TANO 5 . Papatu 1 edo 2 .
1
Awasedo ari jebugari Iesu mi ingode na awa embo ujugurisira , derido gogo ewo , awarate gaegae edo doawo biae mi ingo bundure .
2
Gido gogo'o ewo na Paul mi ingoda yei sena ,ingosuka wujegewo , Iesu mi ewagaewa re nonda itari sagoae .
3
Na ingo da yei karigurena sekago ingo berari amimi wujegadewa ingo naso agodari ambo ambo ari embomei adewa .
4
Ingo awa Iesu seugedo , amimi agodari da petadewa awa ungo ewagaewa awa jajowegadewa.
5
Awasedo asisi mi tumonda aride dipapa be ise ewagaewa dombu ise atore .
6
Bada Iesu da joda wujegaride , wujegae de mi nei ro ari sago ae rate tumonda ari de dubo bari de mi buro adera .
7
Ingo ewamei be sumbewowa . Amimi ingo ge moka ambo ambo ari awa gajetira ?
8
Ge ngamo sari awa embo ingo jawo sira ainda yei edo buaera .
9
Ambe bajari siwo nembae be ami euri ambe bajido ira awodo .
10
Na tumonda ena Bada da yeida ,ingo emboro nei demonda eowe .Embo amemi iri imo memesi badesa ainda riroga ane badira .
11
-Nanonamendi ro edo na be jebugari da ge minonu sadena amo namo dedo gaedo adevi ta ?. Awodo awa sedo orega da gajogajo ari awa matu be isaga da ititisira .
12
Awasedo naso nanonamendi ingo awa ari jebugari da jawo sisira . Awarate ingo awa ewagaewa awa tamonda dipapa jingama eowe .
13
Edo ungo amei ingo ero memesi ewa awa na be jo itititena awa ungo suka dedo mina kewa ae etera .
14
Agodari berari awa etiri da etira , jao namendi iso awa imomo isuka dubo burise da awodo awa dubo buyo .
15
Awarate , imo jao namendi iso awa teta isoro wo mi gambudo ira awodo eose ,gido gogo 'o eio gaegae aso dedo disure .
16
Awarate , nanemi sena esega pepeta eio edo imo awa busuda dipapa awa kumbudo pepeta eose .
17
Ari dipapa busuda awa asisi ga pepeta aera edo dipapa asisi da awa daedo busuda wasiri ainga da pepeta da ira , awa embo rowirawi etoto eiwa umo jigari sagoae awasedo ro amei dipapa esa awa amei ari katogoae ra .
18
Awarate ,imo asisi mi giti jigadiri gido imo awa agodari mi tu jigari sagoae ra.
19
Edo boroko tamo da dipapa ane eire :Viro paima ari , wasiri dongono de ari, kotembari bebegae embo nei da yei ari ,
20
owe kewari tumonde bain ari,embowo jambogo ari,embo nei gido sariri, tinigambari , nana sari , mendo gambae ari , katabukatabu ari ,
21
dipapa ari da wasiri,umo bebegae indari da wasiri edo rowirari eido tete.Na ingo da yei , ge boroko sena da eido , awa matu seteno ingisewa , embo amemi wasiri eiawa adera gido , ewagaewa utu da badiaera .
22
Edo gadewa ro berari adewa ainda uso susu awa dubobari , jo yaviri ,bega ,saboa ari , kando kataba ari, wasiri ewagaewa ,tumonda ari , kotopo ari ,
23
edo imo isuka kotopu eio ;awa etesa gido ainda agodari awa atae ra.
24
Embo awe jimbo de awa ungoda jimbo berari awa Bada Iesu Keriso da betari mi segedo atae isira edo ungo boroko awa Iesu Keriso ambo ambo era .
25
Ingode na awa asisi da atari sadera gido awa daedo asisi ga pepeta adera .
Edo ingode na tamo yaviri ,embo nenei de ge bagari edo nana sari awa eowe edo seowe.