लिउ ७
1
तितिङला जाम्लिङकि शुर शिगारला मिरा श्यि देवाचेनकि थुतिवा लानि वतुप ङेकि थोङसुङ तिविकि जाम्लिङलि वतुप शुर श्यिगारकि लुङ तिवाला जिम्नि नक । तिकि किसाला जाम्लिङलिकि ग्यम्छेनकि चिन्दिङ दोङबु तिविकि दामक मुयुक्सित ।
2
सेन्बा कन्ज्यककि ज्ये खुर्नि राङसा देवाचेनकि थु श्यार नेसुर हुङिन वतुप ङेकि थोङिन , तिकिदि जाम्लिङ ताङ ग्याम्छो तिवाला (हानि) किरु (अनुमति)ङेदु मेरा श्यि देवाच्येनकि थु तिवाला बोबु वोरुकि कारे किइदङ दुक सिक्यासुङ,
3
अरे कन्ज्यककि यक्पु तिविकि टालाला ङेरेकि (मोहोर) माग्यागु साक जाम्लिङ, ग्यम्छोताङ दोङबुतिवाला मेलेववा माकि ।
4
ङेकि ज्ये ग्यापुप बुङचिकताङ खालङिताङ श्यि तङडाचिक कोसुङ , तिवादि तेरिक इस्त्राएलि गिपा नेसुर ज्ये ग्यापु नक ।
5
यहुदाकि गिपा नेसुर च्युपङि तङडाला , गादकि गिपा नेसुर च्युपङि तङ्डाला ज्ये ग्यापु वे ।
6
आसेरकि गिपानेसुर च्युपङि तङ्डाला , नाप्तालिकि गिपानेसुर च्युपङि तङ्डाताङ मनश्शेकि गिपा नेसुर च्युपङि ज्ये ग्यापु वे ।
7
शिमियोनकि गिपा नरसुर च्युपङि तङडाला , लेबिकि गिपा नेसुर च्युप्ङि तङडाला , इस्साखारकि गिपा नेसुर च्युपङि तङ्डाला ,
8
जबुलुनकि गिपा नेसुर च्यपङि तङडाला , योसेफकि गिपा नेसुर च्युपङि तङडाला ताङ वेन्यामिनकि गिपा नेसुर च्युपङि तङडाला ज्ये ग्यापु नक ।
9
दि काच्ये तिविकि तिङ्ला ङे ल्हाविन , तेरिक मिरिक , गिपा , मितिवा ताङ तामतिवाकला सिकिसाङ ङो नुथुबु चिक बोबु माज्या कार्मु कोनि दाकदाक्पि लाक्पाला खजुरकि यसलाम खुर्नि ग्याल्ठिककि कुगि गमाला लान वदु नक ।
10
तेमे तिविकि छार्बु वोरुला कातोङिन वतुप नक ,"थार्वा ग्याल्ठिकला वतुप अरे कन्ज्यकताङ लुक सु हिन ।"
11
तेमे तेरिक देवाच्येनकि पालाङ श्यि , एल्डर तिविकि नाङ्श्याङताङ ग्यल्ठिकि नाङश्याङला लानि तिवा दाक्पुराङ श्युक ङ्याल्नि ग्याल्ठिकि गमाला दाक्पि च्याङ कुक्सुङ । तिविकि दुकि सिइदाङ कन्ज्यककि सोवा क्यासुङ ।
12
"आमेन । ओरे कन्ज्यकला सवाँ , रिक्पा, थुच्यिछ्ये ,ङार नाम्लाङ वसित , आमेन ।"
13
तितिङ्ला एल्डरतिविकि नाङला मिचिगि ङाला टिसुङ ,"दि माज्या कार्मु कोदु तिवा सु हिन , तिवा केन्सुर लेबु हिन ?"
14
तेमे ङेकि ख्योला सिक्याबिन ,"लासो ,ख्योरुङराङ वे ," ख्योकि ङाला सिक्यासुङ दिवाराङ हिन बोबु दुक्पा बेसुर लेबु तिवा । तिविकि दाक्पि माज्यातिवा लुगिकि ठाकला टुनि कार्नु जोबु वे ।
15
दिकि किसाला , तिवा कन्ज्यककि ग्याल्ठिककि गमाला वे , तेमे ख्योकि ल्हाकाङला तिविकि ङोननुप ख्योकि सोवा किउइ । ग्यल्ठिकला ग्याल्बु किरुपकि खिरे खाला दाक्पि कोनज्येन कोनग्युइ ।
16
तिवाला लोङङ्या ल्हब मालाङुइ , तिवाला लोङङ्या कबा मालाङुइ। ङिमिकि टो तिविकि खाला मेङेउइ , तिवाला चिन्दिङ टोकि मिछिगुइ ।
17
चिला सिसिन ग्याल्ठिककि पार्ला वतुप लुक तिविकि (गोठालो ) हुङुइ , तेमे ख्योकि तिवाला सेन्बा क्ष्यकि (नुहान ) क्षला दाडिउइ , कन्ज्यककि तिविकि मिग नेसुर तेरिक मिकच्युर पुनि तेर्क्यु ।