¹ E dainehe, au berere goine, ni ananavera noka Athens garehisa. ² Noki Timothy besuganu, ni ogo nane, renu ni me bamode, Dirava hari mageve dainehe Iesu ihehe, a hero gahisa, vehe renu ai yauka goisa, ai gabidadama dainehe, ³ Eige koita bera beta daure uhura goigovara. Eige yaka, yai yavahu dibanara edainehege yauki no ihiro gevenu. ⁴ Riaga, no bada uiegei, urugoi ge noki aki ronu, noka huhu uhura siri ragohi ravara, eramu vara vanu, era aka dibanara. ⁵ E dainehe ge, da hero veite goine, daki besubesu vanu, daka ai gabidadamave dibana goisa. Di hore ramu mina ai hore goinu, me raho varamu o orogima. ⁶ Eduge Timothy ramu o oroganu, ai hari mageve renu ai gabidadamave renu ai mageve ruta. Akamu noki rogevenu a no anagevare, renu aka urai no era geisa, no gaitage a erara gahara ragoha. ⁷ E dainehe, ni ogo nanuhe ya, yaki no hero gahi gevenu yai gabidadama vehe, ni huhuve renu ganagave ya uhurahe. ⁸ Nokamu o maguri ve, Rohi Bauge ruta dainehe. ⁹ Nona orenaki Dirava mage gahigavanu ai dainehe, no Dirava hegiri gahare ai uhurahe ? ¹⁰ Vahi renu vani noki imimi berebe ragoha noka ai nie eragisa renu nona orenaki a yahegisa ai gabidadamave meva uhurahe. ¹¹ Ni Dirava ve renu ni Mame au avahu, renu ni Rohive Iesu, ni gumage kisa noka ai gasina orogisa. ¹² Ni Rohive na a yagemisa renu mage moimisa eige koita yabara bebe mage gahigeisa, no a mage gahare nagate. ¹³ Aukena yai uhure hero gahigeisa eige yaka beta huhu be uhura usa au aenave uhura, ni Dirava ve renu ni Mame au ihehe ni Rohive Iesu orogare ei au koitatuhe aubougi ruga.