¹ Nomamane, poiqa nanaho quwa pupu hiwale, hilemi Sopalaho noo aiyanoke dadanga ma dumale oho qesai paha nanada bilanadale. ² Pupu hilemi nanai ibaiya abidupu olama qala qanga anga nomaho bododa bilanadale,oi minalai aidadauma noma bamu. ³ onihe Sopalai menomani, noi halamake nikeke dukudaqa iboho neveda nikeke sopala edako. ⁴ Nanai momi nikei Sopalada abinaga dadangani, onida nanai quwa apeke hilolai oke nike ipibile edolako. ⁵ Meke Sopalai nikeho qupa powidehima Ohongaho jao nike ma olale ipibile nikema olale. ⁶ Nomamane poiqa ana noo dadanga hile,Sopala napame Yesu Kilistuho japada hile.Nikei abinaga apei senoma gaunadolai, ma qalaqala apeke nanai nikeke banaideda, oke hihamani oke khalaidale. ⁷ Nike nikemae ako oke gesinani, nikei nanaho hiwa ma eda oke moqa ihale. Nanadeho nikeho bisada abinaga huihai nomaho isaki olalo bamu. ⁸ Nanadeho abideho patake tuma amake munalo,onihe nanai qupia ma edewa ke baula hemenoma ma bamenoma ke juwada, onida nanai bamu nikeke bame moidaqu. ⁹ Nanai lake ededa oi deho nanai abinaga beyae amaho isakiniyalo. Onihe,nanai pomalake nikeho quwake hile ededa, onida nike oke moqa ihale. ¹⁰ Boiya nanai nikema oda, nana ako nike powilhileda "Abi dei baula gotahe edaquko, noi bamu pata munaqu." ¹¹ Nanai nokami abinaga qesai nikeho bisada baula gotahe edolai. Nokoi baula edamani onihe nokoi abi desudesuni. ¹² Abinaga onomake nana noo dadanga hilehe Sopala Yesu Kilistuho japadahe nokoi kewama japa salia pata nokomeke munale. ¹³ Onihe nike nomamane, nike edoqa pepe ladeqa baula powipowi edolaike qadaino. ¹⁴ Abinaga dei napaho noo, geena qedolaike neese ihale, boleino noko ma gainene edaino, qade noko mia edale. ¹⁵ Nokoke iboho isakida ibo edainohe, nokoke noma ma naneho isakida sinawia hiwale. ¹⁶ i6 Ade Sopala nomaiho hasu ma kewa nike sopala edeqa olale. ¹⁷ Lai naho aipoho gee, oke ana, Paulo, bodonamema qede, oi gee samaneda olai.Oi poma onomada ana paha qede. ¹⁸ Sopala Yesu Kilistuho hasu nike ma olale.