¹ Ewaugana Iesu Keriso, gena wogomai e ita gera laka kavikavi, aina gomi gavaikilamina, walakavaago, ² gomi ragaina pene kalago kalagomi, e ragai pene kala kepi kepimi, Palau rakava taana, pa ma vali taana pa ma talotalo taana kwalana Velekou gena toma pe kwaravagi. ³ Tautana raupara taai ragai pene opamu. Ati pene wogomai wou pene veago keto gerevagi pene wala wou, ne roa kala makora tauna pene matagai, ia rakava natuna. ⁴ Ia evekila wainagina e totauna evevega ragena Palau gevegaraegana vetaina. Palauna numa veaganai etanuna ne evevega matagaina Palau vetaina. ⁵ Gomi govetuamagi tagona pa? Au gomia aonai egau gomi geimai avegupagiato. ⁶ Waugana goripana ia rakagauna evega waiana, ia gena vevega matagai gorana rorirori vaginaimo pene vegamatagaia. ⁷ Gauai ne roa kala makora vegunimae warau geve inaguluagina, na tauta nega ia evega waiana pene veago ia pene gapi paka eve rua gauna kapunana. ⁸ Ne roa kala makora tauna pene matagai, ne Iesu Kerisona pene vega kwarega ia pokana agaragenana. Velekouna pene vega aika gena wogomai maekana vewa vewaanana. ⁹ Roa kala makora tauna gena wogomai Satani gena inagulu matiauna opakau kalae maralemae aoana, ¹⁰ e maki rorirori opakaua. Egaua ega tau pia kwarega taua gia, kwalana kila tauna tauna ati pia ulamaiga ne pia maguli pakunai. ¹¹ Gauai Palauna inagulu ati tauna tauna etuana ia giai pia vega tauna tauna ulanana. ¹² Gavuna gauna ia maparae pene agi roria, gau kila tauna tauna ati gevega taunataunana e ati kala rorirori magulina aonai mamilagia gevega namaena taua. ¹³ Na Palau Velekou pagara vega nama vanagi vanaiga gomi pakuimai, walakaago Palauna eulamagimina taua. Palauna evirigimito no gau ua uana totona vevega maguli kalana ulanana e maki vevega veaga Veaga Palauna aonai, e maki vega tauna tauna gena kila aonai. ¹⁴ Gomi ekeamito vali namana aonana Iesu Keriso gena maeka pua gaipa ulanana. ¹⁵ Gauai, walakavaago, pua rua kikilagi e pua gapi gaugau maguli kalae geve vegaripagiato gaua aoai, kilakilai pa, talotaloi? ¹⁶ Iesu Keriso geregana ita gera vele, e Palau Velekou ita Tamarana, eulamagirato ne vekala naka naka vanagi vanagi, e veaolea namana vetua aonana evenirato, ¹⁷ kutoumi pua kala naka nakae e pia kikilagi inagulu e kila namae aoai.