¹ Tuwa Tutu zo gitau otu diyao nuna zo dubu nuna aungne dina awiya, sao tauyao bowa yaora aune bowi yao garo tangi eungna mitari niya aungna sena. ² Bowi yao garo awiya mena ponewa. garo moko zayao aungna awiya waegao ra posi buro yewa, Aungna hora awiya nona pugao masi gamuwa, aungna hora awiya ame pugao masi gamuwa, aungnayazo zo awiya, Dang masi. ³ Mo naibe zare eto auna bautara awiya garo moko zo nupe mitia, dang nibaung ayerov sewa. ⁴ Garo moko dang aungna masi zo awiya daba goli zo gauro nona hingyong berau gitire awiya sosi nauwa susu mao sekara masi awiya deka daba goli zo gamuwa atu mitauna, susumao sekara masi aungna mokora awiya au zo minao mana aungne, aron ra tungu aungne, Daba eto Tuwa Tutu ra saotau yao re. ⁵ Susumao sekara masi aungna tame awiya angelo etora ititi, awiya Tuwa Tutu etu mitiya yero gipewa, Wati agerato dae gairo masi pasena disi nauwa awiya gopewa, Arata heme ewiya nona apakana zawa gaora be oko. ⁶ Nona Apakana kora nowa aungna bautari Pris Iyamume bowi yao garo.Mokora toiro buro agera nowa. ⁷ Pris buro emo baina ami gege garo moko i dang aungna tu wora hu pasena disao apuno toiti noiya. Pasena nuka nuna aungne emo bauno ra pasena a eno wora hu puno toiti noiya. ⁸ Bowi yao garo baina mitaungna re dang oweno nai wosowa baung dang masi ra yao awiya oko gipa. ⁹ Awiya Etotoma heme ra ara zawing porao aune Yawayawa zawing ami yai Tuwa Tutu bowi nauwa zo oko sorepu nauna a nasani zawagao Iwangra oko nauwa. ¹⁰ Nago sayao auna minao ta ouaune taung ra sao berau giti ami mitauna aune nao seka kasa yena. ¹¹ Yesu Kristo nu awiya nona wowosewa gitau kasayewa aungna Pris Baina yero bungna. nung dang ibu baina pasena aung aungna toina, Dang ibu awiya emo zo nango agera zo oko yao, nupe tangi eungna oko ara. ¹² Nu dang ibu moko dang nibaung yero mitoiya aungna atu, Be dekaka gege toinu besu gaina. Nu goat ta Cow mani ra hu ra putoung ra oko, Hu nuka nuna zo masi naname mitao gege mitao awiya pungna. ¹³ Arare wora hu ta woingi yero ongotu nuna pupunowa ami zo emo bauno pasenare aungna tame pugaiti nowa, ayero Tuwa Tutu ra beraung ra atu taung agera inwaing yero mitaise nowa. ¹⁴ Arare be nazobe Kristo ra hu dang oweno mitao gege mitao aungna mokora atu taung nuna pasena aung awiya Tuwa Tutu eno zawing yero pitine? Ami kotumao naname magayao ra uwero pugai Tuwa Tutu bowi nename. ¹⁵ Susuwa aena nu awiya sao tauyao seka aungna be mani yena arare emo bauno awe yau nuna nigiro agonowa ami gege nuna ame nasani uwazawa nuna simaore mitao gege mitao awiya parineya.Magayao mena kasa yero name soreungno awe sao tauyao agowara bunao ra mitowa awiya besero pungna. ¹⁶ Tangi eungna tame emo magayari sero nasani uwazawa agera awe pariniye aungna zawagao ta sao tauyao ena sero oune maganowa. Sao tauyao awiya mena se daung gairo oune maganowa. ¹⁷ Emo awe sao tauyao awiya sinoiya awiya be nu maganoi oune zo sao tauyao awiya putoungre noiya arata nu oko magayao mitoiya awiya sao tauyao awiya putong aung noiya. Nao sekara tairo Tuwa Tutu aungne dubo dekaka yero nao awiya Yesu ra hu zo yena. Gitau zo wora hu zo nauwa. Mose gitau Tuwa Tutu ra sao tauyao ge mitaung na, Awiya Isirael ra emo bauno eno se daung gaina. Ansani wo mani ra hu, ou, wo tungiza re, tini susukare, Awiya hu oure aungna dusero oune emo baunora tame atu zezinasani nupe ge papiya ra tame dema zezinauwa. A nasani aungne eyero sinauna Tuwa Tutu zo tairo nao ra ge nige eno sena aungna hu era. Hu ami ge ewiya dongdoti noiya. ²¹ Nao beraung dekaka nasani ou hu re deka ayero zeze yere ibu baina aungna gaiti nasani au tao Tuwa Tutu bowiyaora burora pugaiti nowa awiya dema ou hu re zeze tame gaiti nowa. ²² Tuwa Tutu ra sao tauyao, Nasani nowa awiya Tuwa bowi yao ra pugaiti nowa,Zo doro oko hu oure ami saiti noiya. Tani eyao oko yarinea, Awiya Tutu emo bauno ra pasena nuwegao teng oko. ²³ Sao zo mitia awiya nona apakana aungna ate ate, Unditi ra atu Tuwa Tutu bowi nowa ami zo duru tangi eungna mitoa awiya apakana sayaese sao ara. arata unditira nona awiya hu ou re putoungre dang iwang nibaung ami sayai se sao ara. ²⁴ Yesu nu bowiyao masi dang nibaung aungna toina awiya nu etotoma emo zo yao tangi euna atu mitoiya aine oko ra nu unditi masira hitina. ayero Tuwa Tutu ra beraung ra dopero mono iwaing name gipinasani noiya. ²⁵ Nu unditira toina awiya nu oko Pris ikapariya zo dangwa sero wora hu zo dang ibu moko dang nibaung aungna atu zawing pori nowa ayero oko noiya. ²⁶ Nu Pris ikapariyao aminowa ayero yatiya awiya nu tangi kasayena atu zayero moumawe tauno butunete tani eyatiya. Arata heme tani ami zo besugaise. Nuka nune be dekaka gege pasena nana eno magayena. ²⁷ Deka ayero emo bauno apakana zangwa yena re name deka ayero be dekaka maga yero aungne ge buro bainara dopari nename. ²⁸ Deka ayero Tuwa Tutu zo mani nuna Kristo be dekaka gege pasena naname eno zawing yero porena arare nu nupe bari niya awiya emo bauno awe Yawa yawa re, Nu diya nowa aungna hina atu kasayariniya.Pasenara buro ra oko wata emo bauno zo nau masi paese aungna gege.