1
Namo Pol, Silvanus,eto Timothy ami da Thessalonians ai God Maha ta eto Meni Iesu ta embo meni amita kikiva emore kakujorora.God ta oreka eto peka ningo ka.
2
Nango kaikari God ta ningo avo embo e~e ari heiora avo ue ningo avo embo kaiketo pari nango heiora.
3
Nangota maha God kiri be horemburu nou kembe ari ai pure oa avo,tungabari ami hondate oa,eto jikito surumane eto nou horemba horemba avo Iesu hena ai jokoa avo eto.
4
God ami tunga ufuja nameni tafo,nango kora ningo amo ami(God) avikaraja,
5
amita bere nangota ke otofu evi ninai ke ai pere vuvurai ra,rate Ahihi otofu ta ivo kara,eto avora ari ka tapai. Horo tapa angata nango embo do ite ningo ta jo ai mera amo ningo kova,mine ningo avo embo mehera.
6
Ningo te nango avo maha pemi keika ue,ke otofu avo ivo eto jo hana hana ufava Ahihi otofu ai.
7
Amita bere ningo avo nango ite ava,ke be ari ai,enda Macedonia eto Achaia ai betapata ami kembem era angato.
8
Ningo ami maha pemi ta ke hieve havivi ka pamaiaja,Macedonia eto Achaia ai. Avo pere mane rate, ningo ta humora, maha pemi ta ai avo enda betapata ai pambuaja.Avo eto, nango ke mane ati ora.
9
Enana ningoha ehera,nango dekato akari peketo ufara avora. Eto ningo dekato ove sasamuna toto maha Otofu, nanofo mihija avo ke be ara.
10
Eto ningo re, amita meni Pemi unga eto vuvureto uja avo simba ova.Ambuna avo amita maha pemi ami jikinu erena.Amore nango avo maha pemi ta hini kambari iji avo ai vuvureti uja avo orekena.