¹ Paul, Iesu da ambo jimbi da sisira God da dipapa be da ,edo Timthy nango da namendi de da . ² Edo gebe ari embobo da yei edo tumonda ari naso nano namendi ungomi Iesu da joda Colossae nati ainda atisera ,Bada da ewamei ari de bega de God ingode naso mamo edo uso mei Iesu Keriso da yeida edo pira . ³ Nango ategari God mamo edo mei da yei ititise natopo imo embo benunu sedo era . ⁴ Nango iso tumonda ari Iesu da yei awa ingisera edo dubo bari awekawe Bada da sirigari da atise ainda yei . ⁵ Imo dubo bari eia burisesa ainda be awa kotebu kotebu ari iso utuda atari awa embo . Imo ge eia ingisesa matu be ge moka be atisira awodode. ⁶ Awa iso yeida busira . Da awodo binga ewamei be edo rawusira busu arapuda , gari da awodo iso yeida isira ingisesa iji awodode ewamei ami God da binga kotopu da ingisesa . ⁷ Eia binga kotopu Epaphras ainda ingisesa awa , ingo naso buro ari otatao umo awa gebemi Bada bairo ari embo ingode naso jawoda. ⁸ Epaphras mi iso dubobari awa karigurisira asisi mi . ⁹ Dubo bari eia embo , iji awodo nango eia ingisera awa nango imo embo benunu iji susu ae sisera . Nango awodo edo gosisera imo jirogari uso dipapa da awa embo edo asisi da dubogari awa burisesa awa embo . ¹⁰ Nango imo embo benunu sisera awodo mi imo pepeta ari iso awa God da dipapa embo ra da awodo de sadesa .Nango imo embo benunu sisera awa eiawa iso wasiri da bajarase . ¹¹ Nango imo embo benunu sera ingo goroba ari wasiri berari God da yei sago be sago gari mata awa dubo jomo ari mi atadesa awa embo . ¹² Nango imo embo benunu sera imo mamo da yei ategari itititesa ainda be awa imo sirigurisira uso ana gaepa matu utuda basase . ¹³ Umo ingodena ategurisira biae da awa da tumonda uso mei da gitijigari da yei ititisira . ¹⁴ Yei ainda ingode naso kotembari edo sorega awa atira . ¹⁵ Umo awa God dombu mi gae ainda kariwa , bega be siroro ari ingo da usasa ainda . ¹⁶ Edo ari berari uso ainda siroro isira , rora berari utuda ainda edo busuda ainde dombu mi gari de edo dombu mi gae de .Daedo goroba nenei demonda atera ainde , asisi biae da giti jigari goroba nenei atera ainda ,awa berari unemi etiri siroro isira . ¹⁷ Umo usuka awa rora berari da inbedara edo uso joda rora beri atira . ¹⁸ Umo awa God da orobe da gitijigari ra. Imo awa tuturo edo giti siroro iri betari da teda . Awa sedo umo awa rora berari da gitijigari . ¹⁹ Awarate imo awa Mamo da sarida iso Mamo kariwa be awa umode mata awa atadira , ²⁰ edo sari gambari uso mei de da edo rora berari awa ombudo beuri uso topo ira , rora berari busuda edo utuda edo ainde da. ²¹ Iji dade , ingo awa daedo ingo God kena asusu bedo edo uso gitopo kotembarida edo ari wasiri bebegae da . ²² Awarate boroko imo ingode setiri gambusira uso tamo pisi de betari mi . Umo eia isira awodo edo ingo kumbudo etiri gambusira uso tamo pisi da betari mi .Umo eia isira awodo edo ingo kundo kotopu edo biae atae de awodo , inbeda uso gitijigari yeida . ²³ Imo mata awa wataki ari mi tumonda ari de , imo gigisebedo tumonda ari mi da yei da tutuwi awodo ge matu ingisesa ainda derido atadesa . Eiawa binga ewamei minonu sisera embo dada etiri siroro isera busuda atera ainda yei .Eiawa binga ewamei na Paul , buro ari embo arase binga ewamei busu berari da minonu sisira . ²⁴ Boroko na yawiri ena naso memesi imo embo burena da awodo , Bada da ango bouga mendo burena imo awa embo ano God da orobe adera . ²⁵ Ane orobe da uso buro ari embo ra , God mi anase awigurisira ,geda sari awa be arase . ²⁶ Eiawa God da dubo mata awa ujugedo etiri . Awarate ,boroko awa amei umo ge be era ainda yei arapa ira . ²⁷ Eiawa ingo da yei God mi ewagaewa edo sagoba sago gari ujugari da Gentiles da teda awa arapa arase isira ,amimi Iesu ingo da joda natopo atirari sagoba sago gari amboda awa dombu awase . ²⁸ Eiawa umo awa sedo nango arapa ge sera . Nango ingo embo jarise ,edo nango ingo dada awa atopaputera dubo garimi awodo ise embo berari awa inono banono be Iesu kena ititera . ²⁹ Awa embo na buro okain uso goroba naso yei buro ira ainde da ena .