¹ Embo ikane de gambari, edo kera ari, edo buro dave da sia ari, ² embo dao inaka de tai ae, duduno ari da udo bain ae, ata damodamo ari de. Embo da yai, ambuia ari de. ³ Ko na inge piari wotari itae, edo kera ari itae gido. Na inge butuda udo bajina be ami bundari. Na inge binei da buro dero da itena. Embo nei tega ari, edo embo nei jipapa ae edena inge. ⁴ Ata Mamo siroro da ambuia ari de, dubobari de, embo da yai pisina angode, ⁵ parara be da buro esitena kane, ata Mamo siroro ari da tonembari mi toregosisina, da tetero teka engari eta, edo do teka be Asisi Kotopu mi pipiteira, ⁶ awa natokare yai be dodeira, da toregari mai da doda edo, ⁷ ko begata davebe ainda tonembari doda, na inge wasiri matawa itari ainda awara ari piaina. ⁸ Binga eiwa davebe, edo ge be. Imomane roviravi einde itawa, edo embomai Mamo Siroro tumonda era, awa be degigide buro davebe torara. Roviravi awa davebe, edo jigama ari tao be embo da yai. ⁹ Mina mina ari, ewowo opipi, edo aodari da ge jiwae be taride. Roviravi eiwa tamo piari itae, edo dave ae. ¹⁰ Embo da be ainmi berari da awara ari pipiteira awa giwowe, da data tote eira ango de. ¹¹ Embo awa wasiri dave dodo jimbo eite imo akuta usibesi eira awa gae. ¹² Atemas tako Taikikas piano itomane yai ainbaro gido, burigibe Nikopolis gumbuwo, na ainda itena. ¹³ Buro berari edo, Jenas aodari embo, ae Apolos de piewo ainbore. ¹⁴ Natokare embomai awa edo gido, buro dave berari, awamane da yai gumaina ango ore, edo mana be itae ango ara. ¹⁵ Embo namonde itera ami, imomane ategotera, embo nakare tumondari mi duboburera ainde. Tonembari imondemane berari itare.