¹ Nanamei na ke mane aisona,embo Asisi ta pure ari embomei ta dei.Awarate,hinafeina ehaha Iesu ta jota mihewa amita deita. ² Nanena emone ikehena indi jo,eto indari ngaiha avo ikaera amita be imo avo arisago aera,eto oroho avo arisago ae bera. ³ Ungo ando visi ta mihewa,ungo embo nenei aravo kito sije mihewa,ue ainhe eto pambae embomei nenei te. ⁴ Na ne pol ta ra eto ne mo aisuja ''Na ne Apolas ta ra.''Imo ne ando visi te ra avo kijo? Pepeta eroa embomei nenei te. ⁵ Apolas amo amina ne? Eto Pol amo amina ne? Age au pure ari embomei ungomo humota ue ke be are. ⁶ Nanena kovehena,Apolas na umo ikasuja,eto Mamaha na simba erurou pajiresu ja. ⁷ Awara te embo amina kovasuja eto amina donda perari umo aisuja amone Mamaha ne ari pajirari ta susura. ⁸ Oroho embo amina kovasuja eto amina donda perari umo aisora amo vahi,eto vahi vahi amo ungota pure ngaiha ehera ta mina umbasora. ⁹ Ungote na avo Mamaha ta pure ari embomei ,eto Mamaha ta pure bakowarira eto Mamaha na embo nenei avo donda umo ikihoro ji avo eroja je eto Mamahe ta pure avo ihoraje ikari ra. ¹⁰ Mamo Bada ta jo ari nau dei ikena avo siro kiari ikena mande kiari nei ihona je ikena,Na ikaisona avo tutuvi eto nei na mande be avo ehosuja.Ate tojo ungo amina mande ihosora avo be kito kogo ue pure avo are,na do ehena areita. ¹¹ Embo amina mande ikihaja eto ehako asawahi aita ikena.Awarate,Iesu keriso na ikasuja asamahu araita. ¹² Oroho ungo amina mande ihosowa avo karuma,eto donda nenei ewasakawasa amita hamota. ¹³ Wahi,wahi amita pure avo be be aisuja,eto iji ta usasa ainge dombo be arafa ta keisora,jiavo na harika suja,nei avo jiavo na eveka suja.Wahi amita pure ariarvo heka iketo keisije. ¹⁴ Embo vahi amita pure evamei eto ikari kambari toho ta dei iresuja amo ewamei umbasuja. ¹⁵ Awarate embo amina pure samuna ehija kito,imo ji vevera na tohota pure avo ji vevera na evekasuja,eto samuna hubasuja ate ehako ari kojari avo humbasuja jiavo evekiha amita jota. ¹⁶ Imo ere kevoete imo re Mamaha ta mande ra,eto Mamaha ta asisi amo umohena ta iresuja? ¹⁷ Embo amina Mamaha ta mande avo au samuna aisuja kito Baba nu dei samuna aisuja .Mamaha ta mande amo hotopu ra imo avo mamaha Bada ta mande aravora. ¹⁸ Nenei na toae embo vahi amina ke sokova arojo eto embo amina hotembasuja avo donda perari pusu ta avo kiari keau ingito imo kawa embo inge ejo.Embo ta aho poekari ubu to embo evasaiwa aisuja. ¹⁹ Tupo kiari eto siro kirari pusu perari ta ane,Mamaha Bada ta kiari amika inono aira.Kajihe ra,''Unena jigesuja tupo kiari eto siro kiari avo Mamaha Bada na usipesi aisuja.'' ²⁰ Eto ehako erena,''Bada ,erekevuha,siro pure embo siro kiari embo,avo mana be,mana irosora.'' ²¹ Awarate,imo mane javo nu avo jigou vihesuja te,do perari amo ne ungotara. ²² Pol rete mo,Apolas rete mo,Kipas rete mo,pusu perari ta wasiri rete mo,pehari rete mo,donda oroho ta rete, donda ehako puresuja avorete. ²³ imo amo Keriso ta,eto Keriso amo Bada ta jota ra.