1
Nai Paulo, Eloi nu epo a'a u mo Keriso Iesu nu aivara iaki a'a, Eloi, auokavei a'a uriria nu pirima'rokoa aiai mo u evera voa miki laruai u miki enave u ia'a laruai.
2
Opai rokoa nu lae arae'arae u Eloi aiai U euae a'a pea, u avea omoro e'nei kurunave ei pani u aiai.
3
Eloi u omoro iki'kanave pani ima miki oroa omoro kuruei pani ou Eloi ene Ioka ua avei omoro u mikenave.
4
Ni Taitus miki'miki ukua ene pirima rokoa laruai . Umu lae mo airu Eloi Mai ai mere mo Keriso Iesu ene ioka.
5
Ei miki uaiaina, ni aveninave, pairi neo Kriti larua, pakara A'a imai aeke ekavai na Ia'a lavi nu A'a ovara'ovara mo omoro anana mi'ina eku.
6
Pairi nu Mai ni iruku liai apea, mo ni Ae'e monou miai, ni ukua uriria miki avioia imai, lipi liaia apea.
7
Ia'a lavi nu Mai'i nioko vupu niku okoma keina, Eloi nu A'a imai maika liai, lariane'apea, i'ima'i'ima ape, iruku laiapea, ere lipi navai apea, kiri karikiai apea mo pei manipu A'a oparaia apea.
8
Ai kava, u A'a imai maika liaimo inamu lae monou koravai. U lae korava mo opara ima, Ia'a rokoa mo u rokoa epa'epa liai.
9
Ua oia'a mako miki,miki venekiaia okiei omoro oparai, ou mere u A'a venea omoro ekia kana, uane lae lari liei iki.
10
A'a aira miki ou, iara rokoa, rokoei A'a, mikipe omoro kurua rokoei A'a mo avupu rokoa, rokoei iki, mo A'a A'a ke'e kaia na eie miako iki.
11
Ei A'a oro muru emia okamo eriau. Oro omu A'a avai uriria lipi ipa ekima rokonave mo makiri miaka ekuma roko'nave. Omu avai laruai oro ima mo ama miaka'apea.
12
Omu Iva a'a na ekie voa ''Criten'' oro pani uriria miki nu evae pairi ou. Onomo lipi A'a u Animara ovara. Paia a'a u Gluton.
13
Ei omro u miki ou oueiai emana, ekine A'a pirima rokoa karikiai.
14
Jiwish A'a omoro paviriei mo rokoa lipi A'a nu omroko pa viriei oro omoro ima leko okuokoma rokoa pairi ou.
15
Akuru pei uriria miki u akuru A'a nu pei ou. Ai kava A'a u koana rokoa lipi A'a ana, mo u pirima rokoa karikia pea na, ou A'a u akuru mo eriau, omu lae korava miki mo opara uriria miki u eriau.
16
Oro Eloi omu ania miki oparai avioi makeina, kava evae liakana, kapoi omu oparai lae iruku mo viria lipi mo omu rokoa iaki imai ama lia ka'apea.