लिउ १०
1
येशुकि ति दासा ताङ्नि यहुदियाकि साखाङ् ताङ् यर्दन् ज्युङ् फार्केन्ला गाल्सुङ् तेमे छबु मि तिवाङ् खोकि चाला लेसुङ्। खोकि क्याबु दगेराङ् खोकि तिवाला लोबिन् नक्।
2
तेमे फरिसि तिवा खोला खक्पा ल्हाप् सिनि खोकि चाला लेम्नि टिसुङ्, "काङ् लाला ख्यकि दाक्पि पेर्मितानि ज्येन्दि डेलुप् ल्यामु हिन्?"
3
खोकि खालेन क्यासुङ्, "मोसाकि खिराङ्ला काङ् का बिन्दुप् वे ?"
4
तिविकि सिक्यासुङ्, "मोशाकि पेर्मिला टालुप् श्युटि तेरुप्ताङ् तिला ताङ् तेरुप् का बिन्सुङ्।"
5
येशुकि तिवाला सिक्यासुङ्, "खिरेकि सेम क्योङ्बुकि किसाला तिकि खिराङ्ला सिनि दि ठिम टिबु हिन् ।"
6
हिन्सिनाङ् थोङ्गुप्कि तङ्नेराङ् 'कन्ज्यककि तिवाला ख्यक्पेजा ताङ् पुम पेजा जोबु हिन् ।'
7
दिकि किसाला ख्यकपेजाकि दाक्पि पापा ताङ् मामाला ताङ्नि दाक्पि पेर्मि तानि देक्यु,
8
मेरा ङिकार जुबु चिक् दगेराङ् गिउइ ।' तिकिकिसाला, तिवा ङि मिन्, जुबु चिक्राङ् हिन् ।
9
तिकि किसाला, सुला कन्ज्यककि चिक जोबु वै तिला सिकिसाङ् मेडेल्सित् ।"
10
खो तिवा खाङ्बि नाङ्ला वसिन् लोप्टा तिवि खोला दिकि कला लोङ्या टिसुङ् ।"
11
खोकि तिवाला सिक्यासुङ्, सिकि दाक्पि पेर्मि तानि ज्येन्दि टाल्नि राङ्सा पुम् पेजा तानि ज्येन्दि क्याउइ, तिकि दिकि खाला श्याम्डेन् किउइ ।
12
तेमे तिकि दाक्पि ख्य तानि ज्येन्दि टाल्नि राङ्सा ख्यक्पेजा तानि ज्येन्दि किउइ सिसिन्, तिकि श्याम्डेन् किउइ ।"
13
तेमे खोकि रेङ् नाङ् सिनि मि तिविकि दाक्पि टिक्पे टिक्पे आङा तिवाला खोकि चाला खुङ्सिन् लोप्टा तिविकि तिवाला कारे क्यासुङ् ।
14
कन्ज्यककि दि थोङ्सिमा, खो तिवा तानि ङेर्मा क्यानि सिक्यासुङ्, "टिक्पे आङा तिवाला ङे चाला हुङ्चित्, तिवाला ङे चाला हुङुप्ला माक्योर्, किला कन्ज्यककि ग्याल्खाप् दिनक् तिवि दिराङ् हिन् ।"
15
हुतुङ् हुतुङ् ङा खिराङ्ला सिउइ, सिकि कन्ज्यककि ग्याल्खाप्ला दि टिक्पे पेजाला दगे सेम्ला मिलिउइ, ति हुतुङ्राङ् दिकि नाङ्ला मुश्युगुउइ ।"
16
तितिङ् खोकि ति पेजा तिवाला दाक्पि पाङ्दुला लानि तिवि खाला दाक्पि नलाक्पा ज्याङ्नि मालाम् बिन्सुङ्।
17
खो ड्वप् छोल्सिन् मिराचिक् मि छ्यनि लेम्नि खोकि दङ्ला टिमुङ् चुनि गङ्बा श्युसुङ्, "ल्यामु लोबेन्, मिजि ङेतुप्ला ङेकि काङ् कि गोक्यु ?"
18
येसुकि सिक्यासुङ्, "काङ् चिला ख्योङ् ङाला ल्यामु सिउइ ? कन्ज्यक सिना ज्येन् सुङ् ल्यामु मेत् ।
19
ख्योङ् दि का तिवा श्येक्युः सेतुप् मेङुउइ, श्याम्डेन् लाका किरुप् मेङुउइ, कुन मिकिरु, मिन्दुप् ताम मिसिसरु, जुनाक् मोजोबु, दाक्पि पापाताङ् मामाला ताङ्देन् कितुप् ।" ति मिकि सिक्यासुङ्, "लोबेन्, ति तेरिक् ङेकि पेजा टिक्पे नै क्यालाराङ् मङेदिन् लेबु वै।" येसुकि तिला ल्हानि ङिङ्ज्ये क्यासुङ् । खोकि तिला सिक्यासुङ्, "ख्यरुङ्ला ताम् चिक् मेत् । ख्यरेकि दाक्पु तानि वतुप् तेरिक् गिज्या तिवा च्वनि टेङ्बु मि तिवाला गोनि तेर्गोक्यु, तेमे देवाचेन्ला ख्यरे गिज्या च्युङु। ति तिङ् श्यक तेमे ङाला तिङ् ङ्य ।" दि सिक्याबु ताम ति कोसिमा ति मि कि सेम्ला दुक्पा च्युङ्सुङ्; आला दुक्पा च्युङ्नि त्यासुर् गाल्सुङ्, चिला सिसिन् ति तानि आला गिज्या नक्।
20
ति मिकि सिक्यासुङ्, "लोबेन्, ति तेरिक् ङेकि पेजा टिक्पे नै क्यालाराङ् मङेदिन् लेबु वै।"
21
येसुकि तिला ल्हानि ङिङ्ज्ये क्यासुङ् । खोकि तिला सिक्यासुङ्, "ख्यरुङ्ला ताम् चिक् मेत् । ख्यरेकि दाक्पु तानि वतुप् तेरिक् गिज्या तिवा च्वनि टेङ्बु मि तिवाला गोनि तेर्गोक्यु, तेमे देवाचेन्ला ख्यरे गिज्या च्युङु। ति तिङ् श्यक तेमे ङाला तिङ् ङ्य ।"
22
दि सिक्याबु ताम ति कोसिमा ति मि कि सेम्ला दुक्पा च्युङ्सुङ्; आला दुक्पा च्युङ्नि त्यासुर् गाल्सुङ्, चिला सिसिन् ति तानि आला गिज्या नक्।
23
येसुकि फारछुर ल्हानि दाक्पि लोप्टा तिवाला सिक्यासुङ्, "क्ष्युक्पु मि तिवाला कन्ज्यककि ग्याल्खाप्ला श्युकुप् आला नदुक्पा वै !"
24
लोप्टा तिवा खोकि सुङ् ला याम्छेन् लासुङ्। येसुकि लोङ्या तिवाला सिक्यासुङ्, "पेजा टिक्पे तिवा, कन्ज्यककि ग्याल्खाप्ला श्युगुप् लेम्ग्याराङ् दुक्पा वै!"
25
क्ष्युक्पु मिला कन्ज्यककि ग्याल्खाप् ला श्युकुप् सिना लाङ्बुला खाप्कि मिरुङ्ला श्युकुप् जोल्मु गिउइ ।"
26
तिवाला आला याम्छेन् लानि चिगि राङ्साला सिरुप् ज्युसुङ्, "तिनक् हिन्सिन्, सिकि थार्वा ङेथुप्क्यु ?"
27
येसुकि तिवाला ल्हानि सिक्यासुङ्, "मि तिवाला दि कि मुथुबु लाका हिन्, कन्ज्यक्ला ति मिन्। कन्ज्यककि तेरिक् कि थुप्क्यु ।"
28
पत्रुसकि खो तानि ताम किरु ज्युसुङ्, "ल्होसा, ङेरेकि तेरिक् ताङ्नि खोला तिङ् ङ्याबु वै।"
29
येसुकि सिक्यासुङ्, हुतुङ् हुतुङ् ङा खिराङ्ला सिउइ, सिकि ङे लेन् ल्यामु श्येतुप्ला सिनि दाक्पि खाङ्बा, उज्यु नुक् तिवा, इज्यि नुम् तिवा, पापा मामा तिवा, पुज्युङ् पुम् तिवा ताङ् साश्यि तिवा तोङु,
30
तिकि दिराङ् जाम्बुलिङ्ला हादाराङ् दुक्पा तिनि राङ् दिकि ग्या दुम्बा खाङ्बा तिवा, उज्युनुक तिवा, इज्यि नुम् तिवा, मामा तिवा, पुज्युङ् तिवा ताङ् हुङ्गुप् जाम्बुलिङ्ला नाम्लाङ् मिसिन्बु बमिजि ङेक्यु।
31
हिन्सिनाङ् मेरा आला तङ्ला वतुप् तिवा तिङ्ला श्योर्क्यु तिङ्ला वतुप् तिवा गमाला श्योर्क्युउइ।"
32
खो तिवा यरुशलेम ड्वप् लाम्ला डोइ नक्, येशु तिवि गमा गमाला डोइ वतुप् नक्। लोप्टातिवाला काश्ये क्यानि याम्छेन् लानि वतुप् नक् तेमो खप्राङ्ला तिङ् ङ्यागु तिवा ति ज्यिवा क्यानि नक्। तेमे येशुकि ति मेरा च्युप्ङि ताङ् ङिला टाल्नि फाजेक् टिनि गाल्नि ता खोला काङ् च्युङिन् वै ति ताम् ति सिरुप् ज्युसुङ्।
33
ल्होसा, ओरुङ् यरुशलेम नेवा डोइ हिन्, त्येरुक्ला मि पुज्युङ्ला कोङ्यार् क्ष्येम्बु ताङ् लोमा तिवि लाक्ला तेर्क्यु। तिविकि तिला सेतुप् कि क्यान् जुनि यहुदि मिन्दुप् तिवि लाक्ला तेर्क्यु।
34
तिविकि खोला माक्च्यार। किउइ, छ्युम्दुर् ग्यागु, थाल्च्याक् थनि ग्याम्नि सेतुप्ला क्योल्ग्यु। हिन्सिनाङ् ङिमा सुम्गि छेमु सेन्बु लाङु ।"
35
जब्दियाकि पुज्युङ् याकुब् ताङ् युहन्ना खोकि चाला लेम्नि खोला सिक्यासुङ्, "लोबेन्, ङेरेकि खोला काङ् लाङ्सुङ् ति ङेराङ्ला क्यानि नाङ् सिरुप् ति ङेराङ् नावा किउइ ।"
36
खोकि तिवाला सिक्यासुङ्, "ङेकि खिराङ्ला काङ् क्याबु दि खिराङ् नावा कि ?"
37
तिविकि सिक्यासुङ्, "खोकि सँवाला ङेरे नाङ्ला मिरा चिक्ला खोकि याबि छ्यला राङ्साला येन्बि छ्यला देतुप् नाङ् ।"
38
येसुकि तिवाला खालेन् क्यानि सिक्यासुङ्, "खिरेकि काङ् लोङिन् वै, ति ङाला छ्या मेत्। काङ् खिराङ् ङेकि थुङ्गुप् छालुप् करा नाङ्ने थुङ् थुप्क्यु ? ङेकि लाङ्गुप् बप्तिस्मा लाङ् थुप्क्यु?"
39
तिविकि खोला सिक्यासुङ्, "ङेराङ् थुप्क्यु।" येसुकि तिवाला सिक्यासुङ्, "ङेकि थुङ्गुप् करा नाङ्ने खिरे थुङुउइ। ङेकि लाङ्गुप् बप्तिस्मा खिरेकि लाङ्गुउइ।
40
हिन्सिनाङ् ङे याबि छ्याला ताङ् येन्बि छ्याला देतुप् ति ङेकि तेरुप् ताम मिन्, दि सुला सिनि टेगे जोबु वै तिवालाराङ् हिन् ।"
41
तजोला मेरा च्यु लोप्टा तिवि दि कोसुङ्, तिवा याकुब ताङ् युहन्ना तानि आलाराङ् ङेर्मा किरुप् ज्युसुङ्।
42
येसुकि तिवाला दाक्पि चाला का ताङ्नि सिक्यासुङ्, "यहुदि मिन्दुप् कि ठिम् किरुप् तिवा मि तिविकि तिवि खाला ओङ् किउइ, तिबिकि मागोबा मेङ्गुप् मि तिविकि तिवि खाला ओङ् किउइ सिरुप् ति खिराङ्ला छ्या वै।
43
हिन्सिनाङ् खिरे पार्ला नाम्लाङ् दिनक् मेङुउइ। खिरे पार्ला सु छ्ये किरुप् छोल्ग्यु, ति खिरे यक्पु हुङ् गोक्यु।
44
खिरे पार्ला सुङ् गमा किरुप् छोल्ग्यु, ति तेरिककि यक्पु च्युङ् गोक्यु ।
45
चिला सिसिन् मि पुज्युङ् लाका नलेमु ङेतुप्ला मिन्, यक्पु किरुप्ला सिनि आला ताम्गि ङालाक ला सिनि दाक्पि मिजि तरुप् लेसुङ्।
46
खोतिवा यरिहोला लेसुङ्। तेमे खोकि लोप्टा तिवा ताङ् गेर्पु छबु कमि तिवा तानि यरिहो नेसुर् डोसिन् तिमैकि पुज्युङ् बारतिमै मिक् मोथोङ्गुप् लोङ्गुप् ति लाम्ला देनि नक्।
47
तजोला तिकि येशु नासरि हिन् सिनि कोसुङ्, ति वोरु किरुप् ज्युनि सिक्यासुङ्, "येशु दाउदकि पुज्युङ् ङे खाला ङिङ्ज्येकि!"
48
मेरा आला कि वोरु माकि सिनि ति मिला कारे क्यासुङ्। हिन्सिनाङ् ति वोरु गेर्पुकि वोरु किरुप् क्यासुङ्, "दाउदकि पुज्युङ्, ङे खाला ङिङ्ज्ये कि।"
49
येश् खेनि ति मिला टिनि श्यक सिनि का बिन्सुङ्। तिविकि तिला दुक् सिइदाङ् का ताङ्सुङ्, सेम् क्योङ्बु कि! खक् ल ! खोकि ख्योरुङ्ला कातोङिन् वै ।"
50
तिकि दाक्पि कश्युक छ्य ज्यिक्ला क्युर्सुङ, तेमे येसुकि चाला फिरिन्दाङ् लेसुङ्।
51
येशुकि खालेन् किइदाङ् सिक्यासुङ्, "ङेकि ख्योरुङ्ला काङ् क्याबु ख्योङ् सेम् कि?" ति मिक् मोथोङ्बु मिकि सिक्यासुङ्, "रब्बि, ङा ङे मिक् थोङ् थुबु नावा किउइ।"
52
येशुकि तिला सिक्यासुङ्, "ग्युक् ! ख्यरे मोवाकि ख्योङ्ला थोङ् थुबु जोबु वै।" ति श्यारि थोङ्थुबु च्युङ्नि येशुकि तिङ्ला तिङ् ङ्यासुङ्