1
Ina na Dina Helagana ta ai e vara karana ta, Iesu na uit imeana lalona amo e raka hanaiva, bona ena hahediba memerodia ese uit anidiai na imadia ai e kopadiava bena e abidiava.
2
A hari Farasia taudia haida ese eha maorodia eto, "Dahaka dainai umui na ini o kara tomamu, dina helaga ai ina na dia maoro."
3
Iesu ese e haero henidia eto, "Umui asio duahia Davida be dahaka e kara e hitoloa neganai, ia bona ena memero ida, a?
4
"Ia na Dirava ena ruma ai e raka vareai una parao na eabi bena e aniani, ena memero danu e henidia, una na edia gwau-ahu ai na dia maoro idia ese bae ania to hahelaga taudia sibodia adia."
5
Bena ia ese eha maorodia, "Taunimanima Natuna na Dina helaga Lohiabadana."
6
Ina danu Dina helagana ta ai ma e vara ia na synagogue ai e raka vareai bona hahedibava. Unuseni ai tau ta bona ia imana idibana na heveri.
7
Itorena taudia bona Farasia taudia na e raraia kahi-kahiva e urava bae itaia ia es tau ta do baine hanamoa guguru una dina helaganai bena dala ta e tahuava ia bae habadelaia.
8
To ia na e diba vaitani idia edia lalohadai bena ia ese ima heveri tauna na eha maoroa, eto, "A toreisi, bona ina ai bogaragimai ai ame gini." Bena une tau na e toreisi bona e gini tore idia bogaragidiai.
9
Bena Iesu ese eha maorodia eto, "Lau ese umui na nanadaimuimu, ina maoro Dina helaganai kara nam ba karaia eiava ba hahedia, lauma ta do ba hamauria eiava ba hamasea, a?
10
Bena ia ese iboudiai e itadia hegege bona ima heveri tauna eha maoroa eto, "Imamu na a toia-roro" Ena hereva karana e karaia, bona imana vada e goeva guguru.
11
A idia na badu ese eha-honudia bona sibodia e hereva heheni dahaka do ba kara Iesu enai.
12
Ina danu unu dinadiai e vara karana, ia na ororo ela baine guriguri dainai, bona una hanuaboi idoinai Dirava e guriguri heniava.
13
Daba e rere neganai ia ese ena hahediba memerodia e boiridia ia dekena ela, bona ia ese gwauta-rua e abidia-hidi bona e gwauraidia danu apostolo taudia.
14
Simona (Ia ese ladana e hatoa Petero) bona ia tadina Anderea, bona Iakobo, bona Ioane, bona Pilipi; bona Batolomiu,
15
bona Mataio, bona Toma bona Iakobo Alphaeus natuna, bona Simona daika be ladana e hatoava Zealot tauna,
16
bona Iuda, Iakobo natuna, bona Iuda Isakariota, daika be tao-tore tauna.
17
Ia na ororo amo e diho idia ida bona gabu palakana ai e gini ena hahediba memero hutuma ida bona taunimanima hutuma ida Iudea idoinai amo, bona Ierusalema amo, bona Turo bona Sudo kone kahana amo.
18
Idia na ia ena hereva iha-kaladia bona edia gorere amo ba namo guguru totona ema. Taunimanima mai edia kerere bona lauma dikadia ese e rohedia taudia danu eha namodia guguru.
19
Taunimanima iboudiai e urava ia ba dauatoho badina be siahu na ia ena amo e lasiva bona iboudiai eha namodia guguruva.
20
Bena ia na matanai ena hahediba memerodia e itadia bona eto, "Ogogami taudia be nanamo badina Dirava ena basileia na umui emui.
21
Harihari e hitolomu taudia be nanamo, badina umui bogamui do bae kunu. Harihari e taitaimu taudia be nanamo, badina be umui na do ba kiri
22
Taunimanima ese do bae inai henimui, neganai, bae dadaraimui neganai, bona bae habadelaimui koikoi neganai, bona ladamui bae hadikadia badina be Taunimanima Natuna dainai.
23
Una dina ai do ba moale hisidae, bona mai moalemu ida ba roho isi, umui ahumui na bada herea basileia ai. Badina be idia tamadia ese peroveta taudia danu dala tamona unu e kara henidia toma.
24
A umui daidia na o taga, madi ihabaimui, adina emui namo na vada ome abia.
25
A madi ihabaimui, ina harihari bogamui eme kunu, badina be umui na do ba hitolo. Madi ihabaimui, harihari o kirimu taumui, badina be umui na do ba daradoko bona ba taitai.
26
Madi ihabaimui, taunimanima ese hereva namo henimui neganai, badina senedia ese peroveta koikoi taudia danu unu e kara henidia tomava.
27
A lau ese umui oha-kalamu taumui na hereva henimuimu, e inai henimuimu taudia ba lalokau henidia bona e dagedage henimuimu taudia na ba kara namo henidia.
28
E gwau-tubu henimuimu taudia ba hanamodia bona asie kara namomui daidiai ba guriguri.
29
Daika ese oi vahamu baine pataia neganai vahamu kahana danu ba mede henia, bona daika oi emu amo o karaia dabuana baine abia oho emu rami danu basio rua.
30
Daika emu ai e noinoimu taudia na ba henidia, bona daika oi emu kohu na oi emu amo e abia oho na basio noidia lou.
31
Umui o uramu taunimanima ese unu bae kara henimui toma, unu hetomana danu umui ese ba kara henidia toma.
32
Bena oi ese o lalokau henidiamu daika be oi e lalokau henimumu, ena namo be dahaka oi emu ai?
33
Bema umui na taunimanima ba kara namo henidia daika be e kara namo henimuimu, ena namo be dahaka oi emu ai a?
34
Bema oi na dava o heni-torehaimu taunimanima dia ediai mo, daika be o laloamu emu abitorehai na ma beheni-lou dibamu tauna, ena namo be dahaka oi emu ai? Kara dika taudia danu kara dika taudia dava e henidiamu, una dava tamona na bae abia lou dainai.
35
A umui ese e inai henimuimu taudia na ba urahenidia bona ba kara namo henidia. Ba heni-torehai davana ihalouna na basio naria, bona ahumu na do baine bada, bona Herea Mikamika natuna ai baola, badina be ia na manau asie hahenamomu taudia bona dika taudia ediai.
36
Ba hebogahisi, Tamamui hegeregerena ia na hebogahisi.
37
Basio hahemaoro, bona umuina do basio hahemaoro henimui. Basio hahedika, bona umui na do basio hadikamui. Edia dika ba gwaudia tao bona emui danu do bae hegwau-tao.
38
Ba heni ma baine henimui: Hahetoho gauna namona - e taoa kunu, e buloa hebou, e hepurai dobimu - latamu ai baine hebubu dobi. Badina be una e heni hahetohona ida oi ma baine henimu lou.
39
Bena ia ese sivarai hegeregerena ta danu ma ehamaoroa laidia, "Mata kepulu tauna ta ese mata kepulu tauna na basine hakaua diba, a? "Raruosi guri ai basie moru a?
40
Hahediba merona ese e hahediba tauna na se hereaia, ia na do baine diba guguru neganai, ena hahediba tauna ida bae hegeregere.
41
Dahaka dainai ina taha maragi-maragi be oi bamomu matanai o itaiamu, a oi be so dibamu oi sibomu matamui ai be au badana ta, a?
42
Edena dala ai bamomu na ba hamaoroa "Bamogu ena matamu ai taha maragi-maragina na aina kokia-oho, a oi sibomu matamu ai au badana be asio itaiamu, a? Koikoi taumu! Oi sibomu matamu ai ina au badana do ba kokia guna, bena oi emu roharoha na do baine diari bena oi bamomu matanai una taha maragina na ba kokia-oho.
43
Badina be au namona ese huahua dikana baine havaraia, una kahanai danu au dikana ese huahua namona do baine havara.
44
Badina be au ta ta na huahuadia ai baita diba. Badina taunimanima ese suke anina na dia au ginigini amo eiava vine anina na dia uda auna amo asie gogodiamu.
45
Tau namona ese ia lalona kohu namodia amo gau namodia e havaramu, bona tau dikana ia lalona kohu dikadiamo gau dikadia e havaramu. Badina be ia lalonai e honu gaudia amo ia udunai e herevalaimu.
46
Harihari, dahaka dainai umui ese lau o boi henigumu "Lohiabada, Lohiabada" a lau na herevamu karadia be asio karamu, a?
47
Taunimanima daika be lau dekegu e maimu bona egu hereva e kamonaimu bona karadia e karamu, lau ese umui baine haheitalaimui ia be taunimanima ede bamona.
48
Ia na hegeregerena tau ta, ruma ta e karaiamu, guri dobuna ta e geia, bena papa-papa latanai eha daia. Bena utu-utu e kau, bena ranu bada aruna ese ruma na e doria to ruma na asine marere, badina una ruma na e karaia balaheni.
49
A lau egu hereva e kamonaimu to karana se karaiamu, ia na tau ta na heto ena ruma na tano latanai e karaia asi ihadaina dainai abata ranuna ese nega tamona e hamorua, bona una ruma danu e hegigi rohoroho.
Translation done and completed by Ret/Dk. Lohia Gari on Friday (12/05/23), Time: 10.15am