¹ Enjo tafo, iji, hariga eto jua eha,amo ningota kikiva mane eto hioru keti ova. ² Ningo avo oreketi kova, Meni Iesu amita vuvureri iji amore pekene embo angato,mume te vuvureti uja. ³ Enana ami ati ora, peka eto jamu jamu akari ra",Rate tututu ati ora, meheri usiriketo donda pojeto kafeto hiaja ati uja. Pamone ohri te ami meni humbati ue meme humbuja angato humbati ora. Eto enana avo joru pambari ahreko mane. ⁴ Rate enjo tafo, ningo avo mume ai mihae ra, avo eto iji angari mane keti ova. ⁵ Ningote nango avo usasa eto iji ta undi meni ra, nango avo mume ta undi meni mane ra. ⁶ Nango embo eni ami ora angato evo mane ati ora.Nangota siro orembari akari eti keti keti ue meheti ora. ⁷ Enana evi ora amo mume te evi ora, eto umo sisae indiora amo mume te eora ⁸ Eto nango, amo iji usasa ta tofo, nangota siro horembari akari meheti uja. Humora ari eto tunga humbari avo sange ai tureto, iji avo ai do keti ke be era avo siro oreka angato asuketo meheti ora. ⁹ Ningota nango, avo Maha God amita hine kambari eto meme humbara ue ahreka ae ra. Rate iji kombu ai Meni Iesu amita akari avo humbara ija. ¹⁰ Nimo re nango avo eto ambuna, nango eha mehera eto eni ufo ambureri amika, tapa ai meheti ora. ¹² Ke ningota era amore, embo meni ningoka pure ora avo pekevo, eto ke be ami jikivo, Maha God amita javo ai. ¹³ Ehako ke ningota era, enana avo tunga be ufue horembero, enana ta pure avo embo.Peka ningo betapa amika mohoi. ¹⁴ Enjo tafo, ningota ivo ari ke, embo meni pureto eni te eni te ue mihija, ke be ae uja eto ivo ambu uja, amo hondate evo, tami be jamo eto betapata amita evo. ¹⁵ Embo vasiri samuna oi,mine overeketo samuna uja avo kito evo ingore.Avo toto vasiri akari avo mine ara ue, embo betapata amika mohore. ¹⁶ Iji betapata hanana pere evo. ¹⁷ Pari kaikari ue mihivo. ¹⁸ Pure eto vasiri betapata oa ai e'e ie jakeha eja.Maha God amita uje be re avo ra, tofota Meni Iesu amita javo ai. ¹⁹ Jo nou ai, Ahihi Otofu avo uje kaikari ejo. ²⁰ Maha God ta ke otofu ijij kombu ai do ijekati uja avo kesira mane ati oa. ²¹ Vasiri eto donda betapata eto koue, samuna avo toto, akari avo be jikivo. ²² Vasiri sasamuna avo hajire ai koue sinikevo. ²³ Maha God ta peka ari ami au otofumbe evo.Eto ningota ahihi, jo komo eto hamo akari meheti uja tokono do eni mihae, Meni Iesu vuvureti uja avo simba evo. ²⁴ Ke be ami nimo jake ija,,eto ami donda betapata ati uja. ²⁵ Enjo tafo, nango avo embo pari evo. ²⁶ Enjo hoi andito pehevo Ahihi otofu ningoka mihija avo eto. ²⁷ Namo ningota ena avo, Meni Iesu amita javo ai, kikva evi enjo hoi betapata amita erekevo ingore. ²⁸ Meni Iesu amita akari eto jo ari, ningoka ra.