¹ Tau utube hakira ababu itahe daki Jerusalem gadimi otinu Barnabas ruta, noki Tita tage mi oti no ruta. ² Da gadimi otinu makavara Rohi Bauge hari mageve ti koita nune kiro gevenu. Da koita bauge geahu gaga gevenu, badiva iau ma dibana gahisa daka ga geige veitera. ³ Di bamode be, Tito auka Greek koitabera ata iau tene me yau au kinu. ⁴ Avanage ogonanaia beabaki vaho guma va vare ragohanu ni uhu anana mageve gahise roma Iesu uhurahe. Iau gaharavera noka yau besubesu koita rahohivara, ⁵ eduge noka rabura veite mati iau gare ihihi veite , mati noka Rohi Bauge hari mageve gaharave a ruta usa. ⁶ Eduge koita bea ananave iauka rohi iabera, daka e anana veite. ⁷ Koita ia da eraganu negahe, daka Rohi Bauge ga magevedaki ata tene me iau mimi veite daki ga gahege, Peter tene me mim atavaea ga gahi gevenu geregereva. ⁸ Ni Rohi Bauge ki Peter uhure me gahege, Peter ki bina au apostolo me va ki ata tene me kime iau ada. ⁹ James, Cephas mati Ioane, koita iabaki eragei bina dibana goinu iaukaki dubu kinu, dakamu dibana dibana goinu Rohi Baugemageve daka manu, mati iamu ada vamaga hedova Barnabas mati da moigevenu. Iau guma o kine dadiva re noka oti koita nune iau gasina mati oti koita tene me mine koitavaia gasina. ¹⁰ Koita iaba enaki ronu noma iaga veite koitavaea anageisa. Auka mati onaki ronu dakamu e daka anaima. ¹¹ Cephas, Antioch orogane nagahe, auki Cephas vairanehe ura veite gahanu badiva iaukamu maga gahanu Cephas ra bina daure uhurahe. ¹² Koita be abera James gasina iauki orogi Antioch uhurahe, Cephas ra koita nune ruta ge auki tamuta viege. Negu koita e kau rahogahanu, Cephas ra tamuta hadoko gahi, mati gehe otinu. Auki sigoi badiva koita be yabaki ata tene yau me kikidainehe. ¹³ Iudea koita orena va raki avanage koita ruta bou raganu, Barnabas tage iau ruta bou raganu. ¹⁴ Da koita eragevenu eduge iau karave beta mage mati Rohi Bauge ga ve mage gahiga veite, Daki bina Cephas boriti gahanu koita iau vagotone, "Aka Iudea koita eduge ai magurive eta koita nune beta Iudea koita nagate, orenaki a koita nune kirorovara auma Iudea koita uiare nagate usa"? ¹⁵ Noka vara ragohi Iudea koita beta koita nunemati kara daure kiogei koitavaea; ¹⁶ Noka dibana ra koita be ra beta yeririvera ni me uhura eduge gabidadama Iesu Keriso uhurahe. No gainage Iesu Keriso ihe gabidadama negahe noka hero mimi au itahe ogi beta vatada o me, badiva vatada o me hero gahare negahe aka beta hero gogoivara. ¹⁷ No so hero iagova Iesu Keriso ihe, no gainage mati daure koita yabara. Iesu na daure hegiri gahanuse? Veite makavara ¹⁸ Da negu di daure ve mati mi goiragi negahe daka bina mage veite. ¹⁹ Di daure dainehe daki huhu mima, edubege Rohi Bauge mageve daine daki maguri vima. ²⁰ E dainehe beta daki uma, eduge Iesu Keriso raki da ruta uma. Negu maguriva da uare ora, gabidadama, daki uma Rohi Bauge moe, au da gahara viare au mageve uhurahe dainehe au magurive di daureve dainehe hogeraganu. ²¹ Daka ura veite Rohi Bauge mageve gahe maemi, koita be ia yaririvera Rohi Bauge dainehe eduge beta ga magevara, Iesu Keriso hogevera maka veite ra.