² Ududugedo benunu bajinabe tewo. Iji berari ategari pipiteite sia deda isiwo. ³ Nakare ambo benunu dada edo tewo, ango ewa ami awa Mamo mi ge da maguro pirigaina, edo Mamo da Main da ge moka undugari awa tanakare. Ainda be awa ainda toda na awa ipatai bundari itena awatedo. ⁴ Benunu tewo siawo embo da yai anu arapa be are, ge gari nogo tenawa. ⁵ Oiya aimi ponda isira ainda yai awa dubogari de aintoedo toriwo, edo iji dave jigama ewo. ⁶ Ito ge berari awa iji berari tonembari isiari ainde da tata. Dowo embomai awa geda kajiri ore, ango eta ami awa embo dada da yai ge mina tari nongo taesiri awa gata. ⁷ Roviravi na embo gesira awa, Tychicus mi itomane yai ari gawa. Embo awa dubobari namenji be, buro embo tumondari badari bede, edo bajina da buro ari embo. ⁸ Eiyawa tedo nanemi embo eiyawa itomane yai pipitena, ango ena ami awa natokare buro ro enukare awa gawa, edo embo ami itomane yai do kondade ari ge taina. ⁹ Nanemi embo awa Onesimus deda pipitena, dubobari namenji edo tumondari badari bede, imu da ango, awamanemi roviravi ro einda dero bureyari awa itomane yai tana. ¹⁰ Aristarchus, nato jibura embo, ami imo ategoteira, Mark da ango, Barnabas da mato. (anda yai imu awarari ro ewa besi; embo awa ito yai gumbari gido awa buyo), ¹¹ edo daedo toregari embo ainda dao neida awa Justus. Embomai tamu ainto kapari awa akutada awa nato otatao Mamo da nasi da buro embomai. Awamanemi ango era ami awa etero na dubo dave ena. ¹² Epaphras imomane ategoteira. Embo awa itomane edo toregari embo da buro embo. Embo awa imomane ambo iji berari benunu tedeira, ango eiya ami ari imomane goroba edo petawa edo Mamo da jipapa berari awa dave be edo gawa. ¹³ Na ainda buro embo, imo ambo buro okain esisina, oiya awekawe Laodicea, edo oiya awekawe Hierapolis itera awatedo. ¹⁴ Luk siwo piari embo dubobari otao ae Demas de mi imomane ategotera. ¹⁵ Nanonamenji Laodicea itera awa ategewo, ae Nympha, edo gebe ari tamo ainda itera ainde da. ¹⁶ Iji da owe eiwa itomane yai ajigetero gotewa ango de awa, gebe ari embobo Laodiceans itera awamane da yai daedo ajigewo gore, edo Leodicea embo da owe awa dae do ajiganakare. ¹⁷ Archippus da yai teiyo, "Bajina da yai ro buriteta buro awa dave edo giyo, awa inemi ato gebe aina." ¹⁸ Ategari eiwa nato ipa topobe ami jivitena - Pol. Nato ipatai bunjitera awa kotembewo. Tonembari imodemane itare.