¹ Emo dubu baina aungna mokora atu emo zo gipiti nowa, nu ami pris ikapari yao masi pung ro emo bainara be pung ro buro no Tuwa Tutu aune yao sao awiya noiya .Nu ami ho iwaing ra zawing aungne pasena ra zangwing aungne awiya Tuwa Tutu eno pugaiti noiya. ² Nu emo kotumao asoko yao awiya kora yero sorepu nasani noiya.Emo ena otao mani zo etegaiti nowa mitowa awiya dema sorepu noiya, no eno oko wata nu deka mou ayetuga aungna moko ra dema mitoiya. ³ Susuwa aeno nu pasena ra zawing porao ra putoung pugainu pungna. Emo bauno ena zo nowa deka ayero nuka nu eno noiya. ⁴ Nuka nu aeno mani zo yazo bowi re pao teng oko, nu awiya Tuwa zo yau sena, nai dekaka aine Aron yausena aine nueno yena. ⁵ Nai dekaka awiya ago yero, Kristo deka ika pariya yena aeno, yazo bowi re oko pungna. ⁶ Arata awe nu eno ge sinena ami eyero sena. Ni awiya mani nana emodi, heme na maung nina nena. Ge ewiya bowi zora tu eyero senu mitiya. Ni awiya deka prist melkisedek ine, mitao gege mitarinesa. ⁷ Magaya be nuna aungna atu Kristo isa eto zawing yero pugaiti nasani, awe nu magayao ra atu soremariniye aeno yaure zi-i ziziungre sena, maung zi-i nuna nigina, noeno oko wata, Tuwa Tutu ra nao nuna hina mitina aeno gege ayena. ⁸ Saineba nu Tuwa ra nani wata, nu ge dimao ra nai ago yero mou mawere ra atu toina. ⁹ Nu yenu iwaing kangwaing yero nao tauyao ra susuwa nasani dubu nami ge nuna dipunowa awiya gitau yena. ¹⁰ Nu awiya Tuwa zo mena prist ika pariya yero Melkisedek zo mitaungna deka aing ne yaise sena. ¹¹ Nage ge ewiya baina nibaung sao wata, nage zawagao ra tu teng oko nenage, noena wata nige nigao ra mou mesaneya. ¹² Nige be heme ewiya seteya tau yeti nige gipao mamano yari seteya, arata nige dubu ami nupe mani ena zo nage enoTuwa Tutu ra bowi ra susuwa awiya gipaya gari sineya. Nige heme ewiya nona tauya tutubu minao ra be ra, arata nige awiya ami mu-u gege mini nasani miteya. ¹³ Mani awe ami mu-u mininiya awiya nu nao ingwaing ra bowi awiya oko gosiniya, no eno oko, nu awiya mani maing ko wuire. ¹⁴ Arata nona tutubu tauya awiya mani babuze ra ara, ago awiya kotumao agera korayero diya nasani ingwaing re meko re awiya giro zawa gaiti nowa.