Paul, Silvanus, e Timothy, giana eveagona Thessalonia rupuna taua giai. Palau ita tamara e Velekou Iesu Keriso aonai. Vetua goi geumai e maino ewogomana Palau ita tamara e Velekou Iesu Keriso giana. Tariago, ita Velekou patara vegarage vanagi vanaiga gomi gemi. E wo rorrinai, kwalana gomi gemi kamonagi e kamu ago kamu agona totaumi kwapua kwapua gove ulamagina maki e kamuna. Pe ai gerega maina goi gavevea golokagimuna Palau gena rupu aonai. Ai goi gemu vegapi gaugau e goi gemu kamonagi lewana gevega rakavamuna. Ai goi gemu viti viti gaua gakilagiana. E wo Palau gena rori rori veagirorina. Gemu viti viti pakunai goi omatagaina gele gele Palau gena basileia aonai. Tauna tauna vagi, Palau gena rori rori aonana wo vevega rakava e viti viti pia laukule wai goi gevega rakavamuna taua giai, e goi pono pika pika ita gevega rakavarana aonana. E kala ewalana aonai Basileiana Iesu Velekou pene matagai magena aneru ia magena tiau aonai. Ia kaloa gala gala aonai poe pene gapi Palau ati gevega tauna taunana taua e Iesu Velekou gena kila ati gevega geelana taua. Ia viti viti vanagi vanagi Velekou mulinai pene venia e gena tiau mave waa vewaana maki ati pene venia. Ia pene kwara tomanai taulimalimana pia vega raega e pia vega nama gevega tauna taunana tauan. Kwalana egau pakuai goi aliruputailai pae vegarage vanagi vanagimu. Gema aliruptali vegarage e veganama aoai goi gemu ganogina ita gera Palauna pene gita ilamu e ma akwamu gemu keakea aonai. Gema aliruputali veganama e vegarage aoai gemu ganogina gemu ririwa kamua e namae maparae pene vega gonugonu ragea e gemu kamonagi inagulua maparae pia tiau. Egau maparae go aliruputali agiana kwalana ita gera Velekou Iesu arana gomina pua vegaraega. Ai ga aliruputalina e gavega namana e gavegaragena goi iana pene vegaragemu, kwalana ita gera Palau e Velekou Iesu Keriso gia vetua aoai.