¹ Poiqa napaho Sopala Yesu Kilistiu bawaqu napai gama noma tutuladako,nana nike nomamaneke qasa hile, ² nike edoqa hailamake qupa mawe edainohe sumasai moidema, abidei baqi noo hiwaqumai gee dei sama nanada baqolaiho isakihe,Sopalaho boiya ango bawe. ³ Edoqa qade abi dei pomadeda nike ikowedaino, oi oho boia bawamake abi quwaminai Ohonga qadeqa khalada dumako, ede abi huu noo bai hilolaiho abi pananadako. ⁴ Noi abi ibo edaqa samanome qusuwaideqa abinaga Ohonga kee namapupu edolaike baihiwako.Ohomei noi Ohongaho guhu nakuda oholaqahe, anai ohonga owelowani hiwako. ⁵ Nike oke qupajomale, ana ango napa oqi nike powihileda, nike qupajomema? ⁶ Poiqa nikei oke gesinani, quwapei noke puisilemi olaqu, oi qama noho boia bawako. ⁷ Onida huu noo ke baihilolai oho pomai oi ako jukujuku da baula edolai, abidei noke puisilemi poiqa olai, amake noke howile baqa pananadako. ⁸ Onida huu noo basesa edolaiho abi oi pananadako. Abi oke Yesu Sopalaho dooho padi qauna noke dede badako.Noi abi oke bamuidako, Sopala noi babaqu boiya da noi noo nomeho beyae ma noke bamuidako. ⁹ Abinaga huu noo bai hilolai oi Sadaho baula abi beyae ma pananadako,kinisa ma owaowa owelaowela edako ¹⁰ owelama qalaqala anga edako. Qalaqala anga oi abinaga apei badaho dede iholaiho powini. ¹¹ Oho mei noko gamaqa Ohongaho bada biada qemako. ¹² Oho mei nokoi gamaqa Ohongaho badabia da emako, apei noo meke deqaho aidadaumalo, onihe nokoi qalaqala owelaho jaoke ededa. ¹³ Onihe nanai boiya samane Ohongake nikeke nikeho quwa hile jowe hilolai,nomamane apeke Yesui jasa nomeda aimada.Oi Ohongai jasa nomeda aimada.Oi Ohongai nikeke asadeqi jawena edeqi aimemi Qaheuwa Sumasa ma noo mee aidadauma. ¹⁴ Noi nike sinabia hilola oda kila hilemi olai, oke edemi nikei Sopala Yesu Kilistuho ma beyae ma agoago olako. ¹⁵ Onida nomamane name qola dadanga nadeqa meke aimanipamuke edale,sinasina apeke ango banaideda oke, nooda hileda mai,geeda qededa. ¹⁶ Onida napaho Sopala Yesu Kilistu nomae, ma Ohonga Mai napaho jasa edeqi, qalaqala dadanga qiya ipina babaqu, ¹⁷ oke khalua dedeqi paha baula qia oke hiwahiwa ma edaeda oda minaida qalale.