¹ Boroko awa Mamo da Main natokare Bajina ainda gumbari edo natokare embo dada mi dorobegedo ainde daedo itanakare ainda ge, nanonamenji, nakare imomane ganega enakare, ² awa imomane dandara ari tako ain aeri natokare Asisi da ainto ari mi, binga mi tako, ove natokare yai edo gupeira ami, ainda be awa Bajina da gumbari iji awa dero bureira edo dembae gumbira. ³ Begata nenei ainda dowato embo da ainmi imomane udumbore. Awa gumbae isiyari durari gumbari ainda aoda gumaina, ango eyaro awa embo ge jindari embo awa dero baina, ari pitapata aina mai. ⁴ Eiyawa embo oiya ainmi minamina eite awa akuta da jiuri visidevira Mamo da dao teritako tumonde bain erita ainde minamina eira. Embore ami Mamo da giu deroda anumbedo isite imo akutada mamo ango gorote edevira. ⁵ Roviravi nandogo eiwa nanem mi teteno gositewa iji da na imondemane dae do isite sitena awa kotembotevi tako kotembaeri? ⁶ Boroko imomane gotewa nomi embo awa gadari pipiteiri awa, awatedo embo awa iji davebe isira ainde akuta ari arapa aina. ⁷ Ge jindari embo ainda undugari buro awa matu buro eira, dabe embo rorae awa gadaina embo awa tuturo edo undugedo buro awa eira iji ainde awa embo awa budo demoda piaro idegaina. ⁸ Ango eira ainda awa embo ge jindari embo awa derobaina, Embo awa natokare Toregari Embo natokare Bajina ainda oena aindo beda edo idegoteira ami dari betaina. Bajina mi ainda yaida ro budo gumaina edo ainda gumbari awa daro ari arapa ainyae. ⁹ Ge jindari embo gupera awa binei mi goroba piyouri kariwa, edo gebutari buro ededera, ¹⁰ edo wasiri bebegae edera ainde edo ge pitawa awa aro gebe arata, ainda be awa embomai awa ge moka dubo bae edera. ¹¹ Be awa emi tesirigido Mamo mi buro pitawa awa awamane da yai dowari gumbari embomai awa ge pitawa awa gebe orote, ¹² edo embomai ainde sinigambari esisina ainda be awa embomai awa gemoka gebe ae ata awamane da udo awa wasiri bebegae da pisidera. ¹³ Ata nakare imomane ambo Mamo da yai jij berari benunu tanakare, Bajina mi nanonamenji dubo bureira awa. Mamo mi imomane awa Asisida kaviegari da nibe tuturoda edo ainda doda gemoka awa gebe anainge. ¹⁴ Ge moka da toda imomane awa daosisina, ari natokare Bajina Toregari embo ainda taogari awa banakare. ¹⁵ Awatedo, nanonamenji, goroba edo petewo edo roviravi imomane atopapositena kare awa okain be jiwo, ge mi tako natokare owe mi. ¹⁶ Boroko awa natokare Bajina Toregari embo awa akutada, edo Mamo Siroro ari natokare Mamo ami nakare dubo bureira edo nakare kondade ari matawa itari edo tumondari dave tonembari doda pipiteira, ¹⁷ kondade edo do itomane awa ewo arapa are buro dave berari edo ge itomane ainde.