¹ Otao mani aratapu nasani neupu. ² Nao emo Samodao a kotopu nasani neupu,Emo ena angelo oko ga samodewa. ³ Emo bunao ra mitao awiya dema kotupu nasani, Nikani ago aungne mitesa hatu ayero tamanesa. Emo bauno sisigaora miteya awiya dema kotupu nasani ni ago aungne mitesa hatu ayero taung. ⁴ Nige apakana atao korayero Angwang nasani dia neupu atao ra awao masi gera yaneya, No eno Tuwa Tutu emo bauno kuma nasani atao sisigaiti nowa awiya Tuwa Tutu ra ge burora dopari neya. ⁵ Daba eno kutumao haena oko puganesa, Nona maingkoka nomi mitiya awiya kara, Tuwa Tutu Nukanune eyero sena,'' Na ni oko dotanena O oko bauta potari nena, ⁶ Tumodidi nasani eyero saneme, ''Tuwa baina soremao nana; na angwang oko yari nena, emo na eno noyari neii.'' ⁷ Gitau yetuga ninage kotupu nasani, Tuwa Tutu ra ge bowi sinowa aungne angyao, Tumodiyao agera giro puno neupu. ⁸ Yesu kristo dadawa aung, Gitau mitaung na, Heme na mitiya, Agore gege mitari miya. ⁹ Gipao be raung giti ami nige oko sisigaise. Iwaing nibaung awiya Tuwa Tutu ra soremao Iwaing ami nige kora yaise, Oko nona minao zo nige oko soremari niya. ¹⁰ Bowi yao garo baina aungna Aitar mitoi ya aungna tu buro emo, buro nowa, Minao atu minao awiya gazao. ¹¹ Wo pasena eno dedinowa aungna hu awiya gitao yao baina ami pungno toi Dang garo mokora noiya, Wora taung Daung atu igiti nowa. ¹² Arare yesu deka ayero napo baina doro daung atu mou, Yangyang bing yang yang taungna, Hu nuna ami emo baungno saena. ¹³ Arare name deka ayero baungno daung atu megao nuna dema pari nename. ¹⁴ Name napo naname nibaung aung ware name napo zo kasayariniya aeno dity yaneme. ¹⁵ Baung nuna hina yero, Tuwa Tutu bowi yaname,zawing ambeyang yaise, awiya moko nina ungna me awiya gipe daung gari niya. Ora name nao Iwang kakawaing, hina piti naname, Tuwa Tutu dubo Iwaing Zawing naname yari niya. ¹⁷ Buro mamono ra ge dipu nasani, agera hese mitiungpu no eno ago ititi ra buro nasani nige diya nowa, Ago ami ge buro yawayawa re buro naesa kotung katung mekore nari neya awiya ninage hina atu iwang oko yariniya. ¹⁸ Nage eno Isa sineungpu, Nage kotumao Iwang re nasani nao Iwang re buro apakana yanege. ¹⁹ Nige ayero nari neya ami zo na mena kapete gairo bungno nige gari nena. ²⁰ Tuwa Tutu ra mono eyare ge, Ami wo dia yao Emo Baina magayao atu uwena, Yesu Kristo hu nuna ami susumao besugao aung awiya yenu kasa yena. ²¹ Nona apakana pugaina ami, Aratamao nuna ungna buro yasa, nu soremai yawayawa nasani, nukanu Yesu Kristo yazo baina putoung re besugao aungne mitari niya, iyo. ²² Soremao ge sana nige diyao nigiro ge emi nige soremaise, Noeno na nige eno ge baina oko gaero yengtena bumiya. ²³ Otao naname Timoti bunao besugaiya re, Nu mena bai giro nato dema buno nige gari nenato. ²⁴ Buro mamono ninage aungne otao mani bowiyao dema nasani nowa apakana arugaiti nasani neungpu. Ago Itali atu miteya ami nige arugaiti neya. ²⁵ Tuwa Tutu Hoamao, nige apakana aungne mitaise.