¹ Paulo,Siliwana ma Timote qemo Tesalonika guhu ma nagapa na Ohonga Mai ma Sopala Yesu Killistuho abi dupu olai. ² Ohonga Mai napaho ma Sopala Yesu Kilistu ho baluna hena ma hasu nike ma olale. ³ Nana nike nomamane naname, oho quwa hile Ohongake jowe hile. Oi lai powinoni, dehoquwabahe niikeho aidadaumai peidake edola, ma jao niikei qesaho quwa edolai oi bidodola. ⁴ Onida nana nanamae niikehoke bisa nanameda qakiqaki noo Ohongaho guhu samaneda hilolai.Nanai niikeho samakewa ma nikeho ⁵ aidadauma bame boyana olaike hilolai.Nanai nike bame saliolaiho kee ihe hiloai.Oilai Ohonga malipa powipowike panaidolai. Nikeke mohimi nikei abinaga japapowi noma Ohongaho baulaquwa bame saliyolai abinaga. ⁶ Oi meke Ohongai powinonipamuke, bame gabula abinaga apei nikeke bame moidolai oke saliyako, ⁷ edaqa nike apei bamena olaike saqolako. ⁸ Eepa gawi minama noi beyae ma abinaga apei Ohongaho noo nokamani ma apei Sopala Yesuho noo ihama oke nukulako. ⁹ Nokoke hailamake sudasuda dadangake moide nokoi Sopalaho jaiya ma koina beyae nomaho sasada bada dadanga saliyako. ¹⁰ Noi bawaqu boyada aidadauma abi noho qaki salyako ma baula agiagi oi aidadauma abiho quwa bilanadako. ¹¹ Onomaho quwake nana nikeho quwa pupu hilolai.Nana pupu hilemi nanaho Ohongai nikeho kila hileda oi mina ma japanoma qalako.Nana pupuhilemi Ohongai mee hilemi quwamina aidadauma ma qalaqala qiya oi beyae ma qalako. ¹² Nana pupu samaneke hilolai, onida Sopala Yesuho japake nikei panaidolako.Nana pupu hilemi noi paha nikeke japapowi nomaidolako, quwadehobahe oi Ohongaho balunahena ma Sopala Yesu Kilistuho balunahena.