² Ningo kova nango avo kihu mane eto me keri pemi be hafara,Philippi enda ai. Nango maha pemi amita ivo ai ke otofu avo hande ara, eto pure bovu be avo ara. ³ Eto nango ta pure avo samuna tokopate eto sokova te ae ra. ⁴ Eto nango avo maha Otofu ami ke be eto arekaraja, ke otofu hande ara ue. Enda embo meni mane, rate maha otofu jakeka ars ue Maha otofu nuha nango ta jo re kouja. ⁵ Ningo kova, nango ke enite enite, ati vuvurae eto sokova ue nango ta ujeje afurakati ae. Maha otofu ta thiri ai pure ara. ⁶ Nango ningota eto embo meni ta jakeka humbati ai ra.Nango Meni Otofu ta pure ra, angato ie donda akari humbari areko, rate vasiri angato ae ra. ⁷ Rate nango ka orere eto jo tapa ara, hajire nango ta aha tofota meni undi orere euja angato. ⁸ Angato ue ningo tunga ufora,Maha Otofu ta ke otofu ,avo pere hande ae, rate nango toe meheri eto vasiri amika, ningo avo uje be ue. ⁹ Enjo tafo, nangota pure surumane dekato ara, mume eto iji te avo horembevo. Amore ningota bovu hiora ue ara, Maha Otofu ta ke otofu avo ahre poekurue. ¹⁰ Maha otofu eto ningo ta thiri ai dekato nango otofu be eto vasiri eni-eni ae. Ningo ke be embo meni amita. ¹¹ Angato nogo, ningo tapa,tapa amika do ara amore kova, hajire nangota Maha mi tofota meni undi ta euja angato. ¹² Ahre poekurue, ivo ari ke ie, maha otofu ta uje ai pambara ue, amita unga usasa ai horara ue jake ija. ¹³ Iji nanofo Maha otofu e'e ie jakeka ora, amita ke otofu ingikurue. Nangota ke hoenge ingikarava avo enda embo ta ke mane. Nimo ke be ea anore Maha Otofu ta ke otofu, jo nou ai pure uja avo eto. ¹⁴ Enjo tafo,ningo re Judea ai maha pemi ke be ari embo-meni mehera avo keika ova, Meni Pemi amita javo ai. Eto ningo re meme tapa, enana Jews ami ningota embo-meni ta jokara angato ufova. ¹⁵ Enana ami Meni pemi eto Maha Pemi ta pure embo re teo ambua, eto nango usirikea. embo-meni betapata amika pe- jujune eto isoro ati eora. ¹⁶ Nango enana etene embo meni ta kosari ke avo mane hande ara peikeora. Amita mine re totofota ari samuna pemi be uja, Rate iji avo ai vevere pemi be humbati ora. ¹⁷ Rate enjo tafo,nango avo ningo ka iji tufo be kahrekarara hamo visi ai, jo komo ai kahrekae. Nango ta uje be re ningo ta thiri pe keti ora avora. ¹⁸ Nango uje be ora ningota vuvureti ue, nane Pol kaikari pambana uja te, embo sisae ami peikuruja. ¹⁹ Eto nangota humora ari, eto hanana te sarika ari mo dekari re, Meni Iesu ta vuvureri iji ai mo? ningo mane re? ²⁰ Eto ningo re nangota usasa eto hanana ari ra.