लिउ १
1
दि कन्ज्यक पुज्युङ चावा येसुकि लेन ल्यामि तङ्देन् हिन् ।
2
दुक क्यानि यसैया लुङतेम्बि थेप ला टिबु वे, "ल्होसा, ङा ङे लेन खुरुप्ला ख्यरे गमाला तोङिन वे, तिकि ख्यरे लाम थाका जोउइ।"
3
"काङ मेतुप् सेङे दासाला का तोङ्गुपकि वोरु, चावा कन्ज्यककि लाम टेगे जो, खोकि लाम तिवा थाका जो'।"
4
युहन्ना काङ मेतुप् सेङे दासाला बप्तिष्मा तेरिन ताङ दिक्पा नेसुर् थारुप्ला सिनि दिक्पा ग्युरुपकि बप्तिष्मा कि लेन श्येतिन लेसुङ।
5
यहुदियाकि तेरिक् साखुङनेसुर यरुसलेमकि तेरिक् मि तिवा तिकि चाला गाल्सुङ। दिविकि दाकदाक्पि दिक्पा तिवा ङेकि क्याबु राङ हिन सिइदाङ युहन्ना नेसुर तिविकि यर्दन ज्युङ्ला बप्तिष्मा लासुङ।
6
युहन्नाकि पुङ्गककि पु थनि जोबु माज्या कोन्दुप् नक् तेमे क्याल्दुङ्ला क कारा चिगुनक् तेमे तिकि पेच्यक्पा ताङ ङाठुङ्कि राङ साब नक्।
7
तिकि लेन लाप्नि सिक्यासुङ्,"ङे तिङ्ला ङा सिनासाङ् ङार् छ्येम्बु वतुप् ति हुङिन् वे, ङा कुङ क्यानि खोकि काङ्श्युग्कि रुता बितुप् जोजिगाङ मेत्।
8
ङेकि खिराङ्ला छ्यि बप्तिष्मा बिदिन्, हिन्सिनाङ खोकि खिराङ्ला थुचेङिकि बप्तिष्मा तेर्क्यु।"
9
ति ङिमा तिवाला दिनक् च्युङ्सुङ, येसु गालिलकि नासरत नेसुर लेसुङ, युहन्ना नेसुर यर्दन ज्युङनेसुर बप्तिष्मा लासुङ।
10
येसु छ्यि नाङ्ने थेन्सुङ, खोकि देवाचेन पेतुप् ताङ थुचेङि गाम्देर् दगे खोकि चाला हुङिन वतुप् थोङ्सुङ ।
11
तेमे देवाचेन नेसुर दिनक् वोरु लेसुङ,"ख्योङ ङे ङिङ्ज्येबु पुज्युङ हिन। ति तानि ङा आला गा लानि वे।
12
ति तिङ्ला थुचेङिकि खोला काङ मेतुप् सेङे दासाला डोगोबु जोसुङ्।
13
खो डे नेसुर् ङिमा खालङि साक् काङ मेतुप् सेङे दासाला खक्पा ल्हाइ देसुङ् । ङाठुङ्कि रिदाक् तिवा तानि देसुङ तेमे देवाचेनकि थु तिविकि खोकि यक्पु क्यासुङ्।
14
ता युहन्ना जिम्सिमा कन्ज्यककि लेन ल्यामु लापिन येसु गालिलला लेसुंङ।
15
तेमे सिक्यासुङ,"तुज्ये सिन्दु वे, कन्ज्यककि ग्याल्ठिक चालाराङ वे। सेन ग्युर्नि लेन लेमुला रेत्पा कि।
16
गालिलकि ग्याम्छो नेसुर् डोइ वसिन् खोकि सिमोन ताङ तिकि नुक् अन्द्रियस ति ङे था ग्याकिन् वतुप् थोङ्सुङ्, चिला सिसिन् तिवा ति ङ्या सेतुप् तिवा नक्।
17
येसुकि तिवाला सिक्यासुङ,"ग्युक्, ङे तिङ्ला तिङ ङ्य ङा खिराङ्ला मि रुगु तिवा जेउइ ।"
18
श्यारि तिविकि था ताङ् ज्याङ्नि येसुला तिङ ङ्यासुङ।
19
येसु युनि चेक् गमाला ख्योल्सिमा खोकि जब्दियाकि पुज्युङ याकुब ताङ तिकि नुक् युहन्नाला थोङ्सुङ; तिवा टुला देनि नागालु था तिवा जोइ नक्।
20
खोकि तिवाला काताङ्सुङ, तिविकि तिवि पापाला यक्पु तिवा तानि टुला राङ ताङ्नि ज्याङ्नि तिवा खोकि तिङ्ला तिङ् ङ्यासुङ।
21
खो तिवा कर्फनहुम्ला लेसुङ, तेमे ङाप् स्वप् ङिमाला येसु जोमखाङ्ला गाल्नि येनदेन् बिन्सुङ।
22
तिवा खोकि येन्देनला याम्छेन क्यासुङ, चिला सिसिन खोकि तिवाला क्ष्योने तिवि दगे मिन् मिन् ओङ् वतुप् मिकि दगे लोबिन् वतुप् नक् ।
23
ति तुज्येला जोम्खाङ्ला थु चेङि मेतुप् मि जिक् नक् । तिकि कारे क्यानि सिक्यासुङ,
24
"ख्योरुङ्तानि ङेरेति काङि लाका? काङ ख्योङ्म ङेराङ्ला सिन्दाकितुप् सिनि लेबु हिन् ? ख्योङ सु हिनसिनि ङा ङो सेक्यु। खो कन्ज्यककि चेङि मि हिन्।"
25
येसुकि र्हेन्डिला कारे क्यानि सिक्यासुङ, "खाराक्पा देत्, तिकि चानेसुर् थेनि श्यक् !"
26
तेमे ति मेचेङि थुकि तिला दाप्सुङ, ति मेचेङि थु वोरु गेर्पु देदिन्दाङ ति नेसुर थेन्सुङ।
27
तेमे तेरिक मि तिवा याम्छेन लानि चिगि राङ्साला सिरु ज्युसुङ,"दि काङ हिन्?
ओङ वतुप् साम्बा येन्देन तानि! खोकि मेचेङि थु तिवालाङ का तेर्क्यु, तिविकि खोकि का ङेन्ग्यु!"
28
खोकि कला च्युङु लेन श्यारि गालिलकि तेरिक् दासाला फेल्सुङ।
29
जोम्खाङ नेसुर् फिला थेन्सिमा खो तिवा याकुब ताङ युहन्ना तानि सिमोन् ताङ अन्द्रियसकि खाङ्बाला गाल्सुङ ।
30
सिमोनकि इबि ति ख्येजार लानि ङ्याल्नि नक्। तिविकि तिकि कला येसुला सिक्यासुङ।
31
दिकि किसाला, खो लेम्नि तिकि लाक्पाला जिम्नि तिला लाङ्सुङ, खेजारकि तिला श्यारि ताङ्सुङ तेमे तिकि खोकि लाका किरु ज्युसुङ।
32
ति गकाला ङिमा गासिमा तिविकि र्हेन्डि रेकुप् ताङ नाबु तेरिक मि तिवाला खोकि चाला टि लेसुङ।
33
तेरिक् ग्यासाकि मि ति खाङ्बि गोला जोम्सुङ।
34
खोकि राङ राङ नाबु मि तिवाला टेक्चिनि आला र्हेन्डि तिवला तेन्सुङ, खोकि र्हेन्डि तिवाला नाम कि माचि, चिला सिसिन तिविकि खोला ङो श्येबु नक्।
35
खो टोप्ला नाक चुमिला राङ लासुङ, खो सुङ मेतुप् दासाला गाल्नि मोपार क्यासुङ ।
36
सिमोन ताङ तिवा तानि वतुप तिवि खोला छाल्सुङ।
37
तिविकि खोला ठेनि सिक्यासुङ,"तेरिककि खोला छोलिन् वे।"
38
खोकि सिक्यासुङ,"ओरुङ केनि फारछुर ठाटुकि ग्यासाला डि, त्ये रुक्ला ङा लेन ल्यामु श्येक्यु। तिराङ किसाला ङा द्ये लेबु हिन्।
39
खो तिविकि जोम्खाङ्ला लेन श्येइ दाङ ह्रेन्डि तिवा देदिन्दाङ तेरिक गालिलकाङ गाल्सुङ।
40
मेराचिक जे क्यापु मि खोकि चाला लेसुङ। तिकि खोला गङ्बा श्युबु नक्; तिकि टिमुङचुनि खोला सिक्यासुङ,"हुतुङ खोकि नावा क्यासिन्, खोकि ङाला चेङि जो थुक्यु।"
41
येसु च्याम्बाकि केङ्सिमा दाक्पि लाक्पा क्याङ्नि तिला रेङ्नि सिक्यासुङ, " ङा नावा किउइ ख्योङ चेङि च्युङा।"
42
श्यारि ति जे ग्यापु मिला जरेकि ताङ्सुङ तेमे ति चेङि च्युङ्सुङ्।
43
येसुकि तिला क्योङ्बु क्यानि जिवा कुनि तिला ताङ्सुङ।
44
खोकि तिला सिक्यासुङ,"सुलाङ काङ मासिसा, हिन्सिनाङ कोङ्यार तिवि चाला गाल्नि दाक्पुला छ्या तेन्, मोसाकि का क्याबु दगे तिवाला किदुककि सिनि ख्यरे चेङिला सिनि जिन्बा बिन्।"
45
हिन्सिनाङ ति मिकि गाल्नि तेरिक्ला सिरु ज्युसिमा ति ताम ति केन्बवाङ आला फल्सुङ तिकि किसाला येसु चिन्दिङ ग्यासाला तेरिककि थोङु क्यानि युग् माथु। दिकि किसाला, खो सुङ मेतुप् दासाला देसुङ्, तेमे मि तिवा खोकि चाला लेसुङ्।