerege ni ihihive ra no maguri gahigeisa. ²⁵ Eduge ihihi ramu oroganu, eige no beta gogohu gera. ²⁶ Badiva iaka iai bouge Rohi Bauge gamuhea iai ihihive Keriso Iesu uhura. ²⁷ Iakamu Iesu ihehe iaki babatiso manu mati Keriso mi ogona nagate mi kinu. ²⁸ Koitabera nune veite ana Iudea se Helena koita vanu, ana besubesu se bia koita, ata se magi, eduge iaka iai bouge kobabe Keriso Iesu uhura. ²⁹ Gerege ana Keriso ienu, aka Aberahamo vahie, renu au ominue gahane koita vara.