¹ Paulo, Rohi Bauge besubesu koita - beta koita besubesu koita vara se koita gauge orogani koita edube ni Rohi Bauge moe Iesu Keriso mati ni Rohi Bauge unuhu raki au moe hogeve maguri moimanu - ² mati Paulo ogo nanuheya ti ogova uhurahe: ³ Mage ti yai bouge mati guragu mage ni mame Rohi Bauge gasina mati au moe Iesu Keriso, ⁴ uhunu raki ni daureve dainehe hoge raganu ge auma no maguri geisa, maguri daure o uhurahe, au gaharahe viare ia ganiva, ⁵ au gasina negu oti behibehi. Auka menu ⁶ Daka gauragima ya vaina Iesu ga rehe anigoima dakamu. Dakamu gauragima yaki mati ga nune ihima, ⁷ beta ga nune riaga eduge koita be yabaki yai gasina Keriso gare mati nune gahima. ⁸ Eduge no se aneru be vava seni ai gasina hari nune morogisa, auma daure misa. ⁹ No subuta roege, da mati negu roma, "Koita be ai gasina ga nune morogisa roege, auma daure misa". ¹⁰ Negu daka Koita se Rohi Bauge mageve maka misa? Koita yaba di mageve rosa se? Dana Koita gaharahe viare yau soruke mage gahigeisa, daka beta Keriso besubesu koita. ¹¹ E daine di ogo nanuheya, hari mage ora beta Koita ga rera. ¹² Ga ora beta Koita be gasina daki manu, se Koita be raki da uhuaka va da kironu. Ga ora Iesu Keriso raki da moimanu au uhu anana aena uhurahe. ¹³ Yaki di subuta maguri Judaism uhurahe ge, yaka riaga gahisa veite , daka ge Rohi Bauge me mageve vata o ada sebose koita vara. ¹⁴ Di uhu anana Judaism uhurahe bina otito herea vanu, di ogo nana yau tanahe, era di maguri di mamuheya subuta maguri va, maguri vara. ¹⁵ Edube Rohi Bauge raki da di neine vagata uhurahe bina au mageve da moimanu, ¹⁶ auki au moe mageve di maguri uhurahe maemanu, ge daka Koita nune yau vagotone au ga re rosa, daka da gaharahe viare ra au Rohi Bauge ga beta di mamuhe au maguri ve uhurahe. ¹⁷ Jerusalem otito veite apostolo yau gasina. A daka Arabica mati Damascus otinu. ¹⁸ Tau abiga itaharahe daki Jerusalem otinu Cephas eragisa, ge daki au gasina vanu utube hakira adakasiva yaganu. ¹⁹ Daka apostolo be erara veite edube James gu daki eraganu, Iesu Keriso ogonana. ²⁰ Daka yai ga maemanu, daka Rohi Bauge vagotoni roma, ora ga riaga vara. ²¹ Ora Syria mati Cilicia ogovaya ge daki so otima. ²² Judea Rohi Bauge koitatuhe ya, yauka so di dibane veite. ²³ Yau dibane ra, "Koita ora subuta Rohi Bauge koitatuheya gahigeve koita vara. ²⁴ Ge yauki yau bouge Rohi Boauge mage ga anu.