¹ Rogi dokonahe, ni ogo nanuhe ya, ni uhura aubougi noki ya imigeva Rohi Bauge Iesu uhura. Ya ni gare ihare renu yana orenaki ogiare renu Dirava mage gahisa, renu onaki yama ogisa, eige yaka me dadaga kisa. ² Yaka dibana otado gavana no ronu Rohi Bauge Iesu ihehe. ³ Badivara ora Dirava ura vera, aena vara, yama ni muduka meva gasina gahisa, ⁴ ya kobakoba yaka dibanara, yana orenaki yai aena meve kikivanu Aenava renu matauva, ⁵ beta ni muduka uhura ( itahe gahava ya nagate Dirava dibane veite ).- ⁶ Koita be negu au ogo nane daure gahime, guma daure onakiki vehe. Badivara Rohi Bauge ramu ho goima onaki me o yau, nokamu ya vasiba gahigevenu renu yaki riaga gahanu. ⁷ Badivara Dirava ra miro uhura no ihiro gegei veitera, eduge Aena va gera. ⁸ Eige, unuhuna ga o besibe gahima, beta koita yabara auki gasina gahi geima, eduge Dirava ra, aukaki au Horu Aenave a moimanu. ⁹ eduge odo nana mageva uhurahe, bera beta ai ga besubevara, badivara yaka Dirava gare dibanara, bebe mage gahigeige. ¹⁰ Riaga, yama ona kisa ogonana yau bouge yau Macedonia uhura. Eige noki ya hero gahigeva, yama hero ki raho gahisa. ¹¹ Noki mati ya hero gahigeva, yaka guraha mage ragohisa, yai meve kamui mage gahisa, renu gege kisa, no yaki rogevene nagate. ¹² Eige yaka ogigi mage ragohisa eige itahe gahava yabemu dibana gahisa renu beta uhh anana be ragohisa. ¹³ Noka besibe ragohime noki, yaka bebe daure gahi geisa, ni ogo nanuhe ya, yagiya koitava nagate ya, yaka beta huhu nagohisa beta nagate, yauka beta mage be Mimi. ¹⁴ Eige noka riaga gahime noki Iesu ramu hoge ragare renu magurivi goi raganu, eige Dirava na Iesu ruta hoge ragohane with goiragisa. ¹⁵ Eige noki Rohi Bauge gavehe ai roia, no maguri gaha ya, noka au orogare ei, noka beta urugoi otine ya hanegei gevara. ¹⁶ Rohi Bauge na avahu vava seni orogisa. Auka barai ororovara, aneru bauge enogehe, Dirava avagehe, eige Keriso uhura hore ragohane yabena urugoi urihisa. ¹⁷ Eige no maguri gaha, no so magurive ya, yabara yau ruga bada va uhura bou ragohi mage gahisa auhe. Guma oige nona vani aubougi au ruta gahisa. ¹⁸ E dainehe, yama bebe mage gahi geisa ga o yau.