¹ Ata nanemi ito bouga tega ro bureni awa gatate tena, ko Laodisea itera ainde, edo ko jiwae be nato jisimoka gae ainde. ² Na buroro ena awa awamane da do audena da awamane da dubobari da toregotera angode, edo arapa ari berari ainde, da ge moka undugari ainda jirogari Mamo Siroro arida yai, awa Mamo da Mai. ³ Dubogari darutegari edo jirogari awa ainda doda undugari. ⁴ Ge eiwa tena ainda be awa, embo mi ge gebe ari ge mi imomane udumboreka. ⁵ Na pisimi imondemane itae, ata na asisi mi imondemane itena. Na yawa ena, itomane piari petari dave, edo tumondari da goroba Mamo da Main da doda isira awatedo. ⁶ Da Mamo da Main bewa ango de, awa ainto ainda doda ewo. ⁷ Utetewa ainda doda, piari gambari ainda doda, tumondari da atopatari tuturo ari edo bajinabe rorou piari da doda. ⁸ Dowawo embo mi wasiri gebeari, edo udumbari itae awa buwore, da emboda piari petari da petedo, edo butuda piari petari, edo Mamo da Main da piari petari da ae. ⁹ Ata, Main da doda, wasiri Mamo Siroro da be awa embo yai beda aina. ¹⁰ Imu awa ainda doda sirari, embo goroba edo ikane be ainda kopiri. ¹¹ Imu tamo odari Main da doda buriteta, awa embo mi tepo tamo odae, ata odari Mamo da Main da awa buriteta. ¹² Imu ung da wowositeta Main da daoda, edo imu tumondari doda jiri eroriteta Mamo Siroro da goroba da, embomai betari da jiri awa. ¹³ Imu betata ito begaeda edo tamu odari bae da, ata imu jiri eroriteta Main de da edo natoinge bebegae awa kotembedo doturisina. ¹⁴ Inemi natokare bebegae nei awa siraina, ainda piari petarida petedo, inemi oregada dorisina ami teugosisina. ¹⁵ Inemi goroba edo ikane be awa teugosisina, edo rorae arapa gido dududu esisina, da goroba darutegedo pisina oregada. ¹⁶ Dowato embo neimi imu, indari edo ung da, jiwari iji tako kariga teka, dango turari iji ainde imo kateure. ¹⁷ Eiwa rorae ambo da gumaina ainda duga, ata berari ainda dave awa Mamo da Main. ¹⁸ Dowato damodamo ari edo anera dasiga ito kapida awa embo neimi teugore. Embo ango awa rorae jisi mi goteira ainda toraina, edo ainda pisi kotembari mi apure gaina. ¹⁹ Embo awa kopiri jiae edo eira. Awa da kopiri ainda tamo berari da vuvuro edo gotuga da da gambari, awa erido eira, erari Mamo Siroro arida piari ainde. ²⁰ Imu Mamo da main da betata butu roviravi da, ro ambo butuda buro embo ango itaesi: ²¹ "Gaegae edo jiote, indote, tu jiote"? ²² Rorae berari eiwa jigama arida itae, da embo da udugari edo atopatari ami. ²³ Ambodarari eiwa akuta ari dubogari bajina, edo ambo ambo ari edo tamu da gambae ari. Ata awamane awa pisida udo ainda bouga awa itae.