लिउ ३
1
तिङ्माला ङे नुक तिवा, चावा कन्ज्यकला सेम् येङि किसा । खिराङ्ला ताम् चिक्राङ् नाम्लाङ् टिकुप् कि ङाला छेरे लाङ्दे हिन्। दि ताम तिविकि खिराङ्ला च्याङ्से ज्यागुउइ।
2
कि तेवि चने थारे देत्। मेलेवा लाका किरुप् तिवि चाने च्याङ्से देत्। जुबु दुपुप् तिवा नेसुर् थारे देत्।
3
चिला सिसिन् (खतना) ओरुङ्राङ् हिन्। ङेराङ्राङ् चावा कन्ज्यककि थुने सँवा बुलग्यु। ओरुङ्राङ् येसुला (गर्व) किउइ, जुबुला चिन्दिङ् रेत्पा मिकिउइ।
4
तुक किसाला, ङाङ् जुबुला रेत्पा कि थुबु मि हिन्। हुतुङ् सिकि दाक्पि जुबुला रेत्पा किरुप् सेम् किउइ सिसिन्, ति सिना ङा ल्हाक्पा कि थुप्क्यु।
5
ङे ङिमा ग्येकि छेमु (खतना) क्याबु हिन्, ङा इस्त्राएलकि मि तिवि नाङ्ने चिक्, बेन्यामिन गिपाला केबु, हिब्रु तिवि हिब्रु हिन्ः ठिमकि कलादि, चिक् फरिसि।
6
ङेकि ङार छ्ये क्यानि जोम्खाङ्ला दुक्पा बिजन्दुप् हिन्। ठिम कि दिक्पा मेतुप् कि कला ति ङा क्यान् मेतुप् हिन्।
7
ङाला सिनि ल्यामु गालुप् तेरिक् ताम तिवा, ख्रिष्टला सिनि ङेकि तेरिक् मेलेवा राङ् सेम् क्याबु वै।
8
हुतुङ्ला ङा, ङे चावा येशु ख्रिष्टकि येन्देन्कि गेर्पुकि किसा ता ङा तेरिक् ताम् तिवाला मेलेवा राङ् नासाम् किउइ। खोला सिनि ङेकि तेरिक् ताम् तिवा ताङु वै। ङेकि चावा येशु ङे थुप्सित् सिनि ति तेरिक् ताम् तिवाला लाका मेतुप् हिन सिनि सिक्याबु वै,
9
तेमे खोला थोङ् थुप्सित्। ठिम् नेसुर् ङेकि दाक्पिराङ् ङेतुप् दिक्पा मेतुप् ताम ति ङा तानि मेत्। तिसिना, ख्रिष्ट येशुला मोवा नेसुर् ङेतुप् दिक्पा मेतुप् ङा तानि वै, दि दिक्पा मेतुप् ति मोवा किदिमु कन्ज्यकने ङेकि ङेतुप् हिन्।
10
दिकि किसाला, ता ङा खो ताङ् खोकि सेन्बा लाबु ङार्ला श्येवु नावा किउइ। खोकि श्येप् ङाला सिनि श्येप् कि छ्यला ग्युरुप् नावा किउइ,
11
श्येप् तिवि नेसुर् लाङ्गुप् ति चिनक् गिबे सिनि हाक् को थुप्सित्।
12
ङेकि दि तेरिक् ताम् तिवा ङेनि सिन्दुप् वै, ङा तेरिककि केङ्नि वै सिनि सिरुप् ति हुतुङ् ताम् मिन्। तिसिना चिन् ताम्ला सिनि चावा कन्ज्यकनेसुर् दाम्बुप् हिन्, ति ङेकि जिम् थुप्सित् सिनि ङा ङार किउइ।
13
नुक तिवा, ङेकि दि ताम् तिवा तेरिक् जिम्नि सिन्दुप् वै सिनि ङा सेम् क्योङ्बु मिकिउइ। हिन्सिनाङ् ताम चिक्ति ङेकि जिम् थुबु वैः ङा तिङि ताम तिवा ज्येनि गमि ताम तिवा लेम्ग्यानि लाका किउइ।
14
ङा ख्रिष्ट येशुला कन्ज्यककि तेङि का ताङु क्ष्याक्तक ग्यालुप्ला गमा ड्वप्ला आला लाका किउइ।
15
दिकि किसाला, ओरुङ् हुतुङ् गालुप् तिवा तेरिक् कि दुनक् नावा कि। हुतुङ् खिरेकि लाला ताम् तिवाला राङ्सा क्ष्यकि सेम् किसिन् कन्ज्यककि साङ् ति ताम् तिवालाङ् खिराङ्ला सिनि छ्या देन्ग्यु।
16
तिकि किसाला अरेकि काङ् ङेतुप् वै, ङेराङ् ति ताम्ला राम्बु क्यानि ख्येनि देकि।
17
नुक तिवा, दि किताङ् किरुप् तिवा च्युङा । ङेराङ्ला खिरेकि ङेतुप् पे दगे युगुप् तिवाला ल्यामु क्यानि ल्हो।
18
ति आला मि तिवा सिकि कला ङेकि खिराङ्ला सासाबा क्याबु हिन्, तेमे हादा ङा मिक्च्युर् तानि ङा श्येतिन् वै, तिवा ख्रिष्टकि ग्याङ्श्यिङ्कि डा तिवा दगे युगिन् वै।
19
तिवि मिजिला तिङ्ला थोङ्गुप् ति सिन्दुप् हिन्। चिला सिसिन् तिवि कन्ज्यक तिवि ख्वक्पा हिन्, तिवि कि ङच्छाला तिवि खनाक्पा वै। ति जाम्बुलिङ्कि ताम् तिवाला सेबा किउइ।
20
ङेरे (नागरिक्ता ) देवा चेन्ला वै, कन्सुर् ङेराङ् थार्वा तेरुप् चावा येशु ख्रिष्टला गुक्यु।
21
खोकि ङार नेसुर् तेरिक् ताम् तिवाला चुक क्यानि खोकि गमाला खुङ् थुप्क्यु, तिनकराङ् ङेरे जुबुलाङ् खोकि सँवाकि जुबु दगराङ् च्युङुला ग्युर्नि तेर्क्यु।