1
Ini gau muridiai, Iesu na ela Galileia Gohuna kahana, ladana ta be Tiberia Gohuna.
2
Hari hutuma bada danu ia murinai, e raka badina idia ese e itaia toa haida e ita gorere taudia latadiai.
3
Iesu na ororo ai e daradae bona unuseni ena hahediba memerodia ida e helai.
4
(Hari Lagau Hanai ariana, Iudea taudia edia aria danu eme kahikahi),
5
Iesu e gaga-isi neganai, hutuma bada e itadia ia dekena e maiva, ia ese Filipi eha-maroa eto, "Ita be edeseni aniani baita hoi idia na do bae aniani, a?
6
(A Iesu e hereva na Filipi baine tohoa badina Filipi na vada e diba ia be dahaka do baine kara).
7
Filipi ese e haere henia eto, "Sinahu-rua dinadia penedia hegeregerena aniani gaudia mo baita hoidiamu, basine davanamu ediai bona sisi sisidia mo be animu.
8
Ena hahediba merona ta ladana Anderea tadina be Simona Petero ese Iesu eha maoroa eto,
9
"Meromero ta na mai ena parao ima bona gwarume rua, to ini be ede baita karadia tomamu ini taunimanima hutma padadiai, a?
10
Iesu eto, "Taunimanima iboudiai ba helaidia diho." (Hari una gabu ai na rei bada herea e vara). Bena taunimanima iboudiai e helai diho bona e duahidia iboudiai daha-ima.
11
Bena Iesu ese parao e abi, eha namodia murina e helai taudia iboudiai e henidia. Gwarume rua danu unu hetomana e karaia, aniani na e momo ediai.
12
Taunimanima na bogadia e kunu neganai ia ese ena hahediba memerodia hamaorodia eto, "Aniani bahudia midia iboudiai na ba gogodia bona taina basine boio.
13
Bena idia ese iboudiai e gogodia bona aniani bahudia na bosea gwauta-rua eha honudia; hari taunimanima ese e ani ore momorudia.
14
Bena taunimanima ese ia e karaia toana e itaia neganai, idia eto, "Ina na momokani peroveta tauna daike be do bainema ina tanobada.
15
Iesu na e diba idia na ia ba dabaia-tao bena edia hanua pavapava ai bae halaoa neganai, ia na idia edia amo e lasi ororo ma e lou henia.
16
Hanua e boi neganai, ena hahediba memerodia na e diho davara kahana ela.
17
Idia na vanagi ai e gui, bena davara amo Kaperanauma e lao henia. Gabu vada e dibura to Iesu na idia dekedia do sela.
18
Lai badana ta e toa bona davara hurehure danu e bada.
19
Idia na vanagi e baraia, soradia ima eiava tauratoi sisivana ai Iesu e itaia davara kopinai e raka idia dekedia e laova bona iboudiai e gari.
20
A ia ese e hamaorodia eto, Ina na lau! Asio gari!
21
Bena e urava ia bae abiadae vanagi ai, bona nega tamona idia na e lao henia tanonai e gini dae.
22
Dina ai, taunimanima hutuma na e gini gohu kahanai idia ese vada e itaia vanagi haida na lasi to vanagi tamona mo to una avanagi tamonai Iesu na se gui, a ena hahediba memero sibodia mo e gui bena e lao siri.
23
Ede bamonai, Tiberia amo vanagi momo ema kahikahi hari ia ese parao Lohibada ese eha namoa bona e anidia gabuna.
24
Hutuma na hetahu amo e diba Iesu eiava ena hahediba memero na dia unuseni, idia na edia vanagi ai e gui bena ela Kaperanauma Iesu itahuna ela.
25
Gohu kahana ai idia ese e davaria murinai, eha maoroa eto, "Hahediba tauna e, edena negai ini oma, a?
26
Iesu ese e haere henidia eto, "Momokani vaitani na hamaoromuimu, umui ese lau o tahugumu badina dia unu toa o itadia dainai, a badina umui ese unu parao o ani bena bogamui e kunu dainai."
27
Aniani e oremu gauna dainai basio gaukara, to aniani e miamu ela bona mauri hanaihanai dainai. Unu na Taunimanima Natuna ese do baine henimui badina be Tamada Dirava ese ia toana eme atoa oi emu ai.
28
Bena idia ese e nanadaia eto, "Ai be ede baia kara toma bena Dirava ena gaukara do baiama karadia, a?
29
Iesu e haere eto, "Dirava ena gaukara binai: e siaia tauna na ba kamonai henia."
30
Bena idia e henanadai eto, "Dahaka toa ta boma karaia bena ai ese baia itaia bena baia kamonai henimu, a?" "Oi be dahaka bo karamu a?
31
Ai tamamai na manna e aniva tano gagenai. Vada e torea eto, "Ia ese guba amo aniani parao e heniva bae ani."
32
Bena Iesu ese e haere henidia eto, "Momokani vaitani na hamaoromuimu, Dia Mose ese aniani parao e henimuiva guba amo, a lau Tamagu ese aniani parao korikorina eme henimui guba amo.
33
"Badina be Dirava ena aniani na guba amo eme diho bona mauri eha-varaiamu ina tanobadai."
34
Bena idia ese Iesu e hamaoroa eto, "Lohiabada e, ina aniani na nega iboudiai ba henimai."
35
Iesu ese e hamaorodia eto, "Lau na mauri anianina, dekegu bainema tauna na do basine hitoloa bona daika lau e kamonai henigumu tauna na do basine ranu mase diba.
36
A umui na na hamaoromuiva, una na momokani, umui ese vada ome itagu bona umui ese na asio kamonai henigumu.
37
Daidia Tamagu ese e henigumu taudia iboudiai na lau dekegu do baema, bona daika lau dekegu bainema tauna na lau ese do basina tahoa lasi.
38
Badina be lau na guba amo name diho, dia lau egu ura hari baina karaia.
39
Ina na lau e siaigu tauna ena ura, lau na ta basina ha-boioa daidia be lau eme henigu, a lau ese do baina torea-isi nega dokonai.
40
Badina be ina na Tamagu ena ura, daika ese Natuna baine itaia bona baine kamonai henia taudia iboudiai na mauri hanaihanai do bae abia bona lau ese do baine torea-isi nega dokonai.
41
Bena Iudea taudia ese ia ena hereva dainai e maumau henia badina ia eto, "Lau na aniani guba amo name diho."
42
Bena idia na e hereva eto, "Ina Iesu na dia Iosepa natuna, ita na mai dibada tamana bona sinana be daidia, a? "Edena dalai ia na harihari e gwaumu, "Lau na guba amo name diha a?
43
Iesu ese e haere henidia eto, "Ena sibomui padamui ai o maumaumu na aha-dokoa."
44
Asi tauna ta lau dekegu na basinema ela bona Tamagu daika be lau e siaigu tauna ena amo baine henigu, bona lau ese do baina torea-isi nega dokonai.
45
Ini na peroveta herevadia vada e torea eto, "Bona taunimanima iboudiai na Dirava ese do baine hadibadibadia." E kamonaidia bona dibadia herevadia Dirava ena amo taudia iboudiai na lau dekegu e maimu.
46
Tau ta ese Tamada na do se itaia, to ia daika be Dirava ena amo - ia ese Tamada vada e itaia.
47
Momokani vaitani, na hamaoromuimu, e kamonaimu tauna ese mauri hanaihanai do baine abia.
48
Lau na mauri anianina.
49
Umui tamamui ese manna e aniva tano gagenai bona idia na e mase.
50
Ina aniani na guba amo eme diho, bena unu amo tau ta ese do baine ania na do basine mase.
51
Lau na una mauri anianina guba amo name diho, bema tau ta ese ina aniani baine ania neganai, ia na do baine noho hanaihanai. Lau ese do baina henimui anianina, ina tanobada baine mauri dainai na lau hidiogu.
52
Bena Iuda taudia na sibodia e hepapa-ahuahu e gwauva, "Ina be edena dala ai ina tau na hidihona baine heni bona baita ania, a?
53
Bena Iesu ese e hamaorodia eto, "Momokani vaitani na hamaoromuimu, umui ese Taunimanima Natuna hidihona basio ania bona rarana basio inua neganai umui sibomui ese mauri na basio abia."
54
"Lau hidihogu baine ania bona raragu baine inua tauna na mauri hanaihanai baine abia, bona do baine tore-isi nega dokona ai.
55
Badina be lau hidihogu na una aniani korikori bona raragu ai na inuna korikorina.
56
Lau hidihogu baine ania bona raragu baine inua tauna na lau lalogu ai baine noho, bona lau danu ia lalonai."
57
Tamada e maurimu ese vada e siaigu, bona lau na maurimu badina be Tamada dainai, bena daika ese lau hidihogu baine abia, ia danu do baine mauri badina be lau daigu ai.
58
Ina na mauri anianina guba amo vada eme diho, dia tamamui ese e aniva bena e mase anianina. Ina aniani baine ania tauna na do baine mauri hanaihanai.
59
Iesu ese ini gau na e herevalaidia synagogue lalodiai eha hedibava negadiai, Kaperanauma ai.
60
Bena ena hahediba momo ia murinai e rakava taudia ese ini hereva e kamonaidia bena eto, "Ia ena hahediba herevadia na auka, daika ese do baine abidia-dae toma, a?
61
Badina be Iesu na sibona e diba vaitani ini hahediba memero edia maumau bena ia ese e hamaorodia eto, "Ini ese eha hekwakwanaimuimu, a?
62
Bena ina na dahaka, bena umui ese Taunimanima Natuna ba itaia baine dae guba ai guna e nohova gabuna, a?
63
Ina na Lauma daika be mauri e havaraiamu hidiho na gau ta se namolaiamu. Ini name herevalai henimui na lauma herevadia, bona idia na e maurimu.
64
A doini umui haida ese in hereva na asio kamonaimu. "Badina be Iesu na matamanai vada e diba daidia be ini hereva na basie kamonaidia bona daika be ia taona do baine tore.
65
Bena ia eto." Bena una dainai lau ese na hamaoromuimu tau ta lau dekegu basinema ela bona Tamagu ese baine duanaia tauna mo.
66
Badina be una dainai, ena hahediba memero momo na e rakatania bona murinai danu asie raka.
67
Bena Iesu ese ena hahediba memerodia gwauta ruaosi eha maorodia eto, "Umui danu asio uramu ba raka oho, a?
68
Simona Petero e haere eto, "Lohiabada e, ai be ma daika dekena baiala, a? Mauri hanaihanai hereva-dia na oi emu ai mo,
69
ai ese ame kamonaidia bona ama ame diba oi na Dirava ena Helaga Tauna."
70
Iesu ese e hamaorodia eto, "Lau ese umui gwauta-ruaosi na asi na daunaimui bona umui ta na diabolo, a?
71
Ia na Iuda Simona Isakariota natuna, badina be ina na ia gwauta ruaosi padadiai daika be Iesu taona baine torea.
Translator: Ret/Dk. Lohia Gari
Completed on Thursday (29/05/23), time: 3.45 pm. Ready for quality checking