लिउ ६
1
थुमा कि ज्ये दिन नेवा च्यिक्ला टालुप् ङे कि थोङ्सुङ्, तेमे ति उ हतुप् तिबि नाङ्नेसुर दक्पु च्यिगि ‘स्यक्’ सिनिते होरु छार्बुला ङेकि कोसुङ्।
2
ङे कि ल्हाविन् त्या ता कार्मु जिक् नक्। तिकि खाला ज्येकु तिकि दा.ज्यिक् खुर्निते नक् तेमे तिकि उस्या कोनिते नक्। तेमे ग्यालुप् तिकि दगेराङ् क्यानि ते ति ग्याल्वा किरुप्ला लेसुङ्।
3
तेमे थुमाकि ज्यार्मा जेः टाल्सुङ्, तेमे ज्यार्मा तिकि ‘स्याक्’ साबु ङेकि कोसुङ्।
4
तेमे ज्यार्मा मे.ताङ् क्यानि हतुप् ता.थेनिते लेसुङ्। तिकि खाला ज्याकुप् तिकि जाम्बुलिङ् नेसुर दिमु खुर्निते डप्ला कुनक्। तिकि किसाला, ति मि तिबिकि दा-दाक्पु सेरि किउ। ति ता. खाला जेबु तिला तरवाल बोबु च्यिक् बिन्नक्।
5
थुमा कि सुम्बा जेःतिला टोल्सुङ्, तेमे सुम्बा पाला, तिकि ‘स्यक्’ साबु ङेकि थोङ्सुङ्, तेमे ति तेःखाला ज्येबु तिकि खरे लाक्पाला स्याङ् ङि चक् जिम्नि नक्।
6
ङे कि पालाङ् स्यि चक् कि पार्नेसुर् होरु दगे च्यिगि साबु कोसुङ्, “ङिमा च्यिगि ङालाक्ला किलो च्यिक् टा. तेमे ङिमा च्यिगि ङालाक्ला किलो सुम् जौ। हिन्सिराङ् नुम् ताङ् गुडुम् दिङ्बुला ति नाऽ मातोङा”।
7
थुमा कि सिवा जेला टोल्सिमा, पालाङ् सिबा तिकि ‘स्यक्’ साबु ङेकि कोसुङ्।
8
तेमे ङे दि ता. सेर्बुला थोङ्सुङ्। ति तेः खाला ज्येकुप् तिकि मिन् ति सिवा नक्। तेमे जाम्बुलिङ् कि तिला तिङ् ङ्याकि नक्। तेमे तिबाला जाम्बुलिङ्ला हतुप् बो स्यिला बो च्यिक् ति तरवाल थनिते सेतुप्, अनिकाल् ताङ् नेर्पि खाला, तेमे जाम्बुलिङ् कि रिदाक् तिबाला सेतुप् दाक्पु बिन्सुङ्।
9
थुमा कि ङाबा जेला टाल्सिमा, तेमे ल्हामुहक्ला कन्ज्यक् कि सुङ् ताङ् तिकि कला सेतुप् मि तिवाला ङे कि थोङ्सुङ्।
10
तिबा होरु छार्बु तेनिते च्यार ग्याप्सुङ्, तेरिक्कि ग्याल्बु, चेङ्ङे ताङ् हुतुङ् कि, ख्योरुङ् नाम्साक् ङिरे टागि किन्बा मालाङ् तेमे जाम्बुलिङ्ला सेन्बु हतुप् तिबाला टिम् मेतेर?
11
तेमे तिबा तेरिक्ला माज्या कार्मु बिन्सुङ्, तेमे तिबा तानि यक् किरुप् याक्पु तिबा ताङ् तिमि उज्यु नुक् तिबा ताङ् इजि नुम् तिबाला तिबा दगेराङ सेनिते छेवुक्यानि ते तिबाला गुसुङ्।
12
थुमा कि टुक्पा जेःला टोलसिमा, ते साइ बोबु ज्यिक् गालुप् ङेकि थोङ्सुङ्। ङि मा ति ल्हेकि माज्या दगेराङ् नाक्पु तेमे उल्का ति ठाक् दगेराङ् मार्मु गालुप् ङेकि थोङ्सुङ्।
13
अन्जिरकि दिङ्बुला लुङ् छ्यार्बाकि युनिते माछोबु डाल्बा तिबा लुबु दगेराङ् देःवाचेन् ला हतुप् कार्जेन् तिबा जाम्बुलिङ् ला लुम्सुङ्।
14
क थेप् दगेराङ् क्यानिते नाम् दि टिल्निते लेसुङ्, ति दि च्युनि हतुप् नक्। तेरिक रि ताङ् गाङ् तिबा दासानेर टाल्निते गाल्सुङ्।
15
तेमे जाम्बुलिङ् ला हतुप् ज्याल्बु तिबा ताङ् म्याता म्याङ्गुप् मि तिबा, मि याम्जुङ् तिबा, छ्युक्पु तिबा, ङार हतुप्, तेमे यक्पु ताङ् पिताङ्बा तेरिक् मि तिबा गाङ् ताङ् रि तिबि पार्ला तेमे फुक्पि नाङ्ला हिप्सुङ्।
16
तिबिकि गाङ् तिबा ताङ् दो बोबु तिबाला सासुङ्, “ङिरे खाला लुम्! ग्यालबि ठिला ग्यालुप् नेसुर ताङ् थुमा कि ङ्यार्मा नेसुर ङिराङ्ला बानि ज्याक्,।
17
तिबि ङ्यार्मा छार्बु किरुप् कि ङिमा लेम्नि सुन् तेमे त्या सु छ्यार्थुकि?