1
Na Paul, Iesu Keriso da binga atopatari embo, God ingo de naso soregari embo edo Iesu Keriso ingode naso tumonda ari embo ainda ge awa ambo ambo ise.
2
Timothy da binga eia ititena.God mamo edo Iesu Keriso da jawoda, ewamei ari da jo ari da edo bega da wasiri da petewo.
3
Na awa Macedonia mambadi ise, imo Ephesus doa dena ainda be awa embo dada einda teda awa atopatari pasega mi era.
4
Ge ro sera awa gebe eore edo ambo ambo adae ra ainda be awa ungoda mamo umbowo da sari aera, edo gebabaga God da yei kuno puradera ,awa ungo da tumonda ari mi.
5
Awarate sarida awa ungo de naso wasiri ewagaewa edo tumonda be ari ainda uso susu be awa dubobari ra.
6
Embomei teda nenei awa tuturo edo wasiri adae awa era edo ge nei sadae awa sera.
7
Ungo awa agodari da atopatari adi dipapa edo era,awarate ungo awa neiro gaera edo ge ro sera awa be mi saera.
8
Awarate ingodena berari gosera awodari awa ewamei ate ewamei be jingama adera awa.
9
Ungo dena berari gosera awa awodari, awa embo ewagaewa da ae ate ane embomei wasiri bebegae edera ainda ungo awe jimbo biae era ainda ,edo ingo awe ungoda ai mamono doriri bebetera, embo dari betari,
10
Viropaima embomei warere gedo mina jimba era,embo embo jimbera, evetu, evetu jimbira, embo gae bengono da bari, ge busari da, edo embo amemi atopatari awa ujae era awa.
11
Sari eiawa awa God Kotopu da binga ewamei ainda sari ra awa embo ingo dena berari awa ambo ambo adera.
Matu da awa na God Kotopu ae, embo deuno betedo edo isera edo na embo biae be awarate na naso joda awa jo joari awa burisena ainda be awa na gae gido isera.
Awarata, Bada da uso ewagaaewa awa naso yeida ititisira, tumonda ari edo dubobari awa berari Iesu Keriso da yeida ra.
15
Binga eiawa tumonda ewo edo jo de kumbuo,ainda be awa Iesu Keriso ingodena embo jimbo biae embomei awa soregurisira,ainda gadewa na awa biae bera.
16
Awa embo na jo jamojamo burisena ,naso yeida awa nembodiba be ira ,Iesu Keriso uso wasiri saboa awa ingode ambo ambo edo umo tumonda ise natopo atari awa tambadera.
17
Edo giti jigari nembodiba God ae awa embo berari mi sapo ise iji berari jasiga ore.Awara.
18
Na ge eiawa iso yeida da ititena,Timothy,naso mei,matu sisera iso jawoda amimi ari awa ro puradira awa derigadesa,
19
ewagaewa edo tumonda ari awa jigoro awa embo nenei awa dipapa ae edo era,edo tumonda ari ungoda awa eoro kununu bedo era.
20
Ainda teda awa embo Hymenaeus de Alexander de awa memesi borase nanemi satan da yei ititisira ainda be awa ungo God ambo ambo ae era.