¹ Sui anei gama iye ila'ya iyen hina nu hul yalama'e úramana iyaho nun nii ga hul yalama'e veran iyaho nu ga nu nun nii ga iji hu sapval iye veyo. Agaho ila'e majama himhun. ² Majama himhun iyaho nu haha bagaval 'vo nu gamhu lejum bu gaval. 'Enale ya 'walavo. Iyaho mayama omahe'in ahulmi hinani 'ua hu lom nú gaval. ³ Yalama'e nu he yal iyaho nú ya 'walavo. Em ga ya núl'e maamaa vemhun. Iyehun Omahe halipa Yesu Kerisola'e ahulmi maamaa vejul. ⁴ Nu nugu'a geya veyul nú yul'eahulmi sa'ai vemhun. ⁵ Agaho nú hun ila heyal iye ya 'waliavo Godiho hami yene hun vai yaho hu muguluha bane. ⁶ Nú hul'e ahulmi maamaa 'i'ivo nú mugulu hi ulahi oyul iyaho nú at'eve 'aivo nimagi yaho nú bave yule. ⁷ 'Eni'ivo nú hami hi 'ulahe oyul iyaho alesi hul hami hiulahi onun iyai'in nú'o e'a ho'o bu'in maamaa veyul. Em Yesuga'e hun halip iyehun 'ubali yapa nun sise maho'o so'ovom balinan. ⁸ Nú maho'o sise bani 'uavol iyaho 'onún 'at'ala aivol iyave yul iyehun magiyaho nún vaya ba alamo. ⁹ Eni yehun nú nun sisegi ye hu nahami 'wala'aval iyaho hu baujupui'in hu ali yehun hu nún sise vwihinú ale nún sise so'o múpa balim hune. Nu iya 'walavul iyaho nú sise bave yuli 'walavol iyaho nú ve'e il 'at'in leyuga hun ila nún vaya ba alamo.