¹ Arare emo name soreungro ge sao awiya dubure nibaung name ziungno miteya re, Kotupu nasani mou daigaiti nasani pasena oko yari nename. Nasani yawayawa re Hina nename. Nasani yawayawa re hina zakita baina eungna sumaneme. ² Tumodiyao ra susuwa awiya Yesu ara, Arare name diti yero nu gege gari nename. YawaYawa tamari niya awiya gosinasani ipasaora tu me gao Diuna, Ayero Heme nu Tuwa Tutu nago meratu adumao masi nuna simao re augna tu aduna. ³ Mou mawere pasena emo zo nu eno pugaiwa daigaina aeno nu kotu magi name. Anasani augne susungno baing tiro nu aungne mitari ne name. ⁴ Nige hu suwero, Pasena daigari taung oko dewa ara. ⁵ Nige mani awiso nuna ayero sinasani soremao ge sena awiya nige nuwe gaitwita nowa. ''Mani nana Tuwa baina ni eno mou zo pugai nete aeno kotung,katung yari nesa,Awiya ni kora nia ara. ⁶ Tuwa baina emo ara tapu nasani mou pugati noiya anasani mani pupu noiya aeno yangya pugaiti noiya. ⁷ Mou mawere tapu nasani giro Tuwa tutu ni aratapu nasani aeno noiya ni mani nuna ware aeno ayero noiya.Mamono deka ayero mani awiso eno deka ayero nowa. ⁸ Ni mou mawere aung nasani giro ganesa awiya ni mani nuna oko hatu ayero tama nesa. ⁹ Mamono naname name dedunowa name ago angwang nasani ago samodedu noname. Deka ayero ititira eno ayero ya nename ¹⁰ Mamono putoung baina nibaung name korayao ra pugaiti nowa ta ago gosi nasani nowa. Tuwa tutu zo iwaing naname eno noiya,Yai name nu aungne dema dang naora atu dema nanemese aeno noiya. ¹¹ Mou pugaiti noiya awiya yawa yaware oko ,Yangyang biyang yang mekore dema pugaiti noiya.Arata aungna me nuna awiya monore ,Nao iwaing kakawaing kasa noiya ara. ¹² Arare te nago ninage putoung aung niya awiya yeputau yae. ¹³ Te ninage eno na kora yepu, Boborowa oko dubo mina neyata Iwaing yae. ¹⁴ Mono eyare ge eno kotumao pugaiti nasani otao mani apakana aungne ayero naya ami zo emo tuwa Baina saore gari neya. ¹⁵ Tuwa Tutu ra Ho amao re asoko oko noname, Arare meko oko bairo mou mawere oko noi kasa noiya.Arare emo oko gera noiya. ¹⁶ Emo tuwa Tutu ra nao oko nowa aungne kuma beraung giti nowa, Emo Iso ine, ami minao be dekaka minao aeno gitau mani ra putoung yentina. ¹⁷ Aungna bautara nu gao nuna nupe pitiya sero yena ta teng oko yena, Arata me oko pungna zi ziziungre ge sena ta teng oko yena. ¹⁸ Ora ni nona Yaong zo awinoiya,mume Baina wa ou aungne soma meko yero mitoiya ayao oko Ding yero gari besa. Arita tu ge ta ge bewi kasa nena nenu emo nigao awang yero ge nupe oko sai se awang yero sewa. ²⁰ Ago ge sena awiya ago yao teng oko yerogiro ake pari yero dopewa. Wo zozo agi awiya kirimai, giro daba zo daese sena. ²¹ Mose nukanu Tuwa Tutu ra gorobo putoung re giro hipero eyero sena na angwang nibaung nasani hipinena ayero sena. ²² Ora nige heme awiya bungno zion agi ra, Tuwa Tutu ra napo Baina Yerusalem aungna atu angelo zare zazagao teng oko ami nu bowi nowa. ²³ Dubu bainagitau yao naname aungna yazo gaewa unditi ra aungne Tuwa tutu, Nukanu ge nigao emo Baina aung, ititi emo nao iwaing nowa aungne awiya kora yena. ²⁴ Ora Yesu Kristo emo kora yao emo ami susumao seka, Hu nuna zo yena ami putoung re nasani, Abel ra hu daigaiti niya. ²⁵ Ora emo bowi iwaing sinaya giro dago hawero nigipu. No eno tangi emo zo sineya sero nete mou nono yero daigari nesi. A nete nono yero mou emo uditi ra ge sinoiya ami pugari niya awiya daiga nesi. ²⁶ Gitau ge bewi nuna zo tangi hipena. Arata heme sao nuna zo sena awiya era, Na be zo awiya unditi, tangire hipari nena. ²⁷ Genupe hipari nena '' Sena aungna susuwa awiya nu gitau hipena awiya aung nai uwa zawa yena aungna aung yariniya .Nona nomi oko hipa ami gege mitaise sena. ²⁸ Name dubo inwaing re, Yawayawa yariname awiya Tuwa Tutu ra nao masi ra atu nu bowi nasani hinghing re naneme, ²⁹ No eno oko Tuwa Tutu naname awiya iyaong soma apakana awi noiya aine ara.