¹ Na ingota deita puvuhena, nameikamei, ane ke evamei do avo aisi purae eto hotebari evamei do avo humbuto puraera te Bada ta hihi avo humbuto puena. ² Na ingo dainge miheve avo keisae ate Iesu Keriso eto tohota pehari amita hihi avo ingisona . ³ Igotena perari sasamuna embomei, eto oju embomei, jahajaha embomei na. Nau pinga evi erena ane soverate eto hotembari evamei embo perari ingito eto humbuto ambo ambo aisova eto asisi hotofu ta sovera avo wasirita au ijekasuja, ⁵ au ingota humota ari kebe ari avo mane pusu embo ta dei ikasova te Bada ta sovera avo kebe asora. ⁶ Oroho ingote hotembari evamei avo ikasora embomei jo gainhate amita deita ate keari humbari ifo orohota amita siro arai ikasae eto pusuta papajikari amita hotembari arai ikasae amita be ane embo mei avo pepehekasora. ⁷ Ate ingotenane Bada ta hotembari kea iraguja heka ikari sago ae mahu ikihja ingote nanena humbarakeje ikihija. ⁸ Pusu ta embo papajikari na ke erevi hotembae sumbae uera Ingona ke erevi evameri eto hotembahera kifo,Iesu mane oreka ta tahera. ⁹ Ate ke kajarita miha avo,''Tihi mo doi na kea uere,eto onje mo doina ingae uere,eto ke erevi embota jota eto ijikaena.Donda perari Bada na sija ena ane embo mei imo tunga humbuhora amita ra.'' ¹⁰ Bada na asisi hotofu sigama eto enu imo inganau derita arafa ena.Asisi hotofu na donda perari irae jojombu ena eto Bada ta irari dei perarite. ¹¹ Ingote nau jota embo mo amina embo ta sirojo mo keagoi,iraera,ate embo amita tohota asisi amina keaguja.Embo kito embo nei amina Bada siro jo ane keare ate ane Bada ta asisi amina keaguja. ¹² Ate ingotenane pusu emita asisi avo humbaera te asisi Bada ta avo humbuhera,ane donda eva kaeva Bada na inganau ere ikiha avo au arafa au ingana keisora. ¹³ Eto ingote na ne ke eto hotembari pusuta avo aera te,ke eto hotembari asisi ta avo embo mei asisi ta mihera amita dei pure eauguja. ¹⁴ Embo mei hamo visita mihera amina donda Bada ta asisi na ikiha amo mane humbasuja eto ingo Badata tombu ta embo sasamuna embora.Bada embomei avo mane evamei eto humbasuja amita be ne embomei ane asisita popora arira. ¹⁵ Embomei amina Ahihi hotopu humbakuja amina avo donda perari avo evamei eto dehemba suja,ate embomei nenei Asisi avo irae amina ne mane be aisora. ¹⁶ ''Eto embo mei amina Bada ta siro hotembari avo keisuja kito,avo amina umo ujuka evamei aisuja?''Ate ingotena Iesu ta siro hotembari amika mihera.