¹ Ata na, ge tumondari be ainde inono aina ge awa tena. ² Embo ovo kavo ato pasiwo tegada vitore, edo damo damo ara, edo kotembari de, edo tumondari de, edo dubobari de, edo ududugari da torore. ³ Evetu ovo kavo atopasiwo kera be ari ivata ore, gaegae edo un beae da buro aiae, ata dave berari awa atopasiwo. ⁴ Ango era ami, awamane mi, evetu teteka ato pataro ibono main de kinapeina de dubo bara, ⁵ ango era ami, jiro buro de, do tepo de, mando dave sima ari de, edo iu kera aride, ango eira ami, Mamo siroro arida ge awa usi besi ain ae. ⁶ Begata da ainda, embo teteka awa tewo kotembari dave jigama ore. ⁷ Imu awa buro dave berari da kariwa ata. Ito atopatari, doda awa ge okain taride, ⁸ Ge dave da mina awa tato gara, eta ami embo imude mina mina era awa me gara. ⁹ Emboda kera embo atopasio ainda buro da Mamo kera are, ari dubo dave aina, ¹⁰ edo beono ain ae, ata tumondari dave berari piaina, eira ami, begata jiwae da, awa Mamo siroro arida atopatarida tega awa gumaina. ¹¹ Mamo siroro da tonembari awa, embo berari da kaviegari awatedo piaina. ¹² Ami atopapoteira, Mamo siroro edo butuda dave, edo akuta sima ari, edo piari vitari, edo Mamo da jipapa ae wasiri awa doworote. ¹³ Nainge ao esisina tumondari, edo Mamo siroro arida wasiri bain enainge ango de. ¹⁴ Mamo da Mai natoinge yai gupusina, awa aodari itae da, dedegain, edo imo akuta ari arapa eiari, embo da udo buro dave da awa badarate. ¹⁵ Na roviravi einda ge tena, edo buro awa awate tena, edo sirigotena goroba berari de. Embo dowato imo embo tepotapo ango buwore.