¹ Kembe ari ai Enjo tafo, ningo avo ivo ari ke jokora Meni Iesu amita javo ai. Ningo dekato erureti ova amo ahre poekehere kiava,avo eto maha pemi hanana ati uja, vasiri ai orereto eruvo. ² Ke jeuva ari eto ahre poekari do jokara amo ningo kova, Meni Iesu amita javo ai. ³ Maha Pemi amita uje re, ningo ahre ue otofu be eto,pamone ka sesena eto everi avo toto sinikevo. ⁴ Eto ningo tapa-tapa dekato hamo ningota jikito meheti ova, otofu be, eto keri akari. ⁵ Horembari eto vasiri sasamuna uje mane ati ova.(enana etene embo , maha pemi kiae ami eora angato) ⁶ Embo avo enjo eni ta vasiri samuna mane ati uja, ke eha era ei re. Donda betapata ei re, Maha Pemi ami mine overekati uja, ke jeuva ue harikehere ingikarava. ⁷ Avo eto Maha God nango vasiri sasamuna eto tokopa te avo ara jake ae ra, rate otofu be ara ue. ⁸ Avo eto nimo ke evi aki ae oa, amo enda embo ta ae, rate maha Pemi amita oa,mine ami Ahihi otofu ninae re jokuja. ⁹ Emore enjo hoi tunga humbari ta ke, ningo embo eni ami kikiva eto hioru mane keti ova.Nango re Maha God ami ahre poekaraja tunga mine humbara ue mohova. ¹⁰ Avo eto angato pere evo, enjo hoi betapata Macedonia ai mehera amita. Rate enjo hoi ningo ta uje be re, vasiri evi kaikari evo. ¹¹ Nango eni uje ora re, jamu be eto mihie ningo ta pure be avo evo ingere ningo ta ami, angato ava ue ke ehere ingikarava. ¹² Avo eto ningota erureri avo embo eni ami keti ora amo akari, eto ningo donda betapata amo inono bera. ¹³ Enjo tafo, enana ambureri evo ue mehera amita be avo kova ue uje ora, enana kiae ami osaga ka mehera amore, iji kombu ai do vuvureti uja kiae mehera, angato mane ati ova. ¹⁴ Ningota meni Iesu ambuto ehako erena avo ke be eva kito, Maha God ami enana ambureri, amo Meni Iesu amika humbuto vuvureti uja. ¹⁵ Maha God amita ke ami ija re, nango eha ivo ka mehera ami enana ambureri avo siniketo kihi mane pambati ora, Meni Iesu amita vuvureri iji amiko te. ¹⁶ Eto Maha God, unga toto vuvuto furou, Anera pemi amita tunga arerembeto, Maha God amita fuin haijiri pemi be ati uja.Enana Meni Iesu kembe ie ambureri avo kihi be erati ora. ¹⁷ Nango avo ivo ka mehera, humbae tohuja, avo betapata ereto oje ihrare aivihito pambati ora,Meni Iesu avo hambati ue. Eto nango Meni Iesu amiha Maha God ta nanofo meheti ora. ¹⁸ Avo eto ke eni ingikorova avo,ivo ari eto hanana mine ara ue mihivo.