¹ Paul Bada Iesu Keriso da binga itri embo,God Mamo utu topo ami sia isira,Bada Iesu Keriso ingode naso tumo da ari embo. ² Timothy Bada da tumoda ari mei,naso sore gari embo,God mamo ,Bada Iesu Keriso da javoda. ³ Timothy esusu ititena awodo ise Ephesus atio,na Macedonia mabutena.Edo doaso atopatari nei itore,Embo ainda ingore. ⁴ Dumodumo ge bagari,awa dodo,ge be ise,tumoda ise Bada God da buro ari embo awodo petewo. ⁵ Edo iso sagove ge be ise,tumo da ise,dubobari da petewo. ⁶ Embo nenai tano itari derigedo demoda wowosise itari era. ⁷ Edo atepatari erate ge bemi sae,edo ari pakara edo petae. ⁸ Edo Mama nombo da dubo ge ane ge be,awarate,ari emboro da ae. ⁹ Awo daride awa embo ewamei embo ae,awarate,dumo dumo ,jimbo bia embo,God gae,mamono aimono deoro bebete gedo era. ¹⁰ Ge busari,ditabaita,viro paima,ari embobo God mamo da ge da atae embo mei na. ¹¹ Einda ge nenei atopatari nenei,Bada God mamonomi itae,Bada Iesu Keriso edo God mamo mi jo poporo naso da awo edo doturisira. ¹² Bada Iesu Keriso,aiye sena,na jo goroba ari ititisira,tumo isira.ge be isira,uso buro ari embo burisira. ¹³ Iji matuda awa na,ge jiwae sari embo,embo biae,embo dedo gaedo ari embo,awa embo,ambo kena Bada God Mamo mi na awo isira. ¹⁴ Bada God mamo mi awo isira bada uso dubo bari,ge be ari,uso mei Iesu keriso da yei atara awa embo. ¹⁵ Edo ge emone,ge be ise tumo da adera.Bada Iesu Keriso ingodena soregadi busu da wowo sisira. ¹⁶ Ge emimi siri gido,Bada God Mamo mi naso yei soregari ititi sira.Emi ari jo naso da Iesu Keriso petedo,vure do jasedo ira,Iesu Keriso ambo ambo ise,ge be ise,atise atari ewamei,amboda awa tamborose. ¹⁷ Edo boroko gitijigari matu da atadira,ditimi gae,ingo mi jigido gae.God da ari awa japa dorise,jasiga bore ga ise mata awa atadira,"God "Aiae. ¹⁸ "Timothy" naso mei,imo awara ena,God mamo mi iso aia da tini joda sia isira,Giti jigari ewamei adesa awa embo. ¹⁹ Ge be ise tumoda ise jamo jamode da derido iso binga ainda awaeio. ²⁰ Hymenaeus de Alexander awa ge naso da petae etero gido asisi bebegae da yei itena ,wasiri biae ewora awa atopatari gorase.