1
Naso nanonamendi embo da amei atoto edo wasiri biae dira awa imo amei asisi da etesa ami kondade ari itadesa jamojamo ari mi .Awarate ,ingo isuka awa gido gogo'o ewo . Edo gaegae edo ingo wasiri bebegae da duradewa awa sedo .
2
Ingoda bouga awa ango mina bara ewo edo kondade mina araewo .Edo awodo adewa amimi Keriso mi ro awase sisira awa adewa .
3
Embo awe umo embo nembodiba awodo kotembadira awarate umo embo neiro atae de mi eiawa umo usuka ganubedo ira .
4
Embo dada awa ungo usuka sisedo gadera ungo da wasiri topo be awa ,awodo mi umo yawiri ira awa embo neida derido ira awodo ae edo ira .
5
Embo dada awa ungoda bouga awa ungo suka ango edera .
6
Embo awe Iesu da binga ingira embo awa uso rora ewagaewa awa atopatari embo ainda kando edo bare .
7
Ingo ingosuka ganubeuwe, God awa ganubeuse .
8
Da awodo embo amemi uso joda ro gowadira ainda be awa budo ira .Embo amemi nei biae uso joda gowedo ira betari natopo atari awa kumbadira . Awarate embo amemi asisi kotopu da ve awa uso joda gowadira awa wasiri natopo atari awa kumbadira .
9
Awasedo wasiri ewagaewa ise gido ingode mana begogo adera ainda be awa ungo na wasiri ewagaewa adera , edo amboda uso be awa jiwae be badera .
10
Awasedo ingode naso iji atira ainda embo berari da yei ewamei ore . Edo awodo ise ingode naso otatao Iesu gebe ari embobo da yei ewamei ari awa ruwegore .
11
Na naso ingo mi ingo da yei owe jiwae jiwena eiawa giwo .
12
Embo rora de embo mi ,diti mi gido era . Awa sedo jariga ge sadi dipapa edo era . Embo re emimi oro ingo da tamo kotopu da mendo da angiso diugari da wasiri awa bawase jarera .Ungo mi Keriso orega da betisira awa atopatadera awa dedo gaedo ari kumbadera awarate ungo atopatari awawa dodo ingo tamo angiso da diugari da wasiri awa kumbawase sadera awa ingo dedo gaedo iri awawa kumbadi era .
13
Awarate embo ungo tamonda angiso diugari wasiri edo era .Edo ungo tamonda diugari wasiri awa bawase dipapa era ainda be awa ingo tamonda andiso duigari wasiri awa badewa awa ingo jariga ge sadisedo sera awasedo .
14
Na jariga ge Iesu Keriso da orega da betari orega awa sadena awarate na rora nei da jawoda jariga ge awa mana sadena .Iesu da betari orega da amimi etiri busuda rora mi na kumbiri atae isena edo naso busuda rora dipapa ari awa atae isira .
15
Edo embo umo tamo da angiso diugari wasiri burisesita ko bae ri amone nembodiba aera . Awarate God mi ari ingode na embo seseka adera awa nembodibara .
16
Edo embo awe awodo kotadera embobo ainda God da embo berari de da yei, God ungo jo ise ungoda yei jo jamojamo ari itira .
17
Edo boroko ,edo mambutira awa embo da amemi mana awo na memesi sekago badena ,ainda be awa naso tamonda bubuko atira amimi sira awa na Iesu da buro ambo ambo ari embo ra .
18
Naso nanonamendi Iesu keriso da ewamei ingode da ainda yei mata awa atadira .Amen .