¹ Ge awiya eyero sinenage era, Pris ra gitau yao baina, Uditiratu adumao masi nuna simaore aungna nago mera atu adungna. ² Nu awiya sou emo,Bowi yao garo baina me, Aungna dang masi aungna na atu buro noiya, Garo awiya emo zo oko yewa, Tuwa Tutu baina nuka nune gaung na. ³ Pris ra gitau yao baina, awiya mena pugaiwa mitoiya, ami gege yo Iwaing aungre Zawing aungre yero porinoiya. Arare nu deka ayero nona zo Zawing yero porari niya. ⁴ Ora Yesu kristo tangira tu mitatiya, Awiya nu pris oko yatiya. be awiya ago sao tauyao ge ago yero,zawing porao emo yero mitauwa. ⁵ Nona awiya etotoma aungne ititi, Nona me Uditira atu mitia awiya Gipena, Ayao eno emo tutu Mose bowiyao garo, Nono yero gamaise, sero gipena awiya gaungna. ⁶ Heme Ewiya Kristo ra buro me pungro bungna, Ayero nupe susumao seka Ingwaing yenu kasa yena, Ge wowosewa ra tame atu dopero buro yena. ⁷ Susumao agowa awiya me yatiya, Awiya susumao seka awiya oko kasa yatiya. ⁸ Emo Tuwa Tutu nu emo bauno ra ge hiwao giro eyero '' Sena '' Na emo bauno nana, Isra aungne Yuda ra aungne aeno susumao seka yari '' Nena '' Ayero sena. ⁹ Susumao bata mani agera, Isip atu pungro yewange aine oko ara. Ago susumao awiya oko ago yao yewa, Aeno na ago bata gaingwang,EmoTutu zo ayero sena. ¹⁰ Na emo bauno nana Isira '' Aungne'' Susumao seka, Be bari niya aungne yari nena, Ayero sena sao nana awiya agera kotumao ra atu pugari nena, Anasani agera mokora atu pugana mitari niya. Na Emo Tutu agera nena, Ago emo bauno nana yari neya. ¹¹ Ago otao mani agera aungne, di yao oko gipari neyata, eyero''Sari Neya'' ni emo tutu awiya gosinesita? No eno oko, Mani mamani re, Babuzere, Apakana emo Tutu ikara ayero gosi neya. ¹² Na ago Ho apu nasani, nao meko agera aungne pasena agera aungne apakana nuwe gari nena. ¹³ Susumao ''Seka'' sinia aungna susuwa eyao era, Susumao agowa meko yena awiya nomi yenu meko yena, awiya geme aung yaise.