लिउ १
1
कन्ज्यक् कि ता टिबु हुङ्ङिन हतुप् ताम
याक् तिबि कला छ्या तेदुप् येशु ख्रिष्ट कि कला हिन्। खोकि दि यक् तिबा दाक्पि देवाचेन्कि थु तिबाला ताङ्निते खोकि दाक्पि यक्पु यूहन्नाला छ्या तेदुप् हिन्।
2
कन्ज्यक्कि सुङ् कि कला, दाक्पि थोङ्ङुप् तेरिक् ताम् ताङ् येशू ख्रिष्ट कि कला थोङ्ङुप् ताम् तिबा यूहन्ना कि साबु हये।
3
लुङ्देन्बा कि दि चिक् कोतुप् तिबा, तेमे छार्बु क्यानिते ह्रकुप् तिबा ताङ् कोनिते ताम् ङेनिते साबु दगेराङ् किरुप तिबाला थुनिच्या, चिला सिसिन् तुज्येति चालाराङ् हये।
4
युहन्ना नेसुर एसियाला हतुप् छ्यो छक् दिन्चक् लाःतङ्लाराङ् हतुप, हदासाङ् हतुप, तेमे याङ्लोङ् हुङ्ङुप् नेबा कार्टिन ताङ् ल्होदिमु, तेमे खोकि ग्याल्ठी ला हतुप् मेरा दिन् थू
5
तेमे येशू ख्रिष्ट नेसुर रेत्पा कि दिमु हये, सिवा खाला ग्यालुप् तिबि नाङ् नेसुत तङ्ङिति तमे जाम्बुलिङ्ला हतुप् ग्याल्बु तिवि तिङ् ग्याल्बु; खो ओरुङ्ला ङिङ्जे किरुप् ति तिकि ओरुङ्ला खरे ठाक् थनि ङिरे दिक्पा नेसुर ओरुङ्ला टाल्सुङ्।
6
खो कि ओरुङ्ला सिनिते ग्याकाप् च्यिक् जोबु हये, तेमे खोकि पापा कन्ज्यक् ला सुनिते, खोला नाम्लाङ् स्वा ताङ् ङार होसुत्। आमेन्।
7
ल्होला खो मुक्पि नाङ्नेसुर हुङिन हये। मिक् हतुप् तिबा तेरिक्कि खोला थोङ्सुङ्। तेमे सुरुप् तिबि साङ् थोङ्सुङ्। तेमे खोकि किसाला जाम्बुलिङ् ला हतुप् तेरिक् दिङ्ङाल् कत। दिदक् राङ् हुङ्सित्, आमेन्।
8
तेरिक् सिना थेन्बुला हतुप् कन्ज्यक् कि, “अल्फा ताङ् ओमेगा, थाल्ला ताङ् तिङ्ङि ति ङाराङ् हिन्।“ तेर्सिला थेन्बुला हातुप् कन्ज्यक् कि सिउ।
9
ङा खिरे उज्यु यूहन्ना ति रिवा माक्याबा येशूला नक, खिराङ् तानिराङ् कन्ज्यक् कि सुङ् ताङ् येशू कि कला खाङ् थोङ् ति सिरुप्ला पत्मोस सुरुप गाङ्ला नक।
10
चावा कि ङिमाला ङा थू ला नक्। ङे तिङ्ला छार्बु क्यानिते तुरनि कि होरु कोतिन्।
11
“तिकि ङाला सासुङ्, ‘ख्यरेकि खाङ् थोङ्सुङ् तिला थेप् च्यिक्ला टि सा तेमे छ्योछोक् दिन एफिसस्, स्मुर्ना, पर्गामम्, थिआटीरा, सार्डिस्, फिलाडेल्फिया तेमे लाउडिकिया ला तोङ्ङा।
12
दि सि होरु हिन्बे सिनिते ग्युर्निते ल्हासुन् सेर्कि दासा चिन्यक साम्दान् थोङ्सुङ्।
13
सामदान् कि पार्ला माज्या रिङ्वि तिङ्बासाक् ख्योलुप् किनिते छेकला सेर्कि कारा च्यिबु मि पुज्युङ् दगेराङ् मेरा च्यिक् नक्।
14
खोकि गो ताङ् र्हा ति पाल ताङ् ख्हा दगेराङ् कार्मु तेमे मिक्ति मे म्याप्राङ् दगेराङ् नक्।
15
खोकि काङ्बा तिबा मेप्राङ्माला लुकुप् सेर्मु दगेराङ तेमे होरु ति ज्युङ् गेर्पु कि होरु दगेराङ् नक्।
16
खो कि लाक्पा याबाला कार्जेन् दिन्चक् नक्, तेमे खोकि खे नाङ्नेसुर् ङिकार छ्यला नेन्बु हतुप् तरवाल थेनिते नक्। खोकि च्याङ्ङा ङिमि टाक् दगेराङ् बार्निते नक्।
17
ङेकि खोला थोङ्सिमा स्याप्छालुप् मि दगेराङ् गाल्निते खोकि तिङ्बाला जिबिन्। खोकि लाक्पा याबा ति ङे खाला ज्याङ्निते सासुङ्, “जिवा माकि”। तङ् ताङ् तिङ् ति ङाराङ् हिन्।
18
ङा सेन्बुराङ् हये। ङा सित्पा हिन्, ल्होसा, ङा सिसिराङ् नाम्लाङ् मिसिबु क्यानिते सेन्बु लानि हये, तेमे सिवा ताङ् जाम्बुलिङ् कि लिमि ति ङा तानि हये।
19
तिकि किसाला, तेमे हादा खाङ् हये तेमे खाङ् हुङ्ङिन् हये, खाङ् थोङ्सुङ् ति, टिसा।
20
ङे लाक्पा याबाला छ्यला ख्यरेकि थोङ्गुप् कार्जेन् दिन ताङ् साम्दान् दिन्गि सिरुप् छालुप् ति कार्जेन् दिन ति छ्यो छक् दिन् कि थू तिबा तेमे दिन्चक् साम्दान् ति दिन्चक् जोम्खाङ् हिन्।