1
Daba galuma-galumana ai, pura dina ginigunana ai, idia na gara ela, muramura mai bonadia eabi hegaegae na e laohai.
2
Ela negana ai nadi na vada e hekure oho gara amo.
3
To e vareai negana ai, idia ese Lohiabada Iesu tauanina asie e davaria.
4
Unu e vara toma dainai, idia na e daradara ina gabu ai, haraga herea, tatau rarua dekedia ai e gini, mai dabua hururu-hururudia ida.
5
A hahine na e gari bona e goru diho vairadia danu tano ai e kau, tatau ese e hereva henidia eto, "Dahaka dainai mauri tauna mase gabuna ai o tahamu?
6
Ia na dia inisenia ai, a e tore isi! Galileia ai e nohova negana ai e hamaoromui herevana ba laloa,
7
eto, taunimanima Natuna na dika taudia ediai taona bae torea bona bae hasatauroa, a dina "ihatoina ai baine toreisi lou."
8
Bena hahine ese ena hereva e helaolaia-une,
9
bona gara amo e lou ela, unu gau iboudiai gwauta-taosi mai bamodia ida edia ai e haripiulaidia.
10
Hahine dia bini: Maria Magadala, Joanna, bona Maria, Iakobo sinana, bona bamodia haida, ini kara Apostolo taudia e hamaorolaidia.
11
To ini hereva na gori na heto Apostolo taudia ediai, bona hahine na asie abidia dae.
12
Petero, na ede bamonai, e tore isi, e heau ela gara, bena e igo diho, dabua mo e ita. Bena ela, sibona e lalohadaiva dahaka e vara.
13
Una dina ai, idia raruosi hanua daudau ta baela ladana Emausa, Ierusalema bona una hanua padana na maela (mile) tauratoi sisivana.
14
Idia na hari e herevalai gaudia na e herevalai heheniva.
15
Bena edia hereva-hereva bona e henandai hehniva lalonai, Iesu na dekedia e raka lao bena idia ida ela.
16
A matadia asie papa asi dibadia ia.
17
Bena Iesu ese e hereva henidia eto, umui na dahaka dalai ai o herevalai hehenimu? "Bena idia na e gini vairadia e hua."
18
Bena idia ta ladana na Kleopa, ese e haere henia eto." Oi na Ierusalema ai o loa edeamu bona una dainai hari e vara gaudia na asi dibamu a?"
19
Bena Iesu ese e haere henidia eto, "Dahaka gau" Idia eto, "Iesu Nasareta tauna, ia na peroveta tauna ena kara bona ena hereva mai siahudia Dirava vairanai bona taunimanima iboudia ai vairadia ai,
20
bena hahelga taudia bona hanua lohiadia ese e revaia mase bona e hasatauroa.
21
A ai banava ato ia na Isaraela edia hahemauri tauna. To latanai ini gau iboudiai na dina toi ai e vara.
22
A harihari hahine haida lalomai ai ese e hahoamai, daba matana ai gara ela,
23
bona tauanina asie davaria, e lou ema e tomu aneru haida e itadia e hamaorodia ia na vada e mauri.
24
Bena bamomai haida danu ma gara ela hahine edia hereva hegeregerena ai e davaria to asie itaia."
25
Bena Iesu ese e gwau henidia eto, "Kavakava taumui bona lalo-duhu taumui peroveta taudia edia hereva asio abi daemu!
26
Dia maoro a, Keriso unu baine hisihisi toma, bona hairaina baine abia?
27
Bena Mose bona peroveta taudia edia buka ai ia sivaraina e tore herevadia iboudia ai anidia ia ese e hadibalaidia.
28
E lao henia hanuana vada e kahira-kahira, bena ia na baine raka hanai eto.
29
To raruosi ese e rua, eto, "baita noho, badina adorahi bona dina vada be dihomu." Bena ia na idia ida ruma ai e dae kau.
30
Unu e vara toma, tatoisi aniani gabuna ai ege diho, ia ese parao eabia, e hanamoa, bona e bitua, bona raruosi e henidia.
31
Bena matadia e papa, bona e diba ia, bena vaira dia amo e puki (boio).
32
Bena raruosi e hereva heheni eto, "laloda vada e siahu, dala ai e hereva henida, bona buka helaga anina e hadibalaida.
33
Bena idia e tore isi Ierusalema e lou henia, gwauta-taosi mai bamodia ida heboudia ai e davaridia,
34
eto, Lohiabada na momokani e toreisi, bona Simona enai e hedinarai."
35
Bena idia ese dala ai, e vara gaudia na e hamaorolaidia, bona parao atagana ibituna ai lalodia e parara danu e herevalaia
36
Edia hereva lalonai, Iesu bogaragidia ai e gini, bena e hereva henidia eto, maino emui ai baine mia.
37
A idia na gari ese e butudia tao bona e gari dikadika, banava eto lauma ta e itaia.
38
Bena Iesu eto, "Dahaka dainai o hekwakwa hanaimu, bona dahaka dainai lalomui daradara ai e honumu.
39
Imagu bona aegu ame ita, lau binai. Ame daugu toho bona ba ita. Badina be laulau na asi hidihona bona asi turiana, hari lau o itagumu hegeregerena.
40
Unu e gwau toma, bena imana bona aena e haheitalaidia.
41
Idia na dounu e daradara badina edia moale bona edia hoa daidiai, bena ia ese e nanadaidia eto, "mai amui eiava?"
42
Bena idia ese gwarume e gabua gauna taina e henia,
43
bena eabia bona e ania idia vairadia ai.
44
Ia ese e hereva henidia eto, "ta noho hebouva negadiai na hamaoromuiva, Mose bona peroveta taudia edia buka ai bona Salamo ai lau sivaraigu e tore gaudia iboudia vada bae momokani."
45
Bena ia ese daradia e keho buka helaga bae lalo-pararalaia, bena e hereva henidia eto,
46
ini vada e torea toma: Keriso na baine hisihisi, bona baine toreisi lou mase amo dina ihatoina ai;
47
bona helalo-kerehai bona dika igwautaodia ia ladana tanobada besedia iboudia ai bae harorolaia, Ierusalema amo bae matamaia.
48
Umui na ini gau ihamomokanidia taudia.
49
Lau ese Tamagu e gwauraia hamata gauna baina siaia latamui ai baine kau. A umui na taoni (city) ai ba noho ela bona atai amo siahu baine diho gauna do bavabia.
50
Bena ia ese e hakaudia lasi ela bona Betania vada e kahi-kahi, bena ima e duduia isi bena e hanamodia.
51
Hari e vara gauna, ena hahenamo lalonai, ia na idia edia amo e heabi oho bena e dae guba ai.
52
Idia ese e toma henia diho, bena e lou Ierusalema mai moaledia ida,
53
bona dubu helaga e loulou henia, Dirava e imodaia.