¹ Arare nage Kristo ra bowi ingwaing zayao ra pumuwang me, Tuwa Tuwa tumo didi nasani bowi ing waing oko dotari nename. ² Gipao ing waing ge ou suwao aung ne emo ra ziye atu nago pugao awiya emo mamaga yao nupe iro pupu naya name seka mite name awiya Tuwa Tutu ra beraung ra dopari nename. ³ Emo Tutu zo name eno atu geme sari niya. ⁴ Emo Tutu ra waegao mena pumuwa, ago ho-o ingwaing unditi ra awiya mena gigiwa. Arare ago Oweno awiya mena pumuwa. ⁵ Arare awe Tuwa Tutu ra bowi ing waing aung ne putoung re awiya mena poniye?. ⁶ Arata awe Tuwa Tutu ra ge awiya nigi ro oko nigaine noiya, nu awiya meko nuna Tuwa Tutu ra eno pugari niya. Emo buro ayero nowa awiya Tuwa Tutu ra mani ipasao ra tu gege dedu nasani mitowa. ⁷ Be wa-a didi noiya awiya tangi sore mao pupunoiya,ayero nasani tangi eung na uwa zawa sorepu noi babinowa, a noiya, aeno Tuwa Tutu tangi ewiya gao noiya. ⁸ Arata tangi mawe iwire bayari niya awiya tangi meko,ayero yariniya, awiya Tuwa Tutu tangi awiya gera yariniya. ⁹ Ota mani nana ,aeno ge putore nige eno sinena arare na ge nige gera yao ra oko pugari nenage aungna, Tuwa tutu name sore punasa ni na pari sena. Tuwa Tutu awiya nu emo ge hiwao oko,arare buro nuna nona me awiya nu oko nuwe gariniya, aung ara. Nige Tuwa Tutu ra buro eno dubo pugairo nowa, nige awiya emo bauno nana sore punowa. Arare nige ayero neungpu. ¹¹ Arare nage nige apakana aratapu nenage nige deka ayero neung pu be bae. Anasani ami yai nige berea oko yarineya nige emo tumodiaore naya aine yero nasani nowa ge wowo sewa awia pari neya. ¹³ Tuwa Tutu Abraham eno sao wowo sewa sena,awia zazo nuka nuna atu senu tauyena no eno nu yazo emo zora ungna atu oko sai besugarinia. ¹⁴ Arare nu eyero sena na ni gao yana sai sibuna ni na kasayao gege kasa narineya. ¹⁵ Abraham nai aungna atu Tuwa Tutu nuna nona no paise senu diya mitaungna awiya nu eno pugainu pungna. ¹⁶ Anasani emo bauno eno zo mani ena ago dai gairo baina ine yero nowita sero sinauwa. Asinasani hinase nema besu gaora, atu ago dubo dekaka nowa. Dubo dekaka agera ami noi nao agera me noiya. ¹⁷ Arare Tuwa Tutu kotumao buro nuna yero emo dubu nuna dubo dekaka yero pai nuna yarineya aungna buro nuna gipai daung mokera kasa yai buro nuna ungna dadawa yao kasa yaise sena. Tuwa Tutu nu dubo dekaka nasani ayero sena. ¹⁸ Nu ayero yenare nona eto ewiya dadawa yao teng oko. Tuwa Tutu geno sinoiya awiya nu oko gehiwi noiya. Arare be nu dubo dekaka noiya,ge nuna awiya gehiwao oko. Tuwa Tutu gehiwao teng oko. Arare name awe bunaora atu kasa yengwame awiya nona no agore paneme se sena aungna tumo diyao naname hingiro tau tataware yari nename. ¹⁹ Name hatu e pungro aungne gera yao dai gaiti nasani buro naname iwaing nari nename, ami ititi naname hingai dopero tau tata ware yero toiro ba soma moko ra nibaung mo-o zo gazao aungna bautara yari nename. ²⁰ Masi awiya Yesu mena name gitau name doro ba mitoiya aungna yari nename, nu ura naname pungro soma aungna baungna, nu gitauyao emo mitao gege mitao ayena, melkesedik ra sao awiya ago yena.