¹ Nia omoro kuru ane, pirima'rokoa ane monou keia omro kurune. ² Mai ovara ipaokine, umu arau rokoa, a'a ovara oparai rokoai. Lae koravane rokoai, pirima'rokoai, umu ane rokoai mo miki rokoai. ³ Aioro ovara ovara ipaekiai oro avioia rokoa ipaliai, a'a omoro pakurueie, ere kani navai apea . Kava ipaekiai roka ima vake. ⁴ Ei opara voai oro aioro no'orea ipaekia kana.Omo vakero mo ukuane umu ekavai. ⁵ Lae korava ima rokoa, umu akuru, marea imai maika liai. Mo omu vakero nu laekoravai monou rokoai. ⁶ Kapoi maioro no'orea ipa'ekiai,lae korava imane rokoai. ⁷ Ni nanea iki'i line, ni opara ima mo ni iaki laruai. Ni ipokia laruai, lae korava ima mo lae korava opara nu vake. ⁸ Omoro ima vake monou kuruai. A'a u koana u ni ane lae lari kariki oko, ou A'a u makiri ipa lina, uku noro omoro lipi oma akinave. ⁹ Aiva A'a oko ipa okine u masta nu voa monou u viriai, uane voa aki'navai'apea. Kava u laeria oparai rokoai. ¹⁰ oro ai mere peimo pamiei, kava pirima rokoa i ma uriria oparai aine. Uku ou lae korava uriria miki u ima kari akana Eloi Mai au ene ioka. ¹¹ Eloi nu umu lae iki'i kanave Kae upa, A'a uriria ioka miai. ¹² U a ipa'akinave enea Kae upa nu eloi mo, Kae upa nu lae korava aveai, umu, airu rokoa, opara ima rokoai Eloi ane rokoai ei pani miki. ¹³ Ene inamu paku kaeai enavai, ene umu ima na vapara miakana, ene Eloi ovara mo Keriso Iesu ene ioka laruai. ¹⁴ Iesu, una nea, anenave eneai, ene vupu paua rokoa mere imai mo umu lipi rokoa, u aiai iaki kamaia A'a. ¹⁵ Ei peipei aiai kuruei omoro, mo A'a venea mo ipaokia omoro A'a ekiai mo rokoa opara ima vake ipa ekiai A'a mo ni pa paua liei okiai.